Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Numeros 33:1-56

33  Dagitoy ti panagsasaganad ti annak ti Israel a rimmuar manipud daga ti Egipto+ kadagiti buyotda+ babaen ti ima da Moises ken Aaron.+  Ket intultuloy nga inlista ni Moises dagiti pimmanawan a lugar sigun iti panagsasaganadda iti panagbilin ni Jehova; ket dagitoy ti panagsasaganadda manipud pimmanawanda a lugar agingga iti sabali:+  Ket nagluasda manipud Rameses+ iti umuna a bulan, iti maikasangapulo ket lima nga aldaw ti umuna a bulan.+ Iti mismo nga aldaw kalpasan ti paskua+ rimmuar ti annak ti Israel buyogen ti sitatag-ay nga ima iti imatang dagiti amin nga Egipcio.+  Bayat dayta itabtabon idi dagiti Egipcio dagidiay pinapatay ni Jehova iti nagtetengngaanda, awan sabali, amin dagiti inauna;+ ket impakat ni Jehova dagiti panangukom iti didiosda.+  Gapuna nagluas ti annak ti Israel manipud Rameses+ ket nagpakarsoda idiay Succot.+  Kalpasanna nagluasda manipud Succot ket nagpakarsoda idiay Etham,+ nga adda iti igid ti let-ang.  Sumaganad nagluasda manipud Etham ket nagsublida nga agturong iti Pihahirot,+ a matannawagan ti Baal-zefon;+ ket nagpakarsoda iti sango ti Migdol.+  Kalpasan dayta nagluasda manipud Pihahirot ket limmasatda iti tengnga ti baybay+ agingga iti let-ang+ ket nagtultuloyda a naglasat iti tallo-aldaw a panagbaniaga iti let-ang ti Etham+ ket nagpakarsoda idiay Mara.+  Kalpasanna nagluasda manipud Mara ket dimtengda iti Elim.+ Ita idiay Elim adda sangapulo ket dua nga ubbog ti danum ken pitopulo a kayo a palma. Gapuna nagpakarsoda sadiay. 10  Sumaganad nagluasda manipud Elim ket nagpakarsoda iti igid ti Nalabaga a Baybay. 11  Kalpasan dayta nagluasda manipud Nalabaga a Baybay ket nagpakarsoda iti let-ang ti Sin.+ 12  Kalpasanna nagluasda manipud let-ang ti Sin ket nagpakarsoda idiay Dofca. 13  Idi agangay nagluasda manipud Dofca ket nagpakarsoda idiay Alus. 14  Simmaganad a nagluasda manipud Alus ket nagpakarsoda idiay Refidim.+ Ket awan ti danum sadiay nga inumen dagiti umili. 15  Kalpasan dayta nagluasda manipud Refidim ket nagpakarsoda iti let-ang ti Sinai.+ 16  Kalpasanna nagluasda manipud let-ang ti Sinai ket nagpakarsoda idiay Kibrot-hataava.+ 17  Kalpasanna nagluasda manipud Kibrot-hataava ket nagpakarsoda idiay Hazerot.+ 18  Kalpasan dayta nagluasda manipud Hazerot ket nagpakarsoda idiay Ritma. 19  Sumaganad nagluasda manipud Ritma ket nagpakarsoda idiay Rimmon-perez. 20  Kalpasanna nagluasda manipud Rimmon-perez ket nagpakarsoda idiay Libna. 21  Idi agangay nagluasda manipud Libna ket nagpakarsoda idiay Rissa. 22  Sumaganad nagluasda manipud Rissa ket nagpakarsoda idiay Kehelata. 23  Kalpasanna nagluasda manipud Kehelata ket nagpakarsoda idiay Bantay Sefer. 24  Kalpasan dayta nagluasda manipud Bantay Sefer ket nagpakarsoda+ idiay Harada. 25  Kalpasanna nagluasda manipud Harada ket nagpakarsoda idiay Makelot. 26  Sumaganad nagluasda+ manipud Makelot ket nagpakarsoda idiay Tahat. 27  Kalpasan dayta nagluasda manipud Tahat ket nagpakarsoda idiay Tare. 28  Kalpasanna nagluasda manipud Tare ket nagpakarsoda idiay Mitca. 29  Idi agangay nagluasda manipud Mitca ket nagpakarsoda idiay Hasmona. 30  Sumaganad nagluasda manipud Hasmona ket nagpakarsoda idiay Moserot. 31  Kalpasanna nagluasda manipud Moserot ket nagpakarsoda idiay Bene-jaacan.+ 32  Kalpasan dayta nagluasda manipud Bene-jaacan ket nagpakarsoda idiay Hor-hagidgad. 33  Sumaganad nagluasda manipud Hor-hagidgad ket nagpakarsoda idiay Jotbata.+ 34  Idi agangay nagluasda manipud Jotbata ket nagpakarsoda idiay Abrona. 35  Kalpasanna nagluasda manipud Abrona ket nagpakarsoda idiay Ezion-geber.+ 36  Kalpasan dayta nagluasda manipud Ezion-geber ket nagpakarsoda iti let-ang ti Zin,+ kayatna a sawen, Cades. 37  Idi agangay nagluasda manipud Cades ket nagpakarsoda idiay Bantay Hor,+ iti lindoras ti daga ti Edom. 38  Ket ni Aaron a padi simmang-at iti Bantay Hor iti panagbilin ni Jehova ket natay sadiay iti maikapat a pulo a tawen ti iruruar ti annak ti Israel manipud daga ti Egipto, iti maikalima a bulan, iti umuna ti bulan.+ 39  Ket ni Aaron agtawen iti sangagasut duapulo ket tallo idi natay idiay Bantay Hor. 40  Ita ti Canaanita, ti ari ti Arad,+ bayat nga agnanaed idi iti Negeb,+ iti daga ti Canaan, nangngegna ti maipapan ti iyaay ti annak ti Israel. 41  Idi agangay nagluasda manipud Bantay Hor+ ket nagpakarsoda idiay Zalmona. 42  Kalpasan dayta nagluasda manipud Zalmona ket nagpakarsoda idiay Punon. 43  Sumaganad nagluasda manipud Punon ket nagpakarsoda idiay Obot.+ 44  Kalpasanna nagluasda manipud Obot ket nagpakarsoda idiay Iye-abarim iti ketegan ti Moab.+ 45  Idi agangay nagluasda manipud Iyim ket nagpakarsoda idiay Dibon-gad.+ 46  Kalpasan dayta nagluasda manipud Dibon-gad ket nagpakarsoda idiay Almon-diblataim. 47  Kalpasanna nagluasda manipud Almon-diblataim+ ket nagpakarsoda iti bambantay ti Abarim+ iti sango ti Nebo.+ 48  Kamaudiananna nagluasda manipud bambantay ti Abarim ket nagpakarsoda iti desierto a tantanap ti Moab+ iti igid ti Jordan idiay Jerico. 49  Ket nagtultuloyda a nagpakarso iti igid ti Jordan manipud Bet-jesimot+ agingga iti Abel-sittim+ iti desierto a tantanap ti Moab. 50  Ket ni Jehova nagsao ken Moises idiay desierto a tantanap ti Moab iti igid ti Jordan idiay Jerico,+ a kunkunana: 51  “Agsaoka iti annak ti Israel, ket masapul a kunaem kadakuada, ‘Ballasiwenyo ti Jordan a mapan iti daga ti Canaan.+ 52  Ket masapul a pagtalawenyo dagiti amin nga agnanaed iti daga manipud sanguananyo ket dadaelenyo dagiti amin a rebultoda a bato,+ ket amin dagiti ladawanda a sinukog a metal+ rebbeng a dadaelenyo, ket amin dagiti sagrado a nangato a dissoda rebbeng a talipuposenyo.+ 53  Ket masapul a tagikuaenyo ti daga ken agnaedkayo iti dayta, agsipud ta sigurado nga itedkonto kadakayo ti daga tapno tagikuaenyo.+ 54  Ket masapul a pagbibingayanyo ti daga a kas sanikua babaen ti binnunot+ sigun iti pampamiliayo.+ Rebbeng nga iyad-aduyo ti tawid daydiay aduan umili, ket rebbeng nga ibasbassityo ti tawid daydiay narasay.+ No sadino ti rummuaranto ti pannaka-bunot maipaay kenkuana, sadiay ti agbalinto a kukuana.+ Sigun kadagiti tribu ti ammayo rebbeng nga ipaayanyo ti bagbagiyo iti sanikua a daga.+ 55  “‘Nupay kasta, no saanyonto a pagtalawen dagiti agnanaed iti daga manipud sanguananyo,+ ngarud dagidiay iteddayo kadakuada sigurado nga agbalindanto a kas purpuris kadagiti matayo ken kas sisiit kadagiti bakrangyo, ket pudno a riribukendakayto iti daga a pagnaedanyonto.+ 56  Ket mapasamakto a kas iti imbalabalak nga aramiden kadakuada aramidekto kadakayo.’”+

Footnotes