Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Numeros 32:1-42

32  Ita ti annak ni Ruben+ ken ti annak ni Gad+ naaddaanda iti adu a dinguen, iti kinapudnona, adu unay. Ket nangrugi a makitada ti daga ti Jazer+ ken ti daga ti Galaad, ket, adtoy! ti disso maysa a disso nga agpaay kadagiti dinguen.  Gapuna immay ti annak ni Gad ken ti annak ni Ruben ket sinaoda daytoy kada Moises ken Eleazar a padi ken kadagiti panguluen ti gimong:  “Ti Atarot+ ken Dibon+ ken Jazer ken Nimra+ ken Hesbon+ ken Eleale+ ken Sebam ken Nebo+ ken Beon,+  ti daga a pinarmek ni Jehova+ iti sanguanan ti gimong ti Israel, ket daga nga agpaay kadagiti dinguen, ket addaan ti ad-adipenmo kadagiti dinguen.”+  Ket intultuloyda a kunaen: “No nakasarakkami iti pabor kadagita matam, maited koma daytoy a daga kadagiti adipenmo kas sanikua. Saannakami a pagballasiwen iti Jordan.”+  Idin kinuna ni Moises iti annak ni Gad ken iti annak ni Ruben: “Mapan kadi ti kakabsatyo iti gubat bayat a dakayo agnanaedkayo ditoy?+  Ket apay a pakapuyenyo ti annak ti Israel a bumallasiw a mapan iti daga a sigurado nga itedto kadakuada ni Jehova?  Kasta ti inaramid dagiti ammayo+ idi imbaonko ida manipud Cades-barnea+ tapno kitaenda ti daga.  Idi simmang-atda agingga iti naapres a ginget ti Escol+ ket nakitada ti daga, idin pinakapuyda ti annak ti Israel, tapno saanda a sumrek iti daga a sigurado idi nga ited kadakuada ni Jehova.+ 10  Gapuna gimmil-ayab ti unget ni Jehova iti daydi nga aldaw iti kasta insapatana,+ a kunkunana, 11  ‘Dagiti lallaki a simmang-at manipud Egipto manipud duapulo a tawen nga agpangato+ saandanto a makita ti daga nga insapatak kada Abraham, Isaac ken Jacob,+ agsipud ta saandak a sinurot a naan-anay, 12  malaksid ken Caleb+ nga anak ni Jefune a Kenizeo ken ni Josue+ nga anak ni Nun, agsipud ta sinurotda a naan-anay ni Jehova.’ 13  Gapuna gimmil-ayab ti unget ni Jehova iti Israel ket pinagallaallana ida iti let-ang iti uppat a pulo a tawen,+ agingga a nagngudo ti intero a kaputotan a nagaramid iti dakes kadagiti mata ni Jehova.+ 14  Ket adtoy timmakderkayo iti saad dagiti ammayo kas pangen dagiti managbasol a tattao tapno degdeganyo pay ti sumsumged nga unget ni Jehova+ iti Israel. 15  No kas pagarigan tumallikudkayo manipud isusurot kenkuana,+ sigurado met nga iti maminsan manen bay-anna nga agtalinaedda a nabaybayag iti let-ang,+ ket agtignaykayo iti makadadael iti daytoy intero nga ili.”+ 16  Idi agangay immasidegda kenkuana ket kinunada: “Bay-am a mangbangonkami ditoy kadagiti bato a kulongan ti arban a maipaay kadagiti dinguenmi ken kadagiti siudad a maipaay kadagiti ubbingmi. 17  Ngem dakami mapankamto a nakabalan iti urnos ti pannakibakal+ iti sanguanan ti annak ti Israel agingga a naipanmin ida iti dissoda, bayat a dagiti ubbingmi agnaeddanto kadagiti siudad nga addaan kadagiti sarikedked nga adayo iti rupa dagiti agnanaed iti daga. 18  Saankamto nga agsubli kadagiti balaymi agingga a ti annak ti Israel naipaayandan ti bagbagida iti sanikua a daga, tunggal maysa iti bukodna a tawid.+ 19  Ta saankamto a makipaggun-od kadakuada iti tawid manipud igid ti Jordan ken iti labesna, agsipud ta dimteng kadakami ti tawidmi manipud igid ti Jordan nga agpaleleggakan ti init.”+ 20  Gapu itoy kinuna ni Moises kadakuada: “No aramidenyonto daytoy a banag, no kabalanyonto ti bagbagiyo iti sanguanan ni Jehova maipaay iti gubat,+ 21  ket ti tunggal nakabalan kadakayo pudno a bumallasiwto iti Jordan iti sanguanan ni Jehova, agingga a pagtalawenna dagiti kabusorna iti sanguananna,+ 22  ket pudno a maparukma ti daga iti sanguanan ni Jehova,+ ket kalpasanna agsublikayo,+ pudno a mapaneknekanyonto met ti bagbagiyo a siwayawaya iti pannakabasol maikaniwas ken Jehova ken maikaniwas iti Israel; ket agbalinto a kukuayo daytoy a daga kas sanikua iti sanguanan ni Jehova.+ 23  Ngem no saanyonto nga aramiden ti kastoy, sigurado met nga agbasolkayto maikaniwas ken Jehova.+ Iti dayta a kaso ammuenyo a kamakamennakayto ti basolyo.+ 24  Ibangonanyo ti bagbagiyo kadagiti siudad a maipaay kadagiti ubbingyo ken kadagiti kulongan a bato a maipaay kadagiti arbanyo, ket rebbeng nga aramidenyo ti rimmuar iti ngiwatyo.”+ 25  Idin ti annak ni Gad ken ti annak ni Ruben sinaoda daytoy ken Moises: “Aramidento dagiti adipenmo kas iti ibilbilin ni apok.+ 26  Dagiti ubbingmi, dagiti assawami, dagiti dinguenmi ken amin a naamo nga an-animalmi agyandanto sadiay kadagiti siudad ti Galaad,+ 27  ngem bumallasiwto dagiti adipenmo, tunggal maysa a nakabalan maipaay iti buyot,+ iti sanguanan ni Jehova maipaay iti gubat, kas iti sasawen ni apok.” 28  Iti kasta nangted ni Moises iti bilin maipapan kadakuada ken Eleazar a padi ken ni Josue nga anak ni Nun ken kadagiti pannakaulo ti amma dagiti tribu ti annak ti Israel. 29  Gapuna kinuna kadakuada ni Moises: “No ti annak ni Gad ken ti annak ni Ruben makipagballasiwda kadakayo iti Jordan, tunggal maysa a nakabalan maipaay iti gubat,+ iti sanguanan ni Jehova, ket pudno a maparukma ti daga iti sanguananyo, itedyonto ngarud kadakuada ti daga ti Galaad kas sanikua.+ 30  Ngem no saanda a makipagballasiw kadakayo a nakabalan, agyandanto ngarud iti tengngayo iti daga ti Canaan.”+ 31  Iti daytoy simmungbat ti annak ni Gad ken ti annak ni Ruben, a kunkunada: “No ania ti sinao ni Jehova kadagiti adipenmo kasta ti aramidenminto.+ 32  Dakami bumallasiwkamto a nakabalan iti sanguanan ni Jehova nga agturong iti daga ti Canaan,+ ket ti sanikua ti tawidmi addanto kadakami itoy a bangir ti Jordan.”+ 33  Gapu itoy inted ni Moises kadakuada, awan sabali, iti annak ni Gad+ ken iti annak ni Ruben+ ken iti kagudua ti tribu ni Manases+ nga anak ni Jose, ti pagarian ni Sihon+ nga ari dagiti Amoreo ken ti pagarian ni Og+ nga ari ti Basan, ti daga a kukua dagiti siudadna kadagiti teritoria, ken dagiti siudad ti daga iti aglawlaw. 34  Ket binangon ti annak ni Gad ti Dibon+ ken Atarot+ ken Aroer,+ 35  ken Atrot-sofan ken Jazer+ ken Jogbea,+ 36  ken Bet-nimra+ ken Bet-haran,+ dagiti siudad nga addaan kadagiti sarikedked,+ ken dagiti bato a kulongan dagiti arban.+ 37  Ket binangon ti annak ni Ruben ti Hesbon+ ken Eleale+ ken Kiriataim,+ 38  ken Nebo+ ken Baal-meon+—nabaliwan ti nagnaganda—ken Sibma; ket rinugianda a panaganan iti bukodda a nagnagan dagiti siudad a binangonda. 39  Ket ti annak ni Maquir+ nga anak ni Manases naglasatda nga agturong idiay Galaad ket kinautiboda dayta ken pinagtalawda dagiti Amoreo nga adda idi iti dayta. 40  Gapuna inted ni Moises ti Galaad ken Maquir nga anak ni Manases, ket nagnaed iti dayta.+ 41  Ket naglasat ni Jair nga anak ni Manases ket kinautibona dagiti purok a toldada, ket rinugianna a panaganan ida iti Havot-jair.+ 42  Ket naglasat ni Noba ket kinautibona ti Kenat+ ken dagiti agpampannuray nga ilina; ket rinugianna a panaganan iti Noba iti bukodna a nagan.

Footnotes