Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Numeros 30:1-16

30  Kalpasanna nagsao ni Moises kadagiti pannakaulo+ dagiti tribu ti annak ti Israel, a kunkunana: “Daytoy ti sao nga imbilin ni Jehova:  No kas pagarigan ti maysa a tao agkari+ ken Jehova wenno agsapata+ tapno mangisinggalut iti kararuana ti maysa a kari ti panangliklik,+ masapul a saanna a salungasingen ti saona.+ Rebbeng nga aramidenna ti maitunos iti amin a rimmuar iti ngiwatna.+  “Ket no kas pagarigan ti maysa a babai agkari ken Jehova+ wenno isinggalutna ti bagina iti kari ti panangliklik idiay balay ni amana iti kinaagtutubona,  ket pudno a mangngeg ni amana ti karina wenno ti panangliklik a karina nga insinggalutna iti kararuana ket agulimek kenkuana ni amana, amin a karina agtalinaedto met, ket tunggal panangliklik a kari+ nga insinggalutna iti kararuana agtalinaedto.  Ngem no pinawilan ni amana iti aldaw a pannakangngegna iti amin a karina wenno dagiti panangliklik a karina nga insinggalutna iti kararuana, saanto nga agtalinaed dayta, no di ket isu pakawanento ni Jehova, agsipud ta pinawilan ni amana.+  “Nupay kasta, no mapasamakto nga isu agbalin a kukua ti maysa nga asawa a lalaki, ket adda kenkuana ti sapatana+ wenno ti aleng-aleng a kari dagiti bibigna nga insinggalutna iti kararuana,  ket pudno a mangngeg ti asawana ket agulimek kenkuana iti aldaw a pannakangngegna iti dayta, dagiti karina agtalinaedto met wenno dagiti panangliklik a karina nga insinggalutna iti kararuana agtalinaedto.+  Ngem no pawilan ti asawana iti aldaw a pannakangngegna iti dayta,+ winaswasna met ti sapatana nga adda idi kenkuana wenno ti aleng-aleng a kari dagiti bibigna nga insinggalutna iti kararuana, ket isu pakawanento ni Jehova.+  “No maipapan iti kari ti balo a babai wenno ti naidiborsio a babai, isuamin nga insinggalutna iti kararuana agtalinaedto maibusor kenkuana. 10  “Nupay kasta, no iti balay ti asawana ti nagkarianna wenno nangisinggalutanna iti kararuana iti panangliklik a kari+ babaen iti sapata, 11  ket nangngeg dayta ti asawana ket nagulimek kenkuana, saanna a pinawilan; ket amin a karina agtalinaedto wenno ti aniaman a panangliklik a kari nga insinggalutna iti kararuana agtalinaedto. 12  Ngem no naan-anay a winaswas ida ti asawana iti aldaw a pannakangngegna iti aniaman nga ebkas dagiti bibigna kas karkarina wenno kas panangliklik a kari ti kararuana, saandanto nga agtalinaed.+ Winaswas ida ti asawana, ket isu pakawanento ni Jehova.+ 13  Aniaman a kari wenno aniaman a sapata ti panangliklik a kari a pangparigat iti kararua,+ rebbeng a patalgedan ti asawana wenno rebbeng a waswasen ti asawana. 14  Ngem no naan-anay nga agulimek kenkuana ti asawana iti inaldaw-aldaw, pinatalgedanna met ti amin a karina wenno ti amin a panangliklik a kari nga adda kenkuana.+ Pinatalgedanna ida agsipud ta nagulimek kenkuana iti aldaw a pannakangngegna kadagita. 15  Ket no naan-anay a waswasenna ida kalpasan ti pannakangngegna kadagita, pudno nga awitenna met ti biddut ti babai.+ 16  “Dagitoy ti al-alagaden nga imbilin ni Jehova ken Moises no iti nagbaetan ti asawa a lalaki ken ti asawana,+ no iti nagbaetan ti ama ken ti anakna a babai iti kinaagtutubona iti balay ni amana.”+

Footnotes