Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Oseas 5:1-15

5  “Denggenyo daytoy, O papadi,+ ket ipangagyo, O balay ti Israel, ket dakayo, O balay ti ari,+ umimdengkayo, ta ti panangukom adda pakainaiganna kadakayo; agsipud ta maysa a silo+ ti nagbalinanyo iti Mizpa ken kas maysa nga iket a naiwayat iti Tabor.+  Ket iti trabaho a pananggudas naigamer unay dagidiay umik-ikay,+ ket maysaak idi a pammagbaga kadakuada amin.+  Siak a mismo naam-ammok ti Efraim,+ ket ti met laeng Israel saan a nailemmeng manipud kaniak.+ Ta ita, O Efraim, trinatom dagiti babbai a kas kadagiti balangkantis;+ ti Israel tinulawanna ti bagina.+  Saan nga ipalubos dagiti pannakilangenda ti isusublida iti Diosda,+ agsipud ta adda espiritu ti pannakiabig+ iti tengngada; ket ni met laeng Jehova saanda a binigbig.+  Ket ti pagpannakkel ti Israel nangpaneknek iti rupana;+ ket ti Israel ken Efraim naitibkolda a mismo iti biddutda.+ Ti Juda naitibkol met a naikanunong kadakuada.+  Napanda agraman arbanda ken pangenda ket sinapulda ni Jehova, ngem saanda a masarakan.+ Isu immadayo kadakuada.  Nakilangenda a sigugulib ken Jehova a mismo,+ ta nagbalinda nga ama kadagiti ganggannaet nga annak.+ Ita ti maysa a bulan alun-onennanto ida agraman dagiti bingayda.+  “Mangpuyotkayo iti tangguyob+ idiay Gabaa,+ iti trumpeta idiay Rama! Mangiriawkayo iti ikkis ti gubat idiay Bet-aven+—iti kalpasam, O Benjamin!+  O Efraim, agbalinkanto a banag laeng a pagmalangaan iti aldaw ti pammabalaw.+ Kadagiti tribu ti Israel nangipakaammoak iti mapagpiaran a sasao.+ 10  Dagiti prinsipe ti Juda nagbalinda a kas kadagidiay mangyal-alis iti beddeng.+ Ibukbokkonto kadakuada ti rungsotko a kas iti danum. 11  Ti Efraim mairurumen, mailupitlupit iti kinahustisia,+ ta inkeddengna a mismo ti sumurot iti kabusorna.+ 12  Ket kaslaak idi iti sanga+ iti Efraim ken kas iti kinarinuker iti balay ti Juda. 13  “Ket ti Efraim nakitana ti sakitna, ken ti Juda ti derderna.+ Ket ti Efraim napan idiay Asiria+ ket nagbaon iti maysa a naindaklan nga ari.+ Ngem daydiay a mismo saanna a nabaelan ti mangipaay iti pannakapaimbag kadakayo,+ ket saanna a maikkat kadakayo ti maysa a sugat babaen iti aniaman a panangagas.+ 14  Ta kaslaakto iti urbon a leon iti Efraim+ ken kas iti burboran a bumaro a leon iti balay ti Juda. Siak, siak mangrangrangkayakto ket mapanakto ken mangalaak, ket awanto ti manangispal.+ 15  Mapanakto, agsubliakto iti dissok agingga nga awitenda ti pannakabasolda;+ ket sigurado a sapulendanto ti rupak.+ Inton agpasarda kadagiti nakaro a pakarigatan,+ sapulendakto.”+

Footnotes