Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Proverbio 10:1-32

10  Dagiti proverbio ni Solomon.+ Ti masirib nga anak isu daydiay mamagrag-o iti ama,+ ket ti maag nga anak isu ti ladingit ni inana.+  Dagiti gameng daydiay nadangkes saanto a makagunggona,+ ngem ti kinalinteg isunto ti mangispal manipud ken patay.+  Saanto a pagbisinen ni Jehova ti kararua daydiay nalinteg,+ ngem ti panaggartem dagidiay nadangkes iwalinnanto.+  Daydiay agtartrabaho a buyogen ti managbaybay-a nga ima bassitanto iti sanikua,+ ngem ti ima daydiay nasaet isunto ti mangpabaknang iti maysa.+  Ti anak nga agtigtignay buyogen ti pannakatarus agurnong bayat ti panawen ti kalgaw; ti anak nga agtigtignay a nakababain nargaan ti turogna bayat ti panagani.+  Dagiti bendision agpaayda iti ulo daydiay nalinteg,+ ngem no maipapan iti ngiwat dagidiay nadangkes, abbonganna ti kinaranggas.+  Ti pakalaglagipan daydiay nalinteg maiparbeng iti bendision,+ ngem ti mismo a nagan dagidiay nadangkes agrunotto.+  Daydiay masirib iti puso umawatto kadagiti bilin,+ ngem daydiay maag kadagiti bibigna maibaddebaddekto.+  Daydiay magmagna iti kinatarnaw magnanto iti kinatalged,+ ngem daydiay mangkilkillo iti daldalanna mailatakto a mismo.+ 10  Daydiay mangikidday iti matana mangtedto iti saem,+ ket daydiay maag kadagiti bibigna maibaddebaddekto.+ 11  Ti ngiwat daydiay nalinteg maysa nga ubbog ti biag;+ ngem no maipapan iti ngiwat dagidiay nadangkes, abbonganna ti kinaranggas.+ 12  Gura ti mangkiwkiw kadagiti rinnupir,+ ngem ti ayat abbonganna uray dagiti amin a salungasing.+ 13  Kadagiti bibig ti mannakaawat a tao masarakan ti kinasirib,+ ngem ti pagbaut agpaay iti bukot ti maysa nga awanan iti puso.+ 14  Dagiti masirib isuda dagidiay agurnong iti pannakaammo,+ ngem ti ngiwat daydiay maag asideg iti mismo a pannakarba.+ 15  Ti napapateg a bambanag ti nabaknang a tao isu ti napigsa nga ilina.+ Ti pannakarba dagidiay nanumo isu ti kinakurapayda.+ 16  Ti aramid daydiay nalinteg agbanag iti biag;+ ti bunga daydiay nadangkes agbanag iti basol.+ 17  Daydiay mangsalsalimetmet iti disiplina maysa a dana nga agturong iti biag,+ ngem daydiay mangbaybay-a iti pannubngar mamagallaalla.+ 18  No sadino nga adda maysa a mangilemlemmeng iti gura adda dagiti bibig ti kinaulbod,+ ket daydiay mangpatpataud iti dakes a damag maag.+ 19  Iti kinaruay ti sasao saan a maaw-awan ti salungasing,+ ngem daydiay mangmedmed kadagiti bibigna agtigtignay a simamasirib.+ 20  Ti dila daydiay nalinteg napili a pirak;+ ti puso daydiay nadangkes bassit ti pategna.+ 21  Dagiti mismo a bibig daydiay nalinteg ipapaarabda ti adu,+ ngem gapu iti kaawan iti puso matmatay dagiti mismo a maag.+ 22  Ti bendision ni Jehova—isu dayta ti mangpabaknang,+ ket awan rigat nga inayonna iti dayta.+ 23  Ti agtultuloy a panagaramid iti nalulok a kababalin ket kas ay-ayam iti daydiay maag,+ ngem ti sirib agpaay iti tao nga addaan panangilasin.+ 24  Ti banag a nakaal-aliaw iti daydiay nadangkes—dayta ti dumtengto kenkuana;+ ngem ti tarigagay dagidiay nalinteg maitedto.+ 25  Kas iti ilalabas ti bagyo nga angin, kasta ti panagpukaw daydiay nadangkes;+ ngem daydiay nalinteg maysa a pamuon agingga iti tiempo a di nakedngan.+ 26  Kas suka kadagiti ngipen ken kas asuk kadagiti mata, kasta ti nasadut a tao kadagidiay mangibabaon kenkuana.+ 27  Ti mismo a panagbuteng ken Jehova mangnayonto iti al-aldaw,+ ngem ti met laeng tawtawen dagidiay nadangkes mapaababanto.+ 28  Ti inanama dagidiay nalinteg maysa a panagrag-o,+ ngem ti mismo a namnama dagidiay nadangkes mapukawto.+ 29  Ti dalan ni Jehova maysa a salindeg nga agpaay iti daydiay awan pakababalawanna,+ ngem pannakarba ti agpaay kadagiti managaramid iti makapasakit.+ 30  No maipapan iti daydiay nalinteg, isu saanto a mapagbariring agingga iti tiempo a di nakedngan;+ ngem no maipapan kadagidiay nadangkes, saandanto nga agtultuloy nga agtaeng iti daga.+ 31  Ti ngiwat daydiay nalinteg—pataudenna ti bunga ti kinasirib,+ ngem ti dila ti kinabalusingsing magessatto.+ 32  Dagiti bibig daydiay nalinteg—maammuanda ti naimbag a nakem,+ ngem ti ngiwat dagidiay nadangkes kinabalusingsing.+

Footnotes