Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Proverbio 28:1-28

28  Dagiti nadangkes agtalawda idinto ta awan ti kumamkamat,+ ngem dagiti nalinteg kaslada iti urbon a leon nga agtalek.+  Gapu iti salungasing ti maysa a daga adu dagiti agsasaruno a prinsipena,+ ngem babaen iti makailasin a tao nga addaan pannakaammo iti umiso agtalinaedto iti mabayag ti prinsipe.+  Ti nabaneg a lalaki a bassitan iti sanikua ken mangsasaur+ kadagidiay nanumo ket kas iti tudo a manglapunos iti kasta awan ti taraon.  Dagidiay mangbaybay-a iti linteg idaydayawda daydiay nadangkes,+ ngem dagidiay mangsalsalimetmet iti linteg gargarienda ti bagbagida a bumusor kadakuada.+  Dagiti lallaki a nayawat iti kinadakes saanda a maawatan ti panangukom, ngem dagidiay mangsapsapul ken Jehova maawatanda ti isuamin.+  Nasaysayaat daydiay bassitan iti sanikua a magmagna iti kinatarnawna ngem iti asinoman a nakillo iti daldalanna, nupay isu nabaknang.+  Ti mannakaawat nga anak tungpalenna ti linteg,+ ngem ti maysa a makikadua kadagiti buklis ipababana ni amana.+  Daydiay mangpapaadu kadagiti sanikuana babaen iti patubo+ ken am-am urnongenna ida maipaay laeng iti daydiay mangipakpakita ti pabor kadagidiay nanumo.+  Daydiay mangyadayo ti lapayagna iti panagdengngeg iti linteg+—uray ti kararagna nakarimrimon.+ 10  Daydiay mangyaw-awan kadagidiay napalungdo+ nga agturong iti dakes a dalan matnagto iti bukodna nga abut,+ ngem dagidiay awan pagkuranganna tagikuaendanto ti naimbag.+ 11  Ti nabaknang a tao masirib kadagiti bukodna a mata,+ ngem isu sukimaten daydiay nanumo a makailasin.+ 12  No agragrag-o dagidiay nalinteg,+ adda naruay a pintas; ngem no tumakder dagidiay nadangkes, ti maysa a tao manglimlimo.+ 13  Daydiay mangabbong kadagiti salungasingna saanto nga agballigi,+ ngem daydiay mangipudno ken mangpanaw kadakuada maipakitaanto iti asi.+ 14  Naragsak ti tao a patinayon nga agalinggaget,+ ngem daydiay mangpatangken iti pusona matnagto iti didigra.+ 15  Kas iti agug-uga a leon ken dumardarundon nga oso kasta ti nadangkes nga agturay iti nanumo nga ili.+ 16  Ti panguluen nga awanan iti pudno a panangilasin naruay met kadagiti nakusit nga aramid,+ ngem daydiay manggura iti nakillo a gunggona+ paatiddogennanto dagiti aldawna. 17  Ti tao a napadagsenan iti panagbasol iti dara maipuon iti maysa a kararua agkamangto a mismo uray iti abut.+ Isu saanda koma a tenglen. 18  Daydiay magmagna nga awan pagkuranganna maisalakanto,+ ngem daydiay napagbalin a killo iti daldalanna mapasagto a dagus.+ 19  Daydiay mangtalon iti bukodna a daga aglaplapusananto iti tinapay,+ ket daydiay mangsursurot iti awanan pateg a bambanag aglaplapusananto iti kinakurapay.+ 20  Ti tao nga addaan matalek nga ar-aramid makagun-odto iti adu a bendision,+ ngem daydiay aggangganat a makagun-od iti kinabaknang saanto nga agtalinaed nga awanan basol.+ 21  Ti panangipakita iti panangidumduma saan a nasayaat,+ wenno uray ti panagsalungasing ti maysa a nabaneg a lalaki gapu iti sangkapisi laeng a tinapay. 22  Ti tao nga addaan naapal a mata duroganna ti bagina a sumurot iti napapateg a bambanag,+ ngem saanna nga ammo a dumtengto kenkuana ti mismo a panagkasapulan. 23  Daydiay mangtubngar iti maysa a tao+ makasarakto kalpasanna iti ad-adu a parabur ngem daydiay mamaspasablog babaen iti dilana. 24  Daydiay a taktakawanna ni amana ken ni inana+ ken agkunkuna: “Saan a salungasing dayta,”+ ket kadua ti tao a mamatpataud iti pannakadadael. 25  Daydiay napangas ti kararuana manggutugot iti rinnupir,+ ngem daydiay agkammatalek ken Jehova mapalukmegto.+ 26  Daydiay agtalek iti bukodna a puso maag,+ ngem daydiay magna iti kinasirib isunto ti makalibas.+ 27  Ti mangted iti daydiay bassitan iti sanikua awananto iti panagkasapulan,+ ngem ti mangilemmeng kadagiti matana makagun-odto iti adu a lunod.+ 28  No tumakder dagiti nadangkes, aglemmeng ti maysa a tao;+ ngem no mapukawda, umadu dagiti nalinteg.+

Footnotes