Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Oseas 1:1-11

1  Ti sao ni Jehova+ a dimteng ken Oseas+ nga anak ni Beeri idi kaaldawan+ da Ozias,+ Jotam,+ Acaz+ ken Ezekias,+ ar-ari ti Juda, ken idi kaaldawan ni Jeroboam+ nga anak ni Joas,+ ti ari ti Israel.  Nangrugi ti sao ni Jehova babaen ken Oseas, ket ni Jehova kinunana ken Oseas: “Mapanka,+ mangalaka iti asawa ti pannakiabig ken iti annak ti pannakiabig, agsipud ta babaen iti pannakiabig di bumurong nga agbaw-ing ti daga manipud isusurot ken Jehova.”+  Ket napan ket innalana ni Gomer nga anak ni Diblaim, iti kasta nagsikog ket idi agangay nangipasngay kenkuana iti anak a lalaki.+  Ket kinuna kenkuana ni Jehova: “Panaganam iti Jezrael,+ ta apagbiit laengen a kanito ket masapul a makikuentaak gapu iti ar-aramid ni Jezrael a panagibukbok iti dara maibusor iti balay ni Jehu,+ ket masapul a pasardengek ti naarian a panagturay ti balay ti Israel.+  Ket mapasamakto iti dayta nga aldaw a masapul a tukkolek ti bai+ ti Israel idiay nababa a tanap ti Jezrael.”  Ket nagsikog iti sabali pay a tiempo ket nangipasngay iti anak a babai. Ket kinunana kenkuana: “Panaganam iti Lo-ruhama,+ ta saanakton a mangipakita pay iti asi+ iti balay ti Israel, agsipud ta di bumurong nga ikkatekto ida.+  Ngem iti balay ti Juda mangipakitaakto iti asi,+ ket isalakankonto ida babaen ken Jehova a Diosda;+ ngem saankonto nga isalakan ida babaen iti bai wenno babaen iti kampilan wenno babaen iti gubat, babaen kadagiti kabalio wenno babaen kadagiti kumakabalio.”+  Ket nagin-inut a pinusotna ni Lo-ruhama, ket nagsikog ket nangipasngay iti anak a lalaki.  Gapuna kinunana: “Panaganam iti Lo-ammi, agsipud ta saankayo nga ilik ket siak saanakto nga agbalin a kukuayo. 10  “Ket ti bilang ti annak ti Israel agbalinto a kas kadagiti binukel ti darat iti baybay a saan a masukat wenno mabilang.+ Ket mapasamakto nga iti lugar a pakaikunkunaan idi kadakuada, ‘Saankayo nga ilik,’+ maikunanto kadakuada, ‘Ti annak ti sibibiag a Dios.’+ 11  Ket ti annak ti Juda ken ti annak ti Israel sigurado a maummongdanto a sangsangkamaysa iti panagtutunos+ ket pudno nga ipasdekandanto ti bagbagida iti maysa a pannakaulo ket sumang-atdanto manipud iti daga,+ agsipud ta naindaklanto ti aldaw ni Jezrael.+

Footnotes