Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Proverbio 8:1-36

8  Saan aya a ti sirib agpukpukkaw,+ ket ti panangilasin iyes-esngawna ti timekna?+  Iti tapaw dagiti kangatuan,+ iti igid ti dalan, iti nagsangaan dagiti dana, nagsaad dayta.  Iti sikigan dagiti ruangan, iti wangawangan ti ili,+ iti daramuangan dagiti pagserkan ipukpukkawna a sipipigsa:+  “Kadakayo, O tattao, umaw-awagak, ket ti timekko maiturong iti annak ti tattao.+  O dakayo nga awanan kapadasan, itarusanyo ti kinasaririt;+ ket dakayo a maag, itarusanyo ti puso.+  Umimdengkayo, ta sawek ti maipapan iti kangrunaan a bambanag,+ ket ti panaglukat dagiti bibigko maipapan iti kinapalungdo.+  Ta kadagiti nababa a timek mangisao ti ngadasko iti mismo a kinapudno;+ ket ti kinadangkes nakarimrimon kadagiti bibigko.+  Ti amin a sasao ti ngiwatko addada iti kinalinteg.+ Awan ti tiritir wenno killo kadakuada.+  Umisoda amin iti daydiay makailasin, ken nalinteg kadagidiay makasarak iti pannakaammo.+ 10  Awatenyo ti disiplinak ket saan a ti pirak, ken pannakaammo imbes a napili a balitok.+ 11  Ta ti sirib nasaysayaat ngem dagiti korales,+ ket amin a sabsabali a pakaragsakan saanda a maipada iti dayta.+ 12  “Siak, ti sirib, nagtaengak a kadua ti kinasaririt+ ket sarakek uray ti pannakaammo maipapan kadagiti pannakabael nga agpanunot.+ 13  Ti panagbuteng ken Jehova kaipapananna ti pananggura iti dakes.+ Ginurak ti panangitan-ok iti bagi ken panagpannakkel+ ken ti dakes a dalan ken ti balusingsing a ngiwat.+ 14  Addaanak iti pammatigmaan+ ken praktikal a kinasirib.+ Siak—ti pannakaawat;+ addaanak iti kinamannakabalin.+ 15  Babaen kaniak agtultuloy nga agturay ti mismo nga ar-ari, ket dagiti met laeng nangato nga opisial agtultuloyda a mangikeddeng iti kinalinteg.+ 16  Babaen kaniak dagiti met laeng prinsipe agtultuloyda nga agturay kas piprinsipe,+ ket dagiti natan-ok manguk-ukomda amin iti kinalinteg.+ 17  Dagidiay mangay-ayat kaniak ayatek,+ ket dagidiay mangsapsapul kaniak isuda ti makasarak kaniak.+ 18  Adda kaniak ti kinabaknang ken dayag,+ dagiti pagtatawidan a gameng ken kinalinteg.+ 19  Ti bungak nasaysayaat ngem iti balitok, ngem uray pay iti napasudi a balitok, ken ti apitko ngem iti napili a pirak.+ 20  Magnaak iti dana ti kinalinteg,+ iti tengnga dagiti dalan ti panangukom,+ 21  tapno ipatagikua ti sanikua kadagidiay mangay-ayat kaniak;+ ket dagiti kamaligda pagtalinaedek a sipupunno.+ 22  “Ni met laeng Jehova pinataudnak kas ti punganay ti dalanna,+ ti kauunaan kadagiti gapuananna iti nabayagen a tiempo.+ 23  Naisaadak manipud tiempo a di nakedngan,+ manipud iti pangrugian, manipud kadagiti tiempo nga immun-una ngem iti daga.+ 24  Idi awan pay dagiti nadanum a yuyeng naipasngayak a kasla nabuyogan kadagiti panagpasikal,+ idi awan pay dagiti ubbog nga aduan unay iti danum. 25  Sakbay a naisaad dagiti mismo a bantay,+ nga immun-una ngem kadagiti turod, naipasngayak a kasla nabuyogan kadagiti panagpasikal, 26  idi saanna pay nga inaramid ti daga+ ken dagiti nalayang a tay-ak ken ti umuna a paset dagiti tapok ti nabunga a daga.+ 27  Addaak sadiay idi insaganana ti langlangit;+ idi nangikeddeng iti sirkulo iti rabaw ti nadanum a yuyeng,+ 28  idi pinatibkerna dagiti aripuno ti ul-ulep iti ngato,+ idi pinapigsana dagiti ubbog ti nadanum a yuyeng,+ 29  idi impasdekna maipaay iti baybay ti bilinna a ti met laeng dandanum saan a rebbeng a lumabes iti bilinna,+ idi inkeddengna dagiti pamuon ti daga,+ 30  iti kasta addaak idi iti sibayna kas nasigo a managobra,+ ket siak daydiay pakaay-ayatanna unay+ iti inaldaw, yantangay maragragsakanak iti sanguananna iti isuamin a tiempo,+ 31  yantangay maragragsakan iti nabunga a disso iti dagana,+ ket ti bambanag a pakaay-ayatak mainaig iti annak ti tattao.+ 32  “Ket ita, O annak, umimdengkayo kaniak; wen, naragsak dagiti mangsalimetmet iti mismo a daldalanko.+ 33  Umimdengkayo iti disiplina ket agbalinkayo a masirib,+ ket dikay mangipakita iti aniaman a panagliway.+ 34  Naragsak ti tao nga umim-imdeng kaniak babaen ti panagtalinaedna a siririing kadagiti ruanganko iti inaldaw, babaen ti panagbantayna kadagiti bautek dagiti pagserkak.+ 35  Ta daydiay makasarak kaniak pudno unay a makasarakto iti biag,+ ket makagun-od iti naimbag a nakem manipud ken Jehova.+ 36  Ngem daydiay bumiddut kaniak rangranggasanna ti kararuana;+ amin dagidiay nakaro ti pananggurada kaniak isuda ti agayat ken patay.”+

Footnotes