Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Oseas 7:1-16

7  “Iti tiempo a paimbagek ti Israel,+ pudno a nalukaisan met ti biddut ti Efraim,+ ken ti dakes a bambanag ti Samaria;+ ta inyugalida ti kinaulbod,+ ket ti met laeng mannanakaw sumrek; ti buyot dagiti tulisan pudno a dumuklos iti ruar.+  Ket saanda a kunaen iti bukodda a puso+ a lagipekto ti isuamin a kinadakesda.+ Ita linikmut ida dagiti pannakilangenda.+ Naaddada iti sanguanak.+  Babaen iti kinadakesda pagrag-oenda ti ari, ket, babaen kadagiti panangallilawda, dagiti prinsipe.+  Mannakikamalalada amin,+ kas iti urno a paspasgedan ti panadero, nga agsardeng a mangrubrob kalpasan a magamayna ti bellaay agingga a malebaduraan.  Idi kaaldawan ti aritayo, dagiti prinsipe pinagsakitda ti bagbagida+—adda panagpungtot gapu iti arak.+ Inyunnatna ti imana a maikanunong kadagiti managuyaw.  Ta inyasidegda ti pusoda a kas iyaasideg iti urno;+ sumsumged dayta iti unegda.+ Iti intero nga agpatnag matmaturog ti panaderoda; iti bigat sumsumged ti urno a kas iti gumilgil-ayab nga apuy.+  Pumudotda, isuda amin, kas iti urno, ket pudno nga alun-onenda dagiti ukomda. Natnag aminen ti bukodda nga ar-ari;+ awan kadakuada ti umawag kaniak.+  “No maipapan iti Efraim, makilalaok a mismo kadagiti ili.+ Ti met laeng Efraim nagbalin a nagbukel a tinapay a saan a naibalikid.+  Dagiti ganggannaet inibusda ti bilegna,+ ket isu saanna a naammuan dayta.+ Kasta met, dagiti mismo nga uban pimmurawdan kenkuana, ngem isu saanna a naammuan dayta. 10  Ket ti panagpannakkel ti Israel nangpaneknek iti rupana,+ ket saanda a nagsubli ken Jehova a Diosda,+ saanda met a sinapul gapu amin iti daytoy.+ 11  Ket ti Efraim nagbalin a kas iti ampapaok a kalapati+ nga awanan puso.+ Egipto ti immawaganda;+ Asiria ti napananda.+ 12  “Aniaman a dalan ti papananda, iwayatkonto kadakuada ti iketko.+ Kas kadagiti agtaytayab a parsua iti langlangit ipababakto ida.+ Disiplinaekto ida maitunos iti damag iti gimongda.+ 13  Asida pay,+ ta nagtalawda kaniak!+ Pannakaagaw agpaay kadakuada, ta nagsalungasingda a maikaniwas kaniak! Ket siak sinubbotko ida,+ ngem isuda nagsaoda kadagiti ulbod maibusor a mismo kaniak.+ 14  Ket saanda nga immasug kaniak maipaay iti tulong buyogen ti pusoda,+ nupay nagan-anug-ogda kadagiti pagiddaanda. Maigapu iti bukbukel ken nasam-it nga arakda nagpalpaliwawengda;+ nagtultuloyda a bimmaw-ing a bumusor kaniak.+ 15  Ket siak, iti biangko, nangdisiplinaak;+ pinapigsak dagiti takiagda,+ ngem maibusor kaniak ginanggandatda ti dakes.+ 16  Ket nagsublida, saan nga iti aniaman a nangatngato;+ nagbalinda a kas iti nalukay a bai.+ Babaen iti kampilan mapasagto dagiti prinsipeda gapu iti panangkondenar ti dilada.+ Daytoyto ti pakauyawanda idiay daga ti Egipto.”+

Footnotes