Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Proverbio 23:1-35

23  No kas pagarigan agtugawka tapno makipanganka iti ari, rebbeng a sigaganetget nga utobem no ania ti adda iti sanguanam,+  ket masapul a mangikabilka iti imuko ita karabukobmo no addaanka iti tarigagay ti kararua.+  Saanmo nga ipakita a gargartemam dagiti naimas a putahena, yantangay taraon dayta dagiti kinaulbod.+  Dika agbannog a manggun-od iti kinabaknang.+ Sumardengka manipud bukodmo a pannakaawat.+  Intaldiapmo kadi dagita matam iti dayta, idinto nga awan?+ Ta di bumurong a mangaramid dayta kadagiti payak maipaay iti bagina kas kadagiti payak ti agila ket tumayab nga umadayo nga agturong iti langlangit.+  Saanmo a pakanen ta bagim iti taraon ti asinoman a di naparabur ti matana,+ saanmo met nga ipakita a gargartemam dagiti naimas a putahena.+  Ta kas iti maysa a nagpattapatta iti uneg ti kararuana, isu ket kasta.+ “Mangan ken uminumka,” kunaenna kenka, ngem ti met laeng pusona awan kenka.+  Ti sangkapisim a kinnanmo, isarwamto dayta, ket sinayangmonton ti makaay-ayo a sasaom.+  Kadagiti lapayag ti maysa a maag dika agsao,+ ta umsiennanto ti nasirib a sasaom.+ 10  Saanmo nga iyalis ti beddeng ti nabayagen a tiempo,+ ket iti talon dagiti awan amana nga ubbing dika sumrek.+ 11  Ta ti Mannubbotda napigsa; isu irupirnanto kenka ti kalinteganda.+ 12  Iyegmo ta pusom iti disiplina ken ta lapayagmo iti sasao ti pannakaammo.+ 13  Saanmo nga igawid ti disiplina manipud iti ubing laeng.+ No kas pagarigan bautem iti pagbaut, saanto a matay. 14  Rebbeng a bautem iti pagbaut, tapno maispalmo ti mismo a kararuana manipud met laeng iti Sheol.+ 15  Anakko, no ti pusom nagbalin a masirib,+ ti pusok agrag-onto, siak a mismo.+ 16  Ket dagiti bekkelko agragsakdanto no dagiti bibigmo agsaoda iti kinalinteg.+ 17  Ti pusom saan koma nga umapal kadagiti managbasol,+ no di ket agbutengka ken Jehova iti intero nga agmalem.+ 18  Ta iti dayta a kaso addanto ti maysa a masanguanan,+ ket ti bukodmo a namnama saanto a makeltay.+ 19  Sika, O anakko, dumngegka ket agbalinka a masirib, ket iturongmo ta pusom iti dalan.+ 20  Dika makikadua kadagiti nakaro ti panagin-inumna iti arak,+ kadagidiay a nabuklis a mannangan iti lasag.+ 21  Ta ti managbarbartek ken buklis kumurapaydanto,+ ket ti panagsaguyepyep kawesannanto ti maysa iti rigrigis laeng.+ 22  Umimdengka ken amam a nangputot kenka,+ ket saanmo nga umsien ni inam gapu laeng ta bimmaketen.+ 23  Gatangem ti mismo a kinapudno+ ket saanmo nga ilako dayta—ti sirib ken disiplina ken pannakaawat.+ 24  Ti ama daydiay nalinteg di bumurong nga agrag-onto;+ daydiay agbalin nga ama ti maysa a masirib agragsakto met kenkuana.+ 25  Ni amam ken ni inam agragsakdanto, ket daydiay nangipasngay kenka agrag-onto.+ 26  Anakko, ipaaymo kaniak ta pusom, ket dagita matam agragsakda koma iti bukodko a daldalan.+ 27  Ta ti balangkantis maysa a nauneg nga abut+ ket ti ganggannaet a babai maysa nga akikid a bubon. 28  Sigurado nga isu, kas iti maysa a mannanakaw, agpadaan;+ ket iti tengnga dagiti tattao paaduenna dagidiay nagulib.+ 29  Siasino ti addaan iti kinaay-ay? Siasino ti addaan iti panagdukot? Siasino ti addaan kadagiti rinnupir?+ Siasino ti addaan iti pannakaseknan? Siasino ti addaan sugsugat nga awan gapgapuna? Siasino ti addaan iti kinalidem kadagiti mata? 30  Dagidiay agtalinaed iti atiddog a tiempo iti arak,+ dagidiay sumrek nga agbirok iti naggampor nga arak.+ 31  Dika kumita iti arak no lumabaga ti marisna, no sumilapsilap iti kopa, no agayus a silalamuyot. 32  Iti panungpalanna kumagat dayta a kas iti serpiente,+ ket agparuar iti sabidong a kas iti karasaen.+ 33  Dagiti bukodmo a mata makakitadanto iti karkarna a bambanag, ket ti bukodmo a puso agsaonto iti balusingsing a bambanag.+ 34  Ket sigurado nga agbalinkanto a kas iti maysa nga agid-idda iti puso ti baybay, kas met laeng iti maysa nga agid-idda iti murdong ti maysa a palo.+ 35  “Kinabildak, ngem saanak a nagsakit; dinissuandak, ngem saanko nga ammo dayta. Kaanonto nga agriingak?+ Agsapulakto pay iti ad-adu.”+

Footnotes