Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Oseas 10:1-15

10  “Ti Israel maysa a kumapkapuy a puon ti ubas.+ Agtultuloy a mangpataud iti bunga maipaay iti bagina.+ Kas mairukod iti kinaruay ti bungana pinaaduna dagiti altarna.+ Kas mairukod iti kinaimbag ti dagana, nangibangonda kadagiti nasayaat nga adigi.+  Ti pusoda nagbalin a managinsisingpet;+ ita masarakanto ida a nakabasol. “Adda maysa a mangburakto kadagiti altarda; agawannanto dagiti adigida.+  Ta ita kunaendanto, ‘Awanankami iti ari,+ ta saankami a nagbuteng ken Jehova. Ket no maipapan iti ari, anianto ti aramidenna maipaay kadakami?’  “Agsaoda iti sasao, nga agar-aramidda kadagiti ulbod a sapata,+ mamatpatalgedda iti tulag;+ ket ti panangukom nagtubo a kas iti makasabidong a mula kadagiti gulis iti nawayang a tay-ak.+  Maaliawto dagiti agtataeng iti Samaria gapu iti kigaw a baka nga idolo ti Bet-aven;+ ta sigurado a pagleddaanganto dayta dagiti umilina, kasta met ti papadina iti ganggannaet a dios isuda a nagragrag-o iti dayta, maigapu iti dayagna, agsipud ta naidestieronton nga adayo iti dayta.+  Uray dayta addanto mangipan idiay mismo nga Asiria kas sagut iti naindaklan nga ari.+ Pannakaibabain ti magun-odto ti mismo nga Efraim,+ ket ti Israel ibainnanto ti pammatigmaanna.+  Ti Samaria ken ti arina sigurado a mapagulimekto,+ kas iti nasip-ak a bassit a sanga iti rabaw ti dandanum.  Ket dagiti nangato a disso ti Bet-aven,+ ti basol ti Israel,+ pudno a matalipuposto. Sisiitan ken kalkalunay+ tumpuardanto iti rabaw dagiti altarda.+ Ket dagiti umili pudno a kunaendanto kadagiti bantay, ‘Gaburandakami!’ ken kadagiti turod, ‘Agtinnagkayo kadakami!’+  “Manipud kadagiti aldaw ti Gabaa+ nagbasolka,+ O Israel. Sadiay nagintekda. Idiay Gabaa saan a nakamakam ida+ ti gubat maibusor iti annak ti kinakillo. 10  No tarigagayak disiplinaekto met ida.+ Ket maibusor kadakuada pudno unay a maurnongto dagiti ili inton maiguarnis ida iti dua a biddutda.+ 11  “Ket ti Efraim maysa a nasanay a bumalasang a baka a pagay-ayatna ti agirik;+ ket siak, iti biangko, limmasatak iti rabaw ti nataraki a tengngedna. Adda pagsakayek iti Efraim.+ Ti Juda agarado;+ ti Jacob agsuyod+ maipaay kenkuana. 12  Agimulakayo iti bin-i maipaay iti bagbagiyo buyogen ti kinalinteg;+ agapitkayo maitunos iti naayat a kinamanangngaasi.+ Mangtalonkayo maipaay iti bagbagiyo iti mumulaan a daga,+ bayat nga adda tiempo a panangbirok ken Jehova agingga nga umay+ ket mangipaay kadakayo iti pammilin buyogen ti kinalinteg.+ 13  “Nagaradokayo iti kinadangkes.+ Kinakillo ti inapityo.+ Kinnanyo ti bunga ti panangallilaw,+ ta nagtalekka iti dalanmo,+ iti kinaadu dagidiay mannakabalinmo.+ 14  Ket timmaud ti derraaw iti tengnga ti ilim,+ ket maagawanto amin dagiti bukodmo a nasarikedkedan a siudad,+ kas iti panangagaw ni Salman iti balay ti Arbel, iti aldaw ti bakal idi a ti maysa nga ina a mismo nalasanglasang iti sibay dagiti bukodna nga annak.+ 15  Kastoyto ti sigurado nga aramiden kadakayo ti maysa, O Bethel, gapu iti nakaro a kinadakesyo.+ Iti panagbannawag di bumurong a mapagulimekto ti ari ti Israel.”+

Footnotes