Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Proverbio 31:1-31

31  Ti sasao ni Lemuel nga ari, ti nadagsen a mensahe+ nga inted kenkuana ni inana kas pangpalinteg:+  Ania ti sasawek, O anakko, ket ania, O anak ti tianko,+ ket ania, O anak dagiti karik?+  Saanmo nga ited ti kiredmo kadagiti babbai,+ wenno uray ti daldalanmo iti mangiturong iti pannakapunas ti ar-ari.+  Saan nga agpaay iti ar-ari, O Lemuel, saan nga agpaay iti ar-ari ti iyiinum iti arak wenno kadagiti nangato nga opisial ti panangikuna: “Sadino ti ayan ti makabartek nga inumen?”+  tapno ti maysa saan koma nga uminum ket malipatanna no ania ti naibilin ket ballikugenna ti irupir ti asinoman iti annak ti rigat.+  Mangtedkayo iti makabartek nga inumen iti daydiay dandani mapukawen+ ken arak kadagidiay a sipapait ti kararuada.+  Bay-anyo nga uminum ti maysa ket lipatenna ti kinakurapayna, ket bay-anyo a saanen a lagipen ti maysa ti bukodna a pakariribukan.  Luktam ta ngiwatmo iti daydiay umel,+ iti irupir dagidiay amin nga aglablabas.+  Luktam ta ngiwatmo, mangukomka a sililinteg ket irupirmo ti kalintegan daydiay naparigatan ken daydiay napanglaw.+ א [ʼA′lef] 10  Ti makabael nga asawa a babai siasino ti makasarak?+ Ti pategna adayo nga ad-adda ngem iti pateg dagiti korales. ב [Beth] 11  Ti puso ti makinkukua kenkuana nangikabil kenkuana iti panagtalek, ket saan nga agkurang ti gunggona.+ ג [Gi′mel] 12  Isu ginunggonaanna iti naimbag, ket saan a dakes, iti amin nga al-aldaw ti panagbiagna.+ ד [Da′leth] 13  Nagsapul iti delana ken lienso, ket agaramid iti aniaman a pakaragsakan dagiti imana.+ ה [Heʼ] 14  Nagbalin a kas kadagiti barko ti komersiante.+ Manipud adayo iyegna ti taraonna. ו [Waw] 15  Bumangon met bayat a rabii pay laeng,+ ket mangted iti taraon iti sangakabbalayanna ken ti naibilin a bingay kadagiti agtutubona a babbai.+ ז [Za′yin] 16  Inut-utobna ti maysa a talon ket ginun-odna dayta;+ manipud iti bunga dagiti imana isu nagmula iti kaubasan.+ ח [Cheth] 17  Dagiti padingpadingna binariksanna iti pigsa, ket pakirdenna dagiti takiagna.+ ט [Teth] 18  Nariknana a ti panagtagilakona ket naimbag; ti pagsilawanna saan a maiddep iti rabii.+ י [Yodh] 19  Dagiti imana inyunnatna iti ungkal, ket dagiti bukodna nga ima iggamanda ti takbian.+ כ [Kaf] 20  Ti dakulapna inyukradna iti daydiay naparigatan, ket dagiti imana inyunnatna iti daydiay napanglaw.+ ל [La′medh] 21  Isu saan nga agbuteng maipaay iti sangakabbalayanna gapu iti niebe, ta ti intero a sangakabbalayanna sikakawesda kadagiti nagrutap a kawes.+ מ [Mem] 22  Dagiti abbong ti idda+ inaramidna maipaay kenkuana. Ti pagan-anayna naaramid iti lienso ken delana a natinaan iti lumabaga a purpura.+ נ [Nun] 23  Ti makinkukua kenkuana+ maysa nga am-ammo kadagiti ruangan,+ no makikatugaw kadagiti lallakay iti daga. ס [Sa′mekh] 24  Nangaramid pay kadagiti makin-uneg a kawes+ ket inlakona ida, ken nangted iti sinsinturon kadagiti agtagtagilako. ע [ʽA′yin] 25  Pigsa ken kinangayed isuda ti pagan-anayna,+ ket isu agkatawa iti masanguanan nga aldaw.+ פ [Peʼ] 26  Ti ngiwatna linuktanna buyogen ti kinasirib,+ ket ti linteg ti naayat a kinamanangngaasi adda iti dilana.+ צ [Tsa·dhe′] 27  Ay-aywananna ti ar-aramid ti sangakabbalayanna, ket ti tinapay ti kinasadut saanna a kanen.+ ק [Qof] 28  Bimmangon ti annakna ket kinunada nga isu naragsak;+ ti makinkukua kenkuana bumangon, ket isu idaydayawna.+ ר [Resh] 29  Adu ti annak a babbai+ a nakaipakita iti pannakabael, ngem sika—linab-awam ida amin.+ ש [Shin] 30  Ti kayaw mabalin nga ulbod,+ ken ti kinalibnos mabalin nga ubbaw;+ ngem ti babai nga agbuteng ken Jehova isu ti makagun-od iti dayaw maipaay iti bagina.+ ת [Taw] 31  Ikkanyo iti bunga dagiti imana,+ ket isu idaydayaw koma dagiti aramidna uray kadagiti ruangan.+

Footnotes