Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Oseas 11:1-12

11  “Idi ubing pay ti Israel, iti kasta isu inayatko,+ ket manipud idiay Egipto inayabak ti anakko.+  “Inayabanda ida.+ Agingga iti kasta met laeng a pamay-an pimmanawda iti sanguananda.+ Kadagiti ladawan ni Baal nagisakripisioda,+ ket kadagiti kinitikitan a ladawan nangrugida a nangpataud iti asuk a sakripisio.+  Ngem no maipapan kaniak, sinursuruak ti Efraim a magna,+ nga innalak ida kadagiti takiagko;+ ket saanda a binigbig a pinaimbagko ida.+  Babaen kadagiti tali ti naindagaan a tao intultuloyko nga inaon ida, babaen kadagiti singdan ti ayat,+ iti kasta nagbalinak kadakuada a kas kadagidiay mangik-ikkat iti sangol kadagiti pangada,+ ket siaalumamay a nangyegak iti taraon iti tunggal maysa.+  Isu saanto nga agsubli iti daga ti Egipto, no di ket ti Asiria isunto ti arina,+ agsipud ta nagkedkedda nga agsubli.+  Ket ti kampilan sigurado nga agtayyekto kadagiti siudadna+ ket pagnguduenna dagiti balunetna ket mangalun-on+ gapu kadagiti pammatigmaanda.+  Ket ti ilik agannayas iti di kinamatalek kaniak.+ Ket awaganda dayta nga agpangato; awan a pulos ti aniaman nga agpangato.  “Kasano ti panangisukok kenka, O Efraim?+ Kasano ti panangyawatko kenka, O Israel?+ Kasano ti panangisaadko kenka a kas iti Adma?+ Kasano ti panangikabilko kenka a kas iti Zeboiim?+ Ti pusok nagbaliw iti unegko;+ kabayatanna pimmudot dagiti panangngaasik.  Saankonto nga iyebkas ti sumsumged nga ungetko.+ Saankonto a dadaelen manen ti Efraim,+ ta Diosak+ ket saanak a tao, Daydiay Santo iti tengngam;+ ket saanakto nga umay a sipupungtot. 10  Magnadanto a sumurot ken Jehova.+ Agungorto a kas iti leon;+ ta isu agungorto,+ ket ti annak umaydanto nga agpigpigerger manipud iti laud.+ 11  Kas iti tumatayab umaydanto nga agpigpigerger manipud Egipto,+ ken kas iti kalapati manipud iti daga ti Asiria;+ ket sigurado a pagnaedekto ida kadagiti balayda,” kuna ni Jehova.+ 12  “Iti panagulbod, linikmutnak ti Efraim,+ ket iti panangallilaw linikmutnak ti balay ti Israel. Ngem ti Juda agdakdakiwas pay laeng a kadua ti Dios,+ ket iti Daydiay Kasasantuan isu mapagpiaran.”

Footnotes