Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Numeros 8:1-26

8  Ket ni Jehova nagsao ken Moises, a kunkunana:  “Agsaoka ken Aaron, ket masapul a kunaem kenkuana, ‘Kaanoman a gangtam dagiti pagsilawan, ti pito a pagsilawan rebbeng nga agsilnag iti disso iti sanguanan ti pagsaadan ti silaw.’”+  Ket rinugian ni Aaron nga aramiden ti kasta. Ginangatanna dagiti pagsilawan dayta maipaay iti disso iti sanguanan ti pagsaadan ti silaw,+ kas iti imbilin ni Jehova ken Moises.  Ita kastoy idi ti pannakaaramid ti pagsaadan ti silaw. Dayta ket aramid a pinitpit a balitok. Agingga kadagiti sikiganna ken agingga kadagiti sabongna aramid a pinitpit.+ Maitunos iti sirmata+ nga impakita ni Jehova ken Moises, kasta ti panangaramidna iti pagsaadan ti silaw.  Ket ni Jehova nagsao pay ken Moises, a kunkunana:  “Alaem dagiti Levita manipud iti annak ti Israel, ket masapul a dalusam ida.+  Ket daytoy ti rebbeng nga aramidem kadakuada tapno dalusan ida: Warsiam ida iti mangdalus-basol a danum,+ ket masapul a mangipalabasda iti labaha iti rabaw ti isuamin a lasagda+ ket masapul a labaanda dagiti kawesda+ ken dalusanda ti bagbagida.+  Kalpasanna masapul a mangalada iti urbon a toro+ ken ti datonna a bukbukel+ a nasayaat nga arina a nababasa iti lana, ket mangalakanto iti sabali pay nga urbon a toro a maipaay a daton gapu iti basol.+  Ket masapul nga idatagmo dagiti Levita iti sanguanan ti tolda ti gimong ket ummongem ti intero a gimong ti annak ti Israel.+ 10  Ket masapul nga idatagmo dagiti Levita iti sanguanan ni Jehova, ket masapul nga ipatay ti annak ti Israel+ ti im-imada kadagiti Levita.+ 11  Ket masapul a paglugalugayogen ni Aaron dagiti Levita iti sanguanan ni Jehova a kas daton a mailili+ manipud iti annak ti Israel, ket masapul nga agserbida a pangaramid iti panagserbi ken Jehova.+ 12  “Kalpasanna ipatayto dagiti Levita ti im-imada iti ul-ulo dagiti toro.+ Kalpasan dayta, idatagmo ti maysa kas daton gapu iti basol ket ti sabali kas mapuoran a daton ken Jehova tapno mangaramidka iti panangabbong+ maipaay kadagiti Levita. 13  Ket masapul a pagtakderem dagiti Levita iti sanguanan ni Aaron ken iti annakna ket masapul a paglugalugayogem ida kas mailili a daton ken Jehova. 14  Ket masapul nga ilasinmo dagiti Levita manipud iti annak ti Israel, ket agbalinto a kukuak dagiti Levita.+ 15  Ket kalpasanna sumrekto dagiti Levita tapno agserbida iti tolda ti gimong.+ Gapuna masapul a dalusam ida ken paglugalugayogem ida a kas mailili a daton.+ 16  Ta isuda ket naipaay, naipaay kaniak manipud iti annak ti Israel.+ Kas sandi dagidiay manglukat iti amin nga aanakan, amin dagiti inauna nga annak ti Israel,+ alaekto ida a maipaay kaniak. 17  Ta tunggal inauna iti annak ti Israel kukuak, kadagiti tao ken kadagiti animal.+ Idi aldaw a panangkabilko iti tunggal inauna idiay daga ti Egipto+ sinantipikarko ida nga agpaay kaniak.+ 18  Ket alaekto dagiti Levita a sandi ti amin nga inauna iti annak ti Israel.+ 19  Ket itedkonto dagiti Levita kas naipaay ken Aaron ken iti annakna manipud iti annak ti Israel,+ tapno aramidenda ti panagserbi ti annak ti Israel iti tolda ti gimong+ ken tapno mangaramidda iti panangabbong a maipaay iti annak ti Israel, iti kasta awan koma ti saplit a dumteng iti annak ti Israel+ agsipud ta ti annak ti Israel umasidegda iti nasantuan a disso.” 20  Ket da Moises ken Aaron ken ti intero a gimong ti annak ti Israel inaramidda ti kasta kadagiti Levita. Maitunos iti isuamin nga imbilin ni Jehova ken Moises maipapan kadagiti Levita, kasta ti inaramid kadakuada ti annak ti Israel. 21  Gapuna ginugoran dagiti Levita ti bagbagida+ ket linabaanda dagiti kawesda, a kalpasan dayta pinaglugayog ida ni Aaron a kas mailili a daton iti sanguanan ni Jehova.+ Kalpasanna nangaramid ni Aaron iti panangabbong a maipaay kadakuada tapno dalusan ida.+ 22  Umuna kalpasan dayta simrek dagiti Levita tapno aramidenda ti panagserbida iti tolda ti gimong iti sanguanan ni Aaron ken ti annakna.+ Kas iti imbilin ni Jehova ken Moises maipapan kadagiti Levita, kasta ti inaramidda kadakuada. 23  Ni Jehova nagsao ita ken Moises, a kunkunana: 24  “Daytoy ti agpaay kadagiti Levita: Manipud duapulo ket lima ti tawenna nga agpangato umayto tapno sumrek iti bunggoy iti panagserbi iti tolda ti gimong. 25  Ngem kalpasan ti edad a limapulo a tawen isu agsardengto manipud bunggoy ti panagserbi ket saanen nga agserbi. 26  Ket masapul nga agserbi iti kakabsatna iti tolda ti gimong iti panangasikaso iti pagrebbengan, ngem saanto a mangipaay iti panagserbi. Maitunos iti daytoy ti aramidemto kadagiti Levita kadagiti pagrebbenganda.”+

Footnotes