Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Numeros 27:1-23

27  Idin ti annak a babbai ni Zelofehad+ nga anak ni Hefer nga anak ni Galaad nga anak ni Maquir nga anak ni Manases,+ iti pampamilia ni Manases nga anak ni Jose, immasidegda. Ket dagitoy ti nagnagan ti annakna a babbai: Mala, Noe ken Hogla ken Milca ken Tirza.+  Ket nagtakderda iti sanguanan ni Moises ken iti sanguanan ni Eleazar a padi+ ken iti sanguanan dagiti panguluen ken ti intero a gimong iti pagserkan ti tolda ti gimong, a kunkunada:  “Natay ni amami idiay let-ang,+ ket kaskasdi isu saan idi a karaman iti gimong, awan sabali, dagidiay naguurnos a bumusor ken Jehova iti gimong ni Kore,+ no di ket isu natay gapu iti bukodna a basol;+ ket saan a naaddaan iti aniaman nga annak a lallaki.  Apay koma a maikkat ti nagan ni amami iti tengnga ti pamiliana agsipud ta awanan anak a lalaki?+ O ikkannakami iti sanikua iti tengnga ti kakabsat ni amami.”+  Iti kasta indatag ni Moises ti kasoda iti sanguanan ni Jehova.+  Idin ni Jehova sinaona daytoy ken Moises:  “Umiso ti sasawen ti annak a babbai ni Zelofehad. Di bumurong nga itedmo kadakuada ti panagtagikua iti maysa a tawid iti tengnga ti kakabsat ni amada, ket masapul nga iyallawatmo kadakuada ti tawid ni amada.+  Ket rebbeng nga agsaoka iti annak ti Israel, a kunaem, ‘No kas pagarigan ti maysa a lalaki matay nga awanan anak a lalaki, masapul ngarud nga iyallawatyo ti tawidna iti anakna a babai.  Ket no awanan iti anak a babai, masapul ngarud nga itedyo ti tawidna iti kakabsatna. 10  Ket no awanan iti kakabsat, masapul ngarud nga itedyo ti tawidna iti kakabsat ni amana. 11  Ket no ni amana awanan iti kakabsat, masapul ngarud nga itedyo ti tawidna iti nainaig kenkuana iti dara+ a kasingedan kenkuana iti pamiliana, ket tagikuaennanto dayta. Ket agserbinto kas paglintegan babaen ti hudisial a pangngeddeng maipaay iti annak ti Israel, kas iti imbilin ni Jehova ken Moises.’” 12  Kalpasanna ni Jehova kinunana ken Moises: “Sumang-atka itoy a bantay ti Abarim+ ket kitaem ti daga a sigurado nga itedkonto iti annak ti Israel.+ 13  Inton makitamon, maitiponkanto kalpasanna kadagiti kailiam,+ wen, sika, kas iti pannakaitipon ni kabsatmo nga Aaron,+ 14  yantangay nagrebeldekayo iti bilinko idiay let-ang ti Zin iti panagririri ti gimong,+ mainaig iti panangsantipikar+ kaniak babaen ti dandanum iti imatangda. Dagitoy ti dandanum ti Meriba+ iti Cades+ idiay let-ang ti Zin.”+ 15  Idin ni Moises nagsao ken Jehova, a kunkunana: 16  “Ni Jehova a Dios dagiti espiritu+ ti amin a kita ti lasag+ mangdutok koma maipaay iti gimong iti maysa a lalaki+ 17  a rummuarto iti sanguananda ken umunegto iti sanguananda ken mangiruarto kadakuada ken mangiserrekto kadakuada,+ tapno ti gimong ni Jehova saan koma nga agbalin a kas karkarnero nga awanan pastor.”+ 18  Gapuna ni Jehova kinunana ken Moises: “Alaem kenka ni Josue nga anak ni Nun, maysa a lalaki nga addaan iti espiritu,+ ket masapul nga ipataymo kenkuana ta imam;+ 19  ket masapul a pagtakderem iti sanguanan ni Eleazar a padi ken iti sanguanan ti intero a gimong, ket masapul a parebbengam iti imatangda.+ 20  Ket masapul nga ikabilmo kenkuana ti dadduma a dayawmo,+ tapno umimdeng kenkuana ti intero a gimong ti annak ti Israel.+ 21  Ket iti sanguanan ni Eleazar a padi ti pagtakderannanto, ket masapul nga agimtuod+ maigapu kenkuana iti panangukom ti Urim+ iti sanguanan ni Jehova. Iti panagbilinna rummuardanto ket iti panagbilinna sumrekdanto, isu ken amin ti annak ti Israel a maikuyog kenkuana ken ti intero a gimong.” 22  Ket inaramid ni Moises kas iti imbilin kenkuana ni Jehova. Iti kasta innalana ni Josue ket pinagtakderna iti sanguanan ni Eleazar+ a padi ken iti sanguanan ti intero a gimong 23  ket impatayna kenkuana dagiti imana ket pinarebbenganna,+ kas iti sinao ni Jehova babaen ken Moises.+

Footnotes