Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Proverbio 16:1-33

16  Dagiti panangigakat ti puso kukua ti naindagaan a tao,+ ngem ti sungbat ti dila aggapu ken Jehova.+  Amin dagiti dalan ti maysa a tao nasin-awda kadagiti bukodna a mata,+ ngem ni Jehova tingitingenna dagiti espiritu.+  Iyadanim dagiti aramidmo ken Jehova a mismo+ ket dagiti gakatmo maipasdekto a sititibker.+  Amin a banag inaramid ni Jehova maipaay iti panggepna,+ wen, uray daydiay nadangkes maipaay iti dakes nga aldaw.+  Tunggal maysa a napannakkel iti puso nakarimrimon ken Jehova.+ Ti ima mabalin a maipetpet iti ima, kaskasdi a ti maysa saanto a mawayawayaan manipud pannakadusa.+  Babaen iti naayat a kinamanangngaasi ken kinapudno maabbongan ti biddut,+ ket iti panagbuteng ken Jehova umadayo ti maysa iti dakes.+  No maragsakan ni Jehova iti daldalan ti maysa a tao,+ pakikappiaenna kenkuana uray dagiti mismo a kabusorna.+  Nasaysayaat ti bassit nga addaan kinalinteg+ ngem iti kinaruay dagiti bunga nga awanan kinahustisia.+  Ti puso ti naindagaan a tao mabalin a panunotenna ti dalanna,+ ngem ni met laeng Jehova ti mangiturturong kadagiti addangna.+ 10  Ti naipaltiing a pangngeddeng rebbeng nga adda kadagiti bibig ti maysa nga ari;+ iti panangukom rebbeng a saan nga agbalin a di matalek ti ngiwatna.+ 11  Ti nainkalintegan a paggantingan ken timtimbangan kukua ni Jehova;+ amin dagiti bato a pagtimbang ti supot aramidna.+ 12  Ti panagaramid iti kinadangkes nakarimrimon iti ar-ari,+ ta babaen ti kinalinteg maipasdek a sititibker ti trono.+ 13  Dagiti bibig ti kinalinteg ket pakaragsakan ti maysa a naindaklan nga ari;+ ket ti managsao iti nalinteg a bambanag ayatenna.+ 14  Ti pungtot ti maysa nga ari kaipapananna dagiti mensahero ni patay,+ ngem ti masirib a tao isu daydiay mangiliklik iti dayta.+ 15  Iti lawag ti rupa ti ari adda biag,+ ket ti naimbag a nakemna kas iti ulep ti tudo iti primavera.+ 16  Ti pananggun-od iti sirib O anian nga ad-adda a nasaysayaat ngem iti balitok!+ Ket ti pananggun-od iti pannakaawat mapili nga ad-adda ngem iti pirak.+ 17  Ti kangrunaan a kalsada dagidiay napalungdo isu ti iyaadayo iti dakes.+ Daydiay mangsaluad iti dalanna salimetmetanna ti kararuana.+ 18  Ti panagpannakkel adda iti sakbay ti pannakarpuog,+ ken ti natangsit nga espiritu iti sakbay ti pannakaitibkol.+ 19  Nasaysayaat ti agbalin a napakumbaba iti espiritu a kadua dagidiay naemma+ ngem iti pannakibingay iti samsam kadagidiay nangitan-ok iti bagbagida.+ 20  Daydiay mangipakita iti pannakatarus iti maysa a banag makasarakto iti naimbag,+ ket naragsak daydiay agtalek ken Jehova.+ 21  Daydiay masirib iti puso maawaganto iti mannakaawat,+ ket daydiay nasam-it kadagiti bibigna manginayon iti panangguyugoy.+ 22  Ti pannakatarus ket ubbog ti biag+ kadagiti makinkukua iti dayta; ket kinamaag ti disiplina dagidiay maag.+ 23  Ti puso daydiay masirib tignayenna ti ngiwatna a mangipakita iti pannakatarus,+ ket kadagiti bibigna manginayon iti panangguyugoy.+ 24  Ti makaay-ayo a sasao ket rara,+ nasam-it iti kararua ken makapaimbag kadagiti tulang.+ 25  Adda dalan a nalinteg iti sanguanan ti maysa a tao,+ ngem dagiti dalan ni patay isuda ti tungpal dayta kalpasanna.+ 26  Ti kararua ti napinget a trabahador nagtrabaho a sipipinget maipaay kenkuana,+ agsipud ta isu dinagdag unay ti ngiwatna.+ 27  Ti awan kaes-eskanna a tao kutkotenna ti dakes,+ ket kadagiti bibigna adda, ti kasla, makasinit nga apuy.+ 28  Ti tao a manangparbo agirakrakurak iti rinnupir,+ ket ti manangpardaya pagsisinaenna dagidiay nasinged iti maysa ken maysa.+ 29  Ti tao ti kinaranggas allilawennanto ti padana a tao,+ ket sigurado a papanennanto iti dalan a saan a naimbag.+ 30  Isu agkiremkirem kadagiti matana tapno manggandat kadagiti panangparbo.+ Iti panangem-emna kadagiti bibigna, pudno unay nga iringpasna ti pannakadangran. 31  Ti kinaubanan ket korona ti kinapintas+ no masarakan dayta iti dalan ti kinalinteg.+ 32  Daydiay nabannayat nga agunget nasaysayaat ngem iti nabileg a lalaki,+ ken daydiay mangmedmed iti espirituna ngem iti daydiay mangkautibo iti maysa a siudad.+ 33  Iti saklot maipisok ti pannaka-bunot,+ ngem ti tunggal pangngeddeng babaen iti dayta agtaud ken Jehova.+

Footnotes