Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Numeros 4:1-49

4  Nagsao ita ni Jehova kada Moises ken Aaron, a kunkunana:  “Maalanto ti pakagupgopan ti annak ni Cohat+ manipud iti annak ni Levi, mayannurot iti pampamiliada iti balay dagiti ammada,  manipud tallopulo ti tawenna+ nga agpangato agingga iti limapulo ti tawenna,+ amin dagidiay mapan iti bunggoy dagiti agserbi+ tapno aramidenda ti trabaho iti tolda ti gimong.  “Daytoy ti panagserbi ti annak ni Cohat iti tolda ti gimong.+ Kasasantuan a banag dayta:  Ket masapul a sumrek ni Aaron ken ti annakna no pumanaw ti pakarso, ket masapul nga akasenda ti mangsalsalinged a kortina+ ket masapul nga iyabbongda dayta iti lakasa+ ti pammaneknek.  Ket masapul a mangikabilda iti abbong a lallalat ti foka+ iti rabaw dayta ket mangyaplagda iti intero a lupot nga asul iti rabaw ket iyusokda dagiti assiwna.+  “Ket mangyaplagdanto iti lupot nga asul iti rabaw ti lamisaan+ ti tinapay ti pamarang, ket masapul nga iparabawda iti dayta dagiti pinggan+ ken dagiti kopa ken dagiti malukong+ ken dagiti harra ti daton nga inumen; ket ti kankanayon a tinapay+ rebbeng nga agtalinaed iti dayta.  Ket masapul a mangyaplagda iti lupot a cocus+ nga eskarlata iti rabawda, ket masapul nga abbonganda dayta iti abbong a lallalat ti foka+ ket iyusokda dagiti assiwna.+  Ket masapul a mangalada iti lupot nga asul ket abbonganda ti pagsaadan ti silaw+ ken dagiti pagsilawanna+ ken dagiti pangarsangna+ ken dagiti pagikkanna iti apuy+ ken amin dagiti pagkargaanna+ a maipaay iti lana a regular a pagserserbida iti dayta. 10  Ket masapul nga ikabilda dayta ken dagiti amin nga aruatenna iti abbong a lallalat ti foka+ ket ikabilda iti maysa nga arimata. 11  Ket iti rabaw ti nabalitokan nga altar+ mangyaplagdanto iti asul a lupot, ket masapul nga abbonganda iti abbong a lallalat ti foka+ ket iyusokda dagiti assiwna.+ 12  Ket masapul nga alaenda dagiti amin nga aruaten+ ti panagserbi a regular a pagserserbida iti nasantuan a disso, ket masapul nga ikabilda ida iti asul a lupot ket abbonganda ida iti abbong a lallalat ti foka+ ket ikabilda ida iti maysa nga arimata. 13  “Ket masapul nga ikkatenda ti nataba a dapdapo ti altar+ ket mangyaplagda iti rabawna iti lupot a delana a natinaan iti lumabaga a purpura. 14  Ket masapul nga ikabilda iti rabawna dagiti amin nga aruatenna a regular a pagserserbida iti dayta, dagiti pagikkan iti apuy, dagiti tinidor ken dagiti suplad ken dagiti malukong, amin dagiti aruaten ti altar;+ ket masapul a mangyaplagda iti rabawna iti abbong a lallalat ti foka ket iyusokda dagiti assiwna.+ 15  “Ket masapul a leppasen nga abbongan ni Aaron ken ti annakna ti nasantuan a disso+ ken amin dagiti aruaten+ ti nasantuan a disso no pumanaw ti pakarso, ket kalpasan dayta umayto ti annak ni Cohat tapno awitenda dagita,+ ngem masapul a saanda a sagiden+ ti nasantuan a disso iti kasta kasapulan a matayda. Dagitoy a banag ti awiten ti annak ni Cohat iti tolda ti gimong.+ 16  “Ket ti panangaywan+ ni Eleazar nga anak ni Aaron a padi adda iti lana+ ti silaw ken ti napabanglo nga insienso+ ken ti kankanayon a daton a bukbukel+ ken ti pangsapsapo a lana,+ ti panangaywan iti isuamin a tabernakulo ken isuamin nga adda iti dayta, awan sabali, ti nasantuan a disso ken dagiti aruatenna.” 17  Ket nagsao pay ni Jehova kada Moises ken Aaron, a kunkunana: 18  “Dikay bay-an a magessat ti tribu ti pampamilia dagiti Cohatita+ manipud kadagiti Levita. 19  No di ket aramidenyo daytoy maipaay kadakuada tapno pudno a makapagtalinaedda a sibibiag ket saanda a matay gapu iti iyaasidegda iti kasasantuan a bambanag.+ Sumrekto ni Aaron ken ti annakna, ket masapul nga itudingda ida tunggal maysa iti panagserbina ken iti awitna. 20  Ket masapul a saanda a sumrek a kumita iti nasantuan a bambanag iti uray kabiitan a kanito, ket iti kasta kasapulan a matayda.”+ 21  Kalpasanna ni Jehova nagsao ken Moises, a kunkunana: 22  “Maalanto ti pakagupgopan ti annak ni Gerson,+ wen, isuda sigun iti balay dagiti ammada mayannurot iti pampamiliada. 23  Manipud tallopulo ti tawenna nga agpangato agingga iti limapulo a tawen ipasalistamto ida,+ amin nga umay sumrek iti bunggoy dagiti agserbi tapno mangipaay iti panagserbi iti tolda ti gimong. 24  Daytoy ti panagserbi ti pampamilia dagiti Gersonita no maipapan iti panagserbi ken no maipapan iti panagawit.+ 25  Ket masapul nga awitenda dagiti lupot ti tolda+ ti tabernakulo ken ti tolda ti gimong,+ ti abbongna+ ken ti abbong a lalat ti foka+ nga adda iti rabawna, ken ti tabing+ ti pagserkan ti tolda ti gimong, 26  ken dagiti balengbeng+ ti paraangan ken ti tabing ti pagserkan+ ti ruangan ti paraangan nga adda iti aglikmut ti tabernakulo ken ti altar, ken dagiti singdan ti toldada ken amin nga aruatenda iti panagserbi, ken amin a bambanag a regular a pangar-aramid iti trabaho. Iti kasta a masapul nga agserbida. 27  Iti panagbilin ni Aaron ken ti annakna+ rebbeng a maaramid ti isuamin a panagserbi ti annak dagiti Gersonita+ no maipapan iti amin nga awitda ken amin a panagserbida, ket masapul nga itudingyo kadakuada dagiti amin nga awitda sigun iti pagrebbengan. 28  Daytoy ti panagserbi ti pampamilia ti annak dagiti Gersonita+ iti tolda ti gimong, ket ti inkapilitan a panagserbida adda iti sidong ti ima ni Itamar+ nga anak ni Aaron a padi. 29  “No maipapan iti annak ni Merari,+ ipasalistamto ida sigun iti pampamiliada iti balay dagiti ammada. 30  Manipud tallopulo ti tawenna nga agpangato agingga iti limapulo a tawen ipasalistamto ida, amin a sumrek iti bunggoy dagiti agserbi tapno mangipaay iti panagserbi iti tolda ti gimong.+ 31  Ket daytoy ti pagrebbenganda, ti awitda,+ maitunos iti isuamin a panagserbida iti tolda ti gimong: dagiti baskag ti diding+ ti tabernakulo ken dagiti balunetna+ ken dagiti adigina+ ken ti sulluop a batbatayna,+ 32  ken dagiti adigi+ ti paraangan iti aglikmut ken ti sulluop a batbatayda+ ken dagiti pasok ti toldada+ ken dagiti singdan ti toldada agraman isuamin nga alikamenda ken isuamin a panagserbida. Ket sigun iti nagnaganda itudingyonto ti alikamen a maiparebbeng kadakuada, kas awitda.+ 33  Daytoy ti panagserbi ti pampamilia ti annak ni Merari+ sigun iti isuamin a panagserbida iti tolda ti gimong, iti sidong ti ima ni Itamar nga anak ni Aaron a padi.”+ 34  Ket da Moises ken Aaron ken dagiti panguluen+ ti gimong impasalistada ti annak dagiti Cohatita+ sigun iti pampamiliada ken sigun iti balay dagiti ammada, 35  manipud tallopulo+ ti tawenna nga agpangato agingga iti limapulo a tawen,+ isuamin a simrek iti bunggoy dagiti agserbi a maipaay iti panagserbi iti tolda ti gimong.+ 36  Ket dagidiay naipasalista kadakuada sigun iti pampamiliada nagdagup iti dua ribu pito gasut ket limapulo.+ 37  Dagitoy ti naipasalista+ iti pampamilia dagiti Cohatita, amin dagidiay agserserbi iti tolda ti gimong, nga impasalista da Moises ken Aaron sigun iti bilin ni Jehova babaen ken Moises. 38  No maipapan kadagidiay naipasalista iti annak ni Gerson+ sigun iti pampamiliada ken sigun iti balay dagiti ammada, 39  manipud tallopulo ti tawenna nga agpangato agingga iti limapulo a tawen, amin a simrek iti bunggoy dagiti agserbi a maipaay iti panagserbi iti tolda ti gimong,+ 40  dagidiay naipasalista kadakuada sigun iti pampamiliada, sigun iti balay dagiti ammada, nagdagup iti dua ribu innem a gasut ket tallopulo.+ 41  Dagitoy idi ti naipasalista iti pampamilia ti annak ni Gerson, amin dagidiay agserserbi iti tolda ti gimong, nga impasalista da Moises ken Aaron sigun iti bilin ni Jehova.+ 42  No maipapan kadagidiay naipasalista iti pampamilia ti annak ni Merari sigun iti pampamiliada, sigun iti balay dagiti ammada, 43  manipud tallopulo ti tawenna nga agpangato agingga iti limapulo ti tawenna, amin dagidiay sumsumrek iti bunggoy dagiti agserbi a maipaay iti panagserbi iti tolda ti gimong,+ 44  dagidiay naipasalista kadakuada sigun iti pampamiliada nagdagup iti tallo ribu dua gasut.+ 45  Dagitoy idi ti naipasalista iti pampamilia ti annak ni Merari, nga impasalista da Moises ken Aaron sigun iti bilin ni Jehova babaen ken Moises.+ 46  Amin dagidiay naipasalista nga impasalista da Moises ken Aaron ken dagiti panguluen ti Israel kas Levita sigun iti pampamiliada ken sigun iti balay dagiti ammada, 47  manipud tallopulo ti tawenna nga agpangato agingga iti limapulo ti tawenna,+ amin dagidiay umay a mangipaay iti napagel a panagserbi ken ti panagserbi iti panangbagkat kadagiti awit iti tolda ti gimong,+ 48  dagidiay naipasalista kadakuada nagdagup iti walo ribu lima gasut ket walopulo.+ 49  Iti panagbilin ni Jehova naipasalistada babaen ken Moises, tunggal maysa sigun iti panagserbina ken awitna; ket naipasalistada kas iti imbilin ni Jehova ken Moises.+

Footnotes