Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Numeros 25:1-18

25  Ita agnanaed idi ti Israel idiay Sittim.+ Idin nangrugi dagiti umili a maaddaan iti imoral a relasion iti annak a babbai ti Moab.+  Ket dagiti babbai immayda inayaban dagiti umili a mapan kadagiti sakripisio ti didiosda,+ ket nangrugi dagiti umili a mangan ken agruknoy iti didiosda.+  Gapuna ti Israel nakisinggalut ken Baal ti Peor;+ ket gimmil-ayab ti unget ni Jehova iti Israel.+  Ngarud ni Jehova kinunana ken Moises: “Alaem dagiti amin a pannakaulo dagiti umili ket iparangmo ida ken Jehova+ a nakasangoda iti init, tapno ti sumsumged nga unget ni Jehova agbaw-ing manipud Israel.”  Idin kinuna ni Moises kadagiti ukom ti Israel:+ “Tunggal maysa kadakayo patayenna+ ti tattaona a nakisinggalut ken Baal ti Peor.”  Ngem, adtoy! ti maysa a lalaki+ iti annak ti Israel immay, ket iyas-asidegna idi iti kakabsatna ti maysa a babai a Midianita+ iti imatang ni Moises ken iti imatang ti intero a gimong ti annak ti Israel, bayat nga agsangsangitda iti pagserkan ti tolda ti gimong.  Idi naimatangan dayta ni Finehas+ nga anak ni Eleazar nga anak ni Aaron a padi, madagdagus a timmakder manipud tengnga ti gimong ket nangala iti maysa a gayang iti imana.  Kalpasanna sinurotna ti lalaki ti Israel iti immarko a tolda ket sinalputna ida a dua, ti lalaki ti Israel ken ti babai sinalputna kadagiti paset ti mabagbagina. Iti kasta napagsardeng ti pannaplit manipud iti annak ti Israel.+  Ket dagidiay natay iti pannaplit nagdagup iti duapulo ket uppat a ribu.+ 10  Idin ni Jehova nagsao ken Moises, a kunkunana: 11  “Ni Finehas+ nga anak ni Eleazar nga anak ni Aaron a padi pinagbaw-ingna ti pungtotko+ manipud iti annak ti Israel babaen ti saanna a pulos panangpanuynoy iti pannakirinnisiris kaniak iti tengngada,+ iti kasta saanko a tinalipupos ti annak ti Israel iti panangipilitko iti naipamaysa a debosion.+ 12  Iti dayta a rason kunaem, ‘Adtoy itdek kenkuana ti tulagko iti kappia. 13  Ket agserbinto kas tulag ti kinapadi agingga iti tiempo a di nakedngan maipaay kenkuana ken iti kaputotanna a sumaruno kenkuana,+ gapu iti kinapudno a saanna a pinanuynoyan ti pannakirinnisiris iti Diosna+ ken nangaramid iti panangabbong maipaay iti annak ti Israel.’”+ 14  Kabayatanna ti nagan ti nakabil a napapatay a lalaki nga Israelita a nakabil a napapatay a kadua ti babai a Midianita ket Zimri nga anak ni Salu, maysa a panguluen+ ti balay ti amma dagiti Simeonita. 15  Ket ti nagan ti babai a Midianita a nakabil a napapatay ket Cozbi nga anak ni Zur;+ isu ket pannakaulo dagiti puli ti maysa a balay dagiti amma idiay Midian.+ 16  Idi agangay ni Jehova nagsao ken Moises, a kunkunana: 17  “Adda koma panangriribuk kadagiti Midianita, ket masapul a kabilenyo ida,+ 18  agsipud ta rirriribukendakayo babaen iti ar-aramid a kinasikap+ nga inaramidda a sisisikap maibusor kadakayo iti pasamak ti Peor+ ken iti pasamak ni Cozbi+ nga anak a babai ti maysa a panguluen ti Midian, ti kabsatda a babai a nakabil a napapatay+ iti aldaw ti pannaplit gapu iti pasamak ti Peor.”+

Footnotes