Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Oseas 2:1-23

2  “Kunaenyo iti kakabsatyo a lallaki, ‘Ilik!’+ ket iti kakabsatyo a babbai, ‘O babai a naipakitaan iti asi!’+  Mangidatagkayo iti legal a kaso maibusor iti inayo;+ mangidatagkayo iti legal a kaso, ta isu saanko nga asawa+ ket saannak nga asawa.+ Ket ti pannakiabigna rebbeng nga iwaksina manipud sanguananna ken dagiti aramidna a pannakikamalala manipud baet dagiti susona,+  tapno saanko nga uksoban a lamolamo+ ket pudno nga isaadko a kas idi aldaw nga isu nayanak,+ ket pudno a pagbalinek a kas iti let-ang+ ken isaadko a kas iti daga nga awanan danum+ ket papatayek iti waw.+  Ket iti annakna saanakto a mangipakita iti asi,+ ta isuda ti annak ti pannakiabig.+  Ta nakiabig ti inada.+ Daydiay nangisikog kadakuada nagtignay a nakababain,+ ta kinunana, ‘Kayatko a suroten dagidiay sidederrep a mangay-ayat kaniak,+ dagidiay mangipapaay iti tinapayko ken danumko, iti delanak ken liensok, iti lanak ken inumek.’+  “Gapuna adtoy aladak ti dalanmo iti sisiit; ket mangibuntonakto iti bato a pader maibusor kenkuana,+ tapno saannanto a masarakan dagiti bukodna a dalan.+  Ket pudno a kamatennanto dagiti naderrep a kaayan-ayatna, ngem saannanto a makamakam ida;+ ket sigurado a sapulennanto ida, ngem saannanto a masarakan ida. Ket kasapulan a kunaenna, ‘Kayatko ti mapan ket agsubliak iti asawak,+ daydiay immuna,+ ta naim-imbagak iti daydi a tiempo ngem ita.’+  Ngem isu saanna a nabigbig+ a siak ti nangted kenkuana iti bukbukel+ ken iti nasam-it nga arak ken iti lana, ket pinaaduk kenkuana ti mismo a pirak, ken ti balitok, nga inusarda maipaay ken Baal.+  “‘Gapuna tumallikudakto ket pudno unay nga ipanawko ti bukbukelko iti tiempona ken ti nasam-it nga arakko iti panawenna,+ ket rabsutekto ti delanak ken ti liensok a pangabbong iti kinalamolamona.+ 10  Ket ita lukaisakto ti pribado a paspasetna iti imatang dagiti naderrep a kaayan-ayatna,+ ket awanto ti lalaki a mangrabsut kenkuana iti imak.+ 11  Ket pudno unay a pasardengekto ti isuamin a panagrag-ona,+ ti piestana,+ ti baro a bulanna+ ken ti sabbathna ken ti tunggal panawen ti piestana. 12  Ket paglangalangekto ti ubasna+ ken ti kayona a higos,+ a maipapan kadagita kinunana: “Maysada a sagut kaniak, nga inted kaniak dagiti naderrep a kaayan-ayatko”; ket pagbalinekto ida a kas kabakiran,+ ket sigurado nga alun-onento ida ti atap nga animal iti tay-ak. 13  Ket makikuentaakto+ maibusor kenkuana gapu iti al-aldaw dagiti ladawan ni Baal+ a kadagita isu nangpatpataud iti asuk a sakripisio,+ idi inar-arkosanna ti bagina iti singsingna ken iti pagarkosna+ ket simmursurot kadagiti naderrep a kaayan-ayatna,+ ket siak daydiay linipatna,’+ kuna ni Jehova. 14  “‘Gapuna adtoy agbalballigiak kenkuana, ket papanekto idiay let-ang,+ ket agsaoakto iti pusona.+ 15  Ket manipuden iti dayta itdekto kenkuana dagiti kaubasanna,+ ken ti nababa a tanap ti Acor+ kas pagserkan nga agturong iti namnama; ket pudno unay nga isu sumungbatto sadiay kas kadagiti aldaw ti kinaagtutubona+ ken kas iti aldaw ti isasang-atna manipud iti daga ti Egipto.+ 16  Ket mapasamakto iti dayta nga aldaw,’ kuna ni Jehova, ‘a sika awagannakto iti Asawak, ket saannakton nga awagan iti Makinkukua kaniak.’+ 17  “‘Ket ikkatekto manipud ngiwatna ti nagnagan dagiti ladawan ni Baal,+ ket saanto ida a malagipen babaen iti naganda.+ 18  Ket maipaay kadakuada pudno unay a mamatalgedakto iti tulag iti dayta nga aldaw mainaig iti atap nga animal ti tay-ak+ ken iti agtaytayab a parsua iti langlangit ken iti agkarkarayam a banag iti daga, ket ti bai ken ti kampilan ken gubat dadaelekto manipud iti daga,+ ket pagiddaekto ida a sitatalged.+ 19  Ket itulagkanto kaniak iti tiempo a di nakedngan,+ ket itulagkanto kaniak iti kinalinteg ken iti kinahustisia ken iti naayat a kinamanangngaasi ken kadagiti asi.+ 20  Ket itulagkanto kaniak iti kinamatalek; ket sigurado a maammuamto ni Jehova.’+ 21  “‘Ket mapasamakto iti dayta nga aldaw a sungbatakto,’ kuna ni Jehova, ‘sungbatakto ti langlangit, ket isuda, iti biangda, sungbatandanto ti daga;+ 22  ket ti daga, iti biangna, sungbatannanto ti bukbukel+ ken ti nasam-it nga arak ken ti lana; ket isuda, iti biangda, sungbatandanto ti Jezrael [‘Ti Dios agimulanto iti bin-i’].+ 23  Ket pudno unay nga isu imulakto a kasla bin-i maipaay kaniak iti daga,+ ket ipakitakto ti asi kenkuana a saan a naipakitaan iti asi,+ ket kunaekto kadagidiay saanko nga ili: “Dakayo ti ilik”;+ ket isuda, iti biangda, kunaendanto: “Sika ti Diosko.”’”+

Footnotes