Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Numeros 3:1-51

3  Ita dagitoy ti kapkaputotan da Aaron ken Moises idi aldaw a pannakisao ni Jehova ken Moises idiay Bantay Sinai.+  Ket dagitoy ti nagnagan ti annak ni Aaron: ti inauna a ni Nadab ken da Abihu,+ Eleazar+ ken Itamar.+  Dagitoy ti nagnagan ti annak ni Aaron, ti napulotan a papadi a dagiti imada napno iti pannakabalin nga agakem a kas papadi.+  Nupay kasta, natay da Nadab ken Abihu iti sanguanan ni Jehova idi nagidatonda iti di mayalubog nga apuy+ iti sanguanan ni Jehova idiay let-ang ti Sinai; ket saanda a naaddaan iti aniaman nga annak. Ngem da Eleazar+ ken Itamar+ nagtultuloyda a nagakem a kas papadi a kadua ni Aaron nga amada.  Ket ni Jehova nagsao ken Moises, a kunkunana:  “Iyasidegmo ti tribu ni Levi,+ ket masapul a pagtakderem ida iti sanguanan ni Aaron a padi, ket masapul nga agserbida+ kenkuana.  Ket masapul a salimetmetanda ti pagrebbenganda kenkuana ken ti pagrebbenganda iti intero a gimong iti sanguanan ti tolda ti gimong iti panangitungpalda ti panagserbi iti tabernakulo.  Ket masapul nga aywananda dagiti amin nga aruaten+ ti tolda ti gimong, uray ti pagrebbengan ti annak ti Israel iti panangitungpal ti panagserbi iti tabernakulo.+  Ket dagiti Levita masapul nga itedmo ken Aaron ken iti annakna. Isuda ket naipaay, naipaay kenkuana manipud annak ti Israel.+ 10  Ket rebbeng a dutokam ni Aaron ken ti annakna, ket masapul nga aywananda ti kinapadida;+ ket rebbeng a mapapatay ti asinoman a ganggannaet nga umasideg.”+ 11  Ket intuloy ni Jehova ti agsao ken Moises, a kunkunana: 12  “No maipapan kaniak, adtoy! alaek dagiti Levita manipud iti annak ti Israel a sandi ti isuamin nga inauna+ a manglukat iti aanakan iti annak ti Israel; ket agbalinto a kukuak dagiti Levita. 13  Ta kukuak ti tunggal inauna.+ Iti aldaw a panangkabilko ti tunggal inauna iti daga ti Egipto+ sinantipikarko nga agpaay kaniak ti tunggal inauna iti Israel manipud iti tao agingga iti animal.+ Rebbeng nga agbalinda a kukuak. Siak ni Jehova.” 14  Ket ni Jehova nagsao pay ken Moises idiay let-ang ti Sinai,+ a kunkunana: 15  “Ipasalistam ti annak ni Levi mayannurot iti balay dagiti ammada sigun iti pampamiliada. Tunggal lalaki manipud maysa a bulanna nga agpangato rebbeng nga ipasalistam.”+ 16  Ket rinugian ni Moises nga ipasalista ida sigun iti bilin ni Jehova, kas iti naibilin kenkuana. 17  Ket dagitoy idi ti annak ni Levi+ sigun iti nagnaganda: Gerson ken Cohat ken Merari.+ 18  Ita dagitoy idi ti nagnagan ti annak ni Gerson sigun iti pampamiliada: Libni ken Simei.+ 19  Ket ti annak ni Cohat+ sigun iti pampamiliada isu da Amram ken Izar,+ Hebron ken Uzziel. 20  Ket ti annak ni Merari+ sigun iti pampamiliada isu da Mali+ ken Musi.+ Dagitoy ti pampamilia dagiti Levita mayannurot iti balay dagiti ammada. 21  Iti Gerson adda idi ti pamilia dagiti Libnita+ ken ti pamilia dagiti Simeita.+ Dagitoy ti pampamilia dagiti Gersonita. 22  Dagidiay naipasalista kadakuada ket sigun iti bilang ti amin a lallaki manipud maysa a bulanna nga agpangato.+ Dagidiay naipasalista kadakuada pito ribu lima gasut.+ 23  Ti pampamilia dagiti Gersonita adda idi iti likudan ti tabernakulo.+ Nagpakarsoda iti laud. 24  Ket ti panguluen ti balay dagiti amma maipaay kadagiti Gersonita isu idi ni Eliasaf nga anak ni Lael. 25  Ket ti pagrebbengan ti annak ni Gerson+ iti tolda ti gimong isu idi ti tabernakulo ken ti tolda,+ ti abbongna+ ken ti tabing+ ti pagserkan ti tolda ti gimong, 26  ken dagiti balengbeng+ ti paraangan ken ti tabing+ ti pagserkan ti paraangan nga adda iti aglikmut ti tabernakulo ken ti altar, ken dagiti singdan ti toldana,+ a maipaay iti isuamin a panagserbi iti dayta. 27  Ket iti Cohat adda idi ti pamilia dagiti Amramita ken ti pamilia dagiti Izarita ken ti pamilia dagiti Hebronita ken ti pamilia dagiti Uzzielita. Dagitoy ti pampamilia dagiti Cohatita.+ 28  Iti bilang ti amin a lallaki manipud maysa a bulanna nga agpangato adda idi walo ribu innem a gasut, a mangas-asikaso iti pagrebbengan iti nasantuan a disso.+ 29  Ti pampamilia ti annak ni Cohat nagpakarsoda iti sikigan ti tabernakulo iti abagatan.+ 30  Ket ti panguluen ti balay dagiti amma maipaay iti pampamilia dagiti Cohatita isu idi ni Elizafan nga anak ni Uzziel.+ 31  Ket ti pagrebbenganda+ isu ti Lakasa+ ken ti lamisaan+ ken ti pagsaadan ti silaw+ ken dagiti altar+ ken dagiti aruaten+ ti nasantuan a disso a pagserbida ken ti tabing,+ ken isuamin a panagserbi iti dayta. 32  Ket ti panguluen ti papanguluen dagiti Levita isu idi ni Eleazar+ nga anak ni Aaron a padi, a mangay-aywan kadagidiay mangas-asikaso iti pagrebbengan iti nasantuan a disso. 33  Iti Merari adda idi ti pamilia dagiti Malita+ ken ti pamilia dagiti Musita.+ Dagitoy ti pampamilia ni Merari.+ 34  Ket dagidiay naipasalista kadakuada sigun iti bilang ti amin a lallaki manipud maysa a bulanna nga agpangato innem a ribu dua gasut.+ 35  Ket ti panguluen ti balay dagiti amma maipaay iti pampamilia ni Merari isu idi ni Zuriel nga anak ni Abihail. Nagpakarsoda iti sikigan ti tabernakulo iti agpaamianan.+ 36  Ket ti panangaywan a naiparebbeng iti annak ni Merari isu kadagiti baskag ti diding+ ti tabernakulo ken balbalunetna+ ken ad-adigina+ ken sulluopna a batbatay ken amin nga aruatenna+ ken amin a panagserbi iti dayta,+ 37  ken kadagiti adigi+ ti paraangan iti aglikmut ken sulluop a batbatayda+ ken paspasok ti toldada ken singsingdan ti toldada. 38  Ket dagidiay nagpakarso iti sanguanan ti tabernakulo iti agpadaya, iti sanguanan ti tolda ti gimong iti agpaleleggakan ti init, isu da Moises ken Aaron ken ti annakna, dagidiay mangas-asikaso iti pagrebbengan iti santuario,+ kas pagrebbengan maipaay iti annak ti Israel. Ket mapapatay ti asinoman a ganggannaet nga umasideg.+ 39  Amin dagidiay naipasalista kadagiti Levita nga impasalista da Moises ken Aaron iti panagbilin ni Jehova sigun iti pampamiliada, amin dagiti lallaki manipud maysa a bulanna nga agpangato, duapulo ket dua a ribu. 40  Idin ni Jehova kinunana ken Moises: “Ipasalistam ti isuamin nga inauna a lallaki iti annak ti Israel manipud maysa a bulanna nga agpangato,+ ket alaem ti bilang dagiti naganda. 41  Ket masapul nga alaem dagiti Levita maipaay kaniak—siak ni Jehova—a sandi ti isuamin nga inauna iti annak ti Israel,+ ken dagiti naamo nga animal dagiti Levita a sandi ti isuamin nga inauna kadagiti naamo nga animal ti annak ti Israel.”+ 42  Ket impasalista ni Moises, kas iti imbilin kenkuana ni Jehova, ti isuamin nga inauna iti annak ti Israel. 43  Ket ti isuamin nga inauna a lallaki sigun iti bilang dagiti nagan manipud maysa a bulanna nga agpangato kadagidiay naipasalista kadakuada nagdagup iti duapulo ket dua a ribu dua gasut pitopulo ket tallo. 44  Ket intuloy ni Jehova ti agsao ken Moises, a kunkunana: 45  “Alaem dagiti Levita a sandi ti isuamin nga inauna iti annak ti Israel, ken dagiti naamo nga animal dagiti Levita a sandi dagiti naamo nga animalda; ket agbalinto a kukuak dagiti Levita.+ Siak ni Jehova. 46  Ket kas gatad ti subbot+ ti dua gasut pitopulo ket tallo manipud iti inauna ti annak ti Israel, isuda a surok dagiti Levita,+ 47  masapul a mangalaka iti lima a siklo maipaay iti tunggal maysa.+ Iti siklo ti nasantuan a disso rebbeng nga alaem dayta. Ti maysa a siklo ket duapulo a gera.+ 48  Ket masapul nga itedmo ti kuarta ken Aaron ken iti annakna kas gatad ti subbot kadagidiay surokda.” 49  Gapuna innala ni Moises ti kuarta ti gatad ti pannubbot manipud kadagidiay surok ti gatad ti subbot dagiti Levita. 50  Manipud iti inauna iti annak ti Israel innalana ti kuarta, sangaribu tallo gasut innem a pulo ket lima a siklo, iti siklo ti nasantuan a disso. 51  Kalpasanna inted ni Moises ti kuarta ti gatad ti subbot ken Aaron ken iti annakna maitunos iti bilin ni Jehova, kas iti imbilin ni Jehova ken Moises.

Footnotes