Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Oseas 9:1-17

9  “Dika agragsak, O Israel.+ Dika agtignay a narag-o a kas kadagiti ili.+ Ta babaen iti pannakiabig immadayoka iti sibay ti Diosmo.+ Inayatmo dagiti sagut a tangdan kadagiti amin a pagirikan iti bukel.+  Saan ida a taraonan ti pagirikan ken ti pagpespesan iti ubas,+ ket ti met laeng nasam-it nga arak makapaupay kenkuana.+  Saandanto nga agtultuloy nga agnaed iti daga ni Jehova,+ ket ti Efraim agsublinto iti Egipto,+ ket idiay Asiria mangandanto iti narugit.+  Saandanto nga agtultuloy a mangibuyat iti arak ken Jehova.+ Ket dagiti sakripisioda saanto a makaparagsak kenkuana;+ kadakuada kasladanto iti tinapay kadagiti tiempo ti panagleddaang;+ amin dagidiay mangan iti dayta tulawandanto ti bagbagida. Ta ti tinapayda agpaay iti bukodda a kararua; saanto a sumrek iti balay ni Jehova.+  Anianto ti aramidenyo iti aldaw ti gimong ken iti aldaw ti piesta ni Jehova?+  Ta, adtoy! kasapulanto a mapanda gapu iti panangagaw.+ Ti met laeng Egipto ummongennanto ida a sangsangkamaysa;+ ti Memfis,+ iti biangna, itabonnanto ida. No maipapan iti matarigagayan a bambanagda a pirak, tagikuaento ida dagiti mismo a siitan;+ dagiti nasiit a babassit a kayo addanto kadagiti toldada.+  “Dumtengto dagiti aldaw ti pannakaasikaso;+ dumtengto dagiti aldaw ti maiparbeng a supapak.+ Maammuanto dayta dagiti kameng ti Israel.+ Ti mammadto agbalinto a maag,+ ti lalaki nga addaan iti naipaltiing nga ebkas mapagmauyongto maigapu iti kinaruay ti biddutmo,+ nga uray ti guranggura naruay.”  Ti managwanawan+ ti Efraim kadua idi ti Diosko.+ No maipapan iti mammadto,+ ti silo ti managtiliw iti tumatayab adda iti amin a daldalanna;+ adda gura iti balay ti Diosna.  Naigamerda unay iti panangdaddadael,+ kas idi kaaldawan ti Gabaa.+ Lagipennanto ti biddutda;+ asikasuennanto ti basbasolda. 10  “Nasarakak ti Israel kas kadagiti ubas iti let-ang.+ Nakitak dagidi ammayo kas iti nasapa a higos iti kayo a higos iti damona.+ Isuda napanda ken Baal ti Peor,+ ket indedikarda ti bagbagida iti nakababain a banag,+ ket nagbalinda a makarimon kas iti banag a pagay-ayatda.+ 11  No maipapan iti Efraim, tumayab ti dayagda a kas iti agtaytayab a parsua,+ iti kasta awan panagpasngay, ken awan masikog a tian ken awan panaginaw.+ 12  Ta nupay padakkelenda ti annakda, ulilaekto met ida iti annak tapno awanto ti tao;+ agsipud ta—asida pay met inton tallikudak ida!+ 13  Ti Efraim, a nakitak a kas iti Tiro a naimula iti maysa a pagpaaraban,+ ti mismo nga Efraim naikeddeng a mangipan iti annakna uray pay iti mammapatay.”+ 14  Itdem kadakuada, O Jehova, no ania ti rebbeng nga itdem.+ Ikkam ida iti aanakan a maalisan+ ken sussuso a kumkumbet. 15  “Isuamin a kinadakesda adda idi idiay Gilgal,+ ta sadiay kasapulan a guraek ida.+ Maigapu iti kinadakes dagiti pannakilangenda pagtalawekto ida iti bukodko a balay.+ Saankonto nga itultuloy nga ayaten ida.+ Amin dagiti prinsipeda agtigtignayda a sisusungit.+ 16  Ti Efraim makabilto.+ Ti mismo a ramutda agmaganto.+ Awanto ti bunga a pataudenda.+ Kasta met, no kas pagarigan mangyanakda, papatayekto a mismo ti makaay-ayo a bambanag ti tianda.”+ 17  Laksidento ida ti Diosko,+ ta saanda nga immimdeng kenkuana,+ ket agbalindanto a pugpugante kadagiti nasion.+

Footnotes