Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Roma 10:1-21

10  Kakabsat, ti naimbag a tarigagay ti pusok ken ti ararawko iti Dios maipaay kadakuada ket, kinapudnona, maipaay iti pannakaisalakanda.+  Ta saksiak ida nga adda regtada+ iti Dios; ngem saan a maitunos iti umiso a pannakaammo;+  ta, gapu iti saanda a pannakaammo iti kinalinteg ti Dios+ no di ket ikagkagumaanda nga ipasdek ti bukodda,+ saanda nga impasakup ti bagbagida iti kinalinteg ti Dios.+  Ta ni Kristo ti panungpalan ti Linteg,+ tapno tunggal maysa a mangwatwatwat iti pammati maaddaan iti kinalinteg.+  Ta isurat ni Moises a ti tao a nakaaramid iti kinalinteg ti Linteg agbiagto babaen iti dayta.+  Ngem ti kinalinteg nga ibunga ti pammati agsao iti kastoy a pamay-an: “Dika kunaen ita pusom,+ ‘Siasinonto ti umuli sadi langit?’+ kayatna a sawen, tapno iyulogna ni Kristo;+  wenno, ‘Siasinonto ti umulog iti yuyeng?’+ kayatna a sawen, tapno iyulina ni Kristo manipud kadagiti natay.”+  Ngem ania ti kunaenna? “Ti sao asideg kenka, iti bukodmo a ngiwat ken iti bukodmo a puso”;+ kayatna a sawen, ti “sao”+ ti pammati, nga ikaskasabatayo.+  Ta no silalatak nga ideklaram dayta a ‘sao iti bukodmo a ngiwat,’+ a ni Jesus ket Apo,+ ket watwatem ti pammati iti pusom nga isu imbangon ti Dios manipud kadagiti natay,+ maisalakankanto.+ 10  Ta buyogen iti puso+ watwaten ti maysa ti pammati maipaay iti kinalinteg, ngem buyogen iti ngiwat mangaramid ti maysa iti publiko a panangideklara+ maipaay iti pannakaisalakan. 11  Ta kuna ti Kasuratan: “Awan asinoman a mangisaad+ iti pammatina kenkuana ti maupayto.”+ 12  Ta awan ti pagdumaan ti Judio ken Griego,+ ta adda ti isu met laeng nga Apo iti isuamin, a nabaknang+ kadagidiay amin nga umaw-awag kenkuana. 13  Ta “tunggal maysa nga umawag iti nagan ni Jehova maisalakanto.”+ 14  Nupay kasta, kasano ti panangawagdanto iti daydiay a kenkuana saanda a naaddaan iti pammati?+ Kasta met, kasano a maaddaandanto iti pammati iti daydiay saanda a nangngeg? Kasta met, kasano ti pannakangngegdanto no awan ti mangasaba?+ 15  Kasta met, kasano ti panangasabadanto malaksid no naibaonda?+ Kas adda a naisurat: “Anian a nagimnas ti saksaka dagidiay mangideklara iti naimbag a damag ti naimbag a bambanag!”+ 16  Nupay kasta, saanda a nagtulnog amin iti naimbag a damag.+ Ta kuna ni Isaias: “Jehova, siasino ti naaddaan iti pammati iti banag a nangngeg manipud kadakami?”+ 17  Gapuna ti pammati sumaruno iti banag a nangngeg.+ Kasta met ti banag a nangngeg ket babaen iti sao maipapan ken Kristo.+ 18  Nupay kasta imtuodek, Napaayda aya a dimngeg? Ay ket, iti kinapudnona, “iti intero a daga rimmuar ti timekda,+ ket agingga kadagiti ungto ti mapagnaedan a daga ti sasaoda.”+ 19  Nupay kasta imtuodek, Napaay aya ti Israel a mangammo?+ Umuna kuna ni Moises: “Gargarienkayto nga agimon babaen iti dayta a saan a nasion; gargarienkayto nga agpungtot a sidadawel babaen iti maysa a maag a nasion.”+ 20  Ngem ni Isaias agbalin a natured unay ket kunana: “Nasarakandak dagidiay saan a nangsapsapul kaniak;+ naiparangarangak kadagidiay saan a nangim-imtuod maipapan kaniak.”+ 21  Ngem no maipapan iti Israel kunana: “Iti intero nga agmalem inyunnatko dagiti imak iti maysa nga ili a nasukir+ ken makisubang.”+

Footnotes