Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Proverbio 3:1-35

3  Anakko, ti lintegko saanmo a lipaten,+ ket dagiti bilinko salimetmetan koma ta pusom,+  agsipud ta ti kaatiddog ti al-aldaw ken tawtawen ti biag+ ken talna mainayonto kenka.+  Ti met laeng naayat a kinamanangngaasi ken kinapudno saandaka koma a panawan.+ Igalutmo ida iti aglawlaw ta karabukobmo.+ Isuratmo ida iti tapi ta pusom,+  ket iti kasta makasarakka iti pabor ken naimbag a pannakatarus iti imatang ti Dios ken ti naindagaan a tao.+  Agtalekka ken Jehova buyogen ti isuamin a pusom+ ket dika agkammatalek iti bukodmo a pannakaawat.+  Isu imutektekam iti amin a daldalanmo,+ ket isu palintegennanto dagiti danam.+  Dika agmasirib kadagiti bukodmo a mata.+ Agbutengka ken Jehova ket umadayoka iti dakes.+  Agbalin koma dayta a pakapaimbagan+ ta pusegmo ken pakapabang-aran dagita tulangmo.+  Padayawam ni Jehova iti napapateg a bambanagmo+ ken iti umuna a bungbunga ti isuamin nga apitmo.+ 10  Iti kasta dagiti pempen ti abastom mapusekto nga aglaplapusanan;+ ket dagiti bukodmo a tangke a pagpespesan aglippiasto iti baro nga arak.+ 11  Ti disiplina ni Jehova, O anakko, saanmo a laksiden;+ ket saanmo a karurod ti pannubngarna,+ 12  agsipud ta daydiay ayaten ni Jehova tubngarenna,+ kas met laeng iti panangtubngar ti maysa nga ama iti anak a pakasarakanna iti ragsak.+ 13  Naragsak ti tao a nakasarak iti sirib,+ ken ti tao a makagun-od iti panangilasin,+ 14  ta ti pannakagun-od iti dayta kas gunggona ket nasaysayaat ngem iti pannakagun-od iti pirak kas gunggona ken ti pannakagun-od iti dayta kas apit ngem iti mismo a balitok.+ 15  Napatpateg ngem kadagiti korales,+ ket amin a sabsabali pay a pakaragsakam saan a maipada iti dayta. 16  Ti kaatiddog ti al-aldaw adda iti makannawan nga imana;+ iti makannigid nga imana adda kinabaknang ken dayag.+ 17  Ti daldalanna ket daldalan ti kinamakaay-ayo, ket amin a dandanana talna.+ 18  Maysa dayta a kayo ti biag+ kadagidiay mangpetpetpet iti dayta, ket dagidiay agtultuloy a mangsalimetmet a siiirut iti dayta+ maawaganda iti naragsak.+ 19  Buyogen ti sirib, ni met laeng Jehova imbangonna ti daga.+ Buyogen ti panangilasin impasdekna a sititibker ti langlangit.+ 20  Babaen iti pannakaammona nabisngay dagiti mismo a nadanum a yuyeng,+ ket dagiti naulep a tangatang agtultuloyda a mangitedted iti arbis.+ 21  Anakko, saanda koma a pumanaw kadagita matam.+ Saluadam ti praktikal a kinasirib ken ti pannakabael nga agpanunot,+ 22  ket agbalindanto a biag ita kararuam+ ken pangkayaw ita karabukobmo.+ 23  Iti kasta magnakanto a sitatalged+ iti dalanmo, ket uray ta sakam saanto a maidungpar iti aniaman a banag.+ 24  Kaanoman nga agiddaka saankanto nga agalinggaget;+ ket sigurado nga agiddakanto, ket ti pannaturogmo makaparagsakto.+ 25  Saanto a kasapulan nga agbutengka iti aniaman a kellaat a makapaalinggaget a banag,+ wenno uray iti bagyo kadagidiay nadangkes, agsipud ta dumteng dayta.+ 26  Ta ni met laeng Jehova agbalinto, iti kinapudnona, a pagkammatalkam,+ ket sigurado nga aywanannanto ta sakam maibusor iti pannakakautibo.+ 27  Saanmo a medmedan ti naimbag kadagidiay addaan karbengan iti dayta,+ no adda iti pannakabalin ta imam ti panangaramid iti dayta.+ 28  Saanmo a kunaen iti padam a tao: “Mapanka, ket agsublika ket inton bigat mangtedakto,” no adda kenka ti maysa a banag.+ 29  Dika mangpartuat iti aniaman a dakes+ maibusor iti padam a tao, no isu makipagnanaed kenka a sitatalged.+ 30  Dika makiriri iti maysa a tao nga awan gapgapuna,+ no awan dakes nga inaramidna kenka.+ 31  Dika agbalin a naapal iti tao ti kinaranggas,+ wenno uray pilien ti aniaman kadagiti dalanna.+ 32  Ta ti nasikap+ a tao nakarimrimon a banag ken Jehova,+ ngem ti kinasingedna adda kadagidiay napalungdo.+ 33  Ti panangilunod ni Jehova adda iti balay daydiay nadangkes,+ ngem ti disso a pagyanan dagidiay nalinteg bendisionanna.+ 34  No adda pakainaiganna kadagiti managuy-uyaw,+ isu uyawennanto;+ ngem kadagidiay naemma ipaaynanto ti parabur.+ 35  Ti dayaw isu ti ikutanto dagidiay masirib,+ ngem dagidiay maag itantan-okda ti pannakaibabain.+

Footnotes