Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Roma 1:1-32

1  Ni Pablo, maysa nga adipen+ ni Jesu-Kristo ken naayaban+ tapno agbalin nga apostol,+ nailasin a maipaay iti naimbag a damag ti Dios,+  nga inkarina a nasaksakbay iti nasantuan a Kasuratan babaen kadagiti mammadtona,+  maipapan iti Anakna, a nagtaud iti bin-i ni David+ sigun iti lasag,+  ngem isuna a babaen ti pannakabalin+ naideklara nga Anak ti Dios+ sigun iti espiritu+ ti kinasanto babaen ti panagungar kadagiti natay+—wen, ni Jesu-Kristo nga Apotayo,  a baeten kenkuana immawatkami iti di kaikarian a kinamanangngaasi+ ken kinaapostol+ tapno adda koma panagtulnog iti pammati iti tengnga dagiti amin a nasion+ mainaig iti naganna,  nga iti tengnga dagita a nasion dakayo met dagidiay naayaban tapno agbalin a kukua ni Jesu-Kristo—  agpaay kadagidiay amin nga adda idiay Roma kas dagiti dungdungnguen ti Dios, naayaban+ tapno agbalin a sasanto:+ Maaddaankay koma iti di kaikarian a kinamanangngaasi ken talna+ manipud iti Dios nga Amatayo ken iti Apo a ni Jesu-Kristo.+  Umuna iti amin, agyamanak+ iti Diosko baeten ken Jesu-Kristo maipapan kadakayo amin, agsipud ta ti pammatiyo mapagsasaritaan+ iti intero a lubong.  Ta ti Dios, a pangipaayak iti sagrado a panagserbi buyogen ti espirituk mainaig iti naimbag a damag maipapan iti Anakna, isu ti saksik+ no kasano nga awan ressatna a dakamatenkayo a kankanayon iti karkararagko,+ 10  nga agpakpakaasiak a no mabalin koma iti kamaudiananna rumang-ayak itan iti pagayatan+ ti Dios tapno makaumayak kadakayo. 11  Ta il-iliwek a makitakayo,+ tapno maiburayankayo iti naespirituan a sagut+ tapno mapatibkerkayo; 12  wenno, imbes ketdi, tapno adda koma panagsisinnukat iti pammaregta+ iti nagtetengngaanyo, iti tunggal maysa babaen ti pammati ti sabali,+ agpadpada iti pammatiyo ken kaniak. 13  Ngem diak kayat a dikay maammuan, kakabsat,+ nga iti adu a daras pinanggepko ti umay kadakayo,+ ngem nalapdanak agingga ita, tapno makagun-odak met koma iti sumagmamano a bunga+ kadakayo a kas kadagiti dadduma iti nasnasion. 14  Siuutangak agpadpada kadagiti Griego ken kadagiti Barbaro, agpadpada kadagiti masirib+ ken kadagiti nakuneng: 15  gapuna adda kinagagar iti biangko a mangideklara ti naimbag a damag+ kadakayo met nga adda dita Roma.+ 16  Ta diak ibain+ ti naimbag a damag; iti kinapudnona, dayta ti pannakabalin ti Dios+ a pakaisalakanan ti tunggal maysa nga addaan pammati,+ umuna iti Judio+ ken kasta met iti Griego;+ 17  ta iti dayta ti kinalinteg ti Dios+ maipampanayag gapu iti pammati+ ken maipaay iti pammati, kas adda a naisurat: “Ngem daydiay nalinteg—babaen ti pammati isu agbiagto.”+ 18  Ta ti pungtot ti Dios+ maipampanayag manipud langit maibusor iti isuamin a di kinanadiosan ken kinakillo+ dagiti tattao a manglaplapped iti kinapudno+ iti nakillo a pamay-an,+ 19  agsipud ta ti mabalin a maammuan maipapan iti Dios ket maiparangarang iti nagtetengngaanda,+ ta ti Dios imparangarangna dayta kadakuada.+ 20  Ta dagiti di makita+ a kualidadna ket silalawag a makita manipud pannakaparsua ti lubong ken agpatpatuloy,+ agsipud ta matarusan ida babaen iti bambanag a naaramid,+ ti mismo nga agnanayon a pannakabalin+ ken kina-Diosna,+ iti kasta awan ti pagpambarda;+ 21  agsipud ta, nupay ammoda ti Dios, saanda nga indaydayaw a kas Dios ket saanda met a nagyaman kenkuana,+ no di ket nagbalin a kawaw ti panagul-uloda+ kadagiti panagrasrasonda ket ti di nasaririt a pusoda nagsipnget.+ 22  Nupay ipapatida a mamasiribda, nagbalinda a maag+ 23  ket pinagbalinda ti dayag+ ti di agrupsa a Dios a maysa a banag a kaasping ti ladawan+ ti agrupsa a tao ken dagiti tumatayab ken ti uppat-sakana a parparsua ken agkarkarayam a bambanag.+ 24  Gapuna ti Dios, mayannurot kadagiti tarigagay ti puspusoda, inyawatna ida iti kinarugit,+ tapno dagiti bagida+ maibabain koma kadakuada,+ 25  uray pay dagidiay nangisukat iti kinapudno+ ti Dios a maipaay iti ulbod+ ken nagdaydayaw ken nangipaay iti sagrado a panagserbi iti parsua imbes a Daydiay namarsua, a bendito iti agnanayon. Amen. 26  Dayta ti makagapu a ti Dios inyawatna ida kadagiti nakababain a panaggartem iti sekso,+ ta agpadpada a dagiti babbaida sinukatanda ti nakaisigudan nga usar ti bagbagida iti maysa a maikaniwas iti nakaparsuaan;+ 27  ken kasta met nga uray dagiti lallaki pinanawanda ti nakaisigudan nga usar ti babai+ ket simgedda a sidadawel iti derrepda iti maysa ken maysa, lallaki iti lallaki,+ nga ar-aramidenda no ania ti naalas+ ket aw-awatenda iti bagbagida ti naan-anay a supapak,+ a maiparbeng iti biddutda.+ 28  Ket no kasano a saanda nga inanamongan ti panangbigbig iti Dios buyogen ti umiso a pannakaammo,+ inyawat ida ti Dios iti di naanamongan a kasasaad ti isip,+ tapno aramidenda ti bambanag a di mayanatup,+ 29  idinto ta napnoda iti amin a kinakillo,+ kinadangkes,+ kinaagum,+ kinadakes,+ a napnoda iti apal,+ panangpapatay,+ ringgor,+ allilaw,+ makadangran a pagannayasan,+ a managdanengdeng,+ 30  manangpadpadakes,+ mananggura iti Dios, nakuspag,+ natangsit,+ napalangguad,+ manangpartuat iti makadangran a bambanag,+ nasukir kadagiti nagannak,+ 31  awanan pannakaawat,+ naulbod kadagiti tulagan,+ awanan ti nainkasigudan a panagayat,+ awanan asi.+ 32  Nupay dagitoy pagaammoda unay ti nalinteg a bilin ti Dios,+ a dagidiay mangan-annurot iti kakasta a bambanag maikarida iti ipapatay,+ saanda laeng nga itultuloy nga aramiden ida no di ket makikanunongda+ pay kadagidiay mangan-annurot kadagita.

Footnotes