Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Numeros 23:1-30

23  Kalpasanna ni Balaam kinunana ken Balak: “Ibangonannak itoy a disso iti pito nga altar+ ken isaganaannak itoy a disso iti pito a toro ken pito a kalakian a karnero.”  Dagus nga inaramid ni Balak kas iti sinao ni Balaam. Kalpasan dayta nangidaton da Balak ken Balaam iti maysa a toro ken maysa a kalakian a karnero iti tunggal altar.+  Ket ni Balaam kinunana ken Balak: “Agsaadka iti sibay ti datonmo a mapuoran,+ ket bay-annak a mapan. Bareng makisaonto ken sumabet kaniak ni Jehova.+ Iti dayta a kaso aniaman ti ipakitananto kaniak, sigurado nga ibagakto kenka.” Gapuna napan iti maysa a kalbo a turod.  Idi a ti Dios nakisao ken Balaam,+ idin kinunana Kenkuana: “Insaadko a naintaintar ti pito nga altar, ket nangidatonak iti maysa a toro ken maysa a kalakian a karnero iti tunggal altar.”+  Iti kasta nangikabil ni Jehova iti sao iti ngiwat ni Balaam+ ket kinunana: “Agsublika ken Balak, ket daytoy ti sawemto.”+  Gapuna nagsubli kenkuana, ket, adtoy! isu ken amin dagiti prinsipe ti Moab nagsaadda iti sibay ti datonna a mapuoran.  Kalpasanna sinaona ti proverbio+ nga ebkasna ket kinunana: “Manipud Aram+ pinadasnak nga iturong ni Balak nga ari ti Moab, Manipud iti bambantay ti daya: ‘Umayka, ilunodmo ni Jacob maipaay kaniak. Wen, umayka, kondenarem ti Israel.’+   Kasano ti panangilunodko kadagidiay saan nga inlunod ti Dios?+ Ket kasano ti panangkondenarko kadagidiay saan a kinondenar ni Jehova?+   Ta manipud iti tapaw dagiti bato makitak ida, Ken manipud kadagiti turod maimatangak ida. Sadiay kas maysa nga ili agtabtabernakuloda a naiputputong,+ Ken saanda nga ibilang ti bagbagida kadagiti nasion.+ 10  Siasino ti nangbilang iti binukel ti tapok ni Jacob,+ Ken siasino ti nangbilang iti apagkapat ti Israel? Matay koma ti kararuak iti ipapatay dagidiay nalinteg,+ Ken kalpasanna mapasamak koma ti tungpalko a kas kadakuada.”+ 11  Gapu itoy ni Balak kinunana ken Balaam: “Ania ti inaramidmo kaniak? Innalaka tapno ilunodmo dagiti kabusorko, ket adtoy binendisionam ida iti kasta unay.”+ 12  Simmungbat kalpasanna ket kinunana: “Saan aya a ti aniaman nga ikabil ni Jehova iti ngiwatko ti rebbeng nga annadak a sawen?”+ 13  Idin kinuna kenkuana ni Balak: “Kumuyogka kaniak, pangngaasim, iti sabali a disso a pakakitaam kadakuada. Ti laeng ungtoda ti makitamto,+ ket saanmonto a makita amin ida. Ket ilunodmo ida manipud sadiay maipaay kaniak.”+ 14  Gapuna isu impanna iti tay-ak ti Zofim, iti tapaw ti Pisga,+ ket nangibangon iti pito nga altar ket nangidaton iti maysa a toro ken maysa a kalakian a karnero iti tunggal altar.+ 15  Kalpasan dayta kinunana ken Balak: “Agsaadka ditoy iti sibay ti datonmo a mapuoran, ket, no maipapan kaniak, bay-annak a makisao kenkuana sadiay.” 16  Kalpasanna ni Jehova nakisao ken Balaam ket nangikabil iti sao iti ngiwatna ket kinunana:+ “Agsublika ken Balak,+ ket daytoy ti sawemto.” 17  Gapuna immay kenkuana, ket, adtoy! isu nagsaad iti sibay ti datonna a mapuoran, ket naikuyog kenkuana dagiti prinsipe ti Moab. Idin kinuna kenkuana ni Balak: “Ania ti sinao ni Jehova?” 18  Gapu itoy sinaona ti proverbio nga ebkasna ket kinunana:+ “Tumakderka, Balak, ket umimdengka. Umimdengka kaniak, O anak ni Zippor.+ 19  Ti Dios saan a maysa a tao tapno agulbod,+ Saan met a maysa nga anak ti sangatauan tapno agbabawi.+ Isu kinunana kadi dayta ket saannanto nga aramiden, Ken sinaona kadi ket saannanto nga itungpal?+ 20  Adtoy! Naalaak a mangbendision, Ket binendisionanna,+ ket saankonto a baliktaden.+ 21  Saan a nakakita iti aniaman a karkarna a pannakabalin+ maibusor ken Jacob, Ket awan ti nakitana a riribuk maibusor iti Israel. Ni Jehova a Diosna adda kenkuana,+ Ken ti natbag a panangidir-i ti maysa nga ari adda iti tengngana. 22  Iruruar ida ti Dios manipud Egipto.+ Kukuana ti nasiglat a panagtaray a kas iti panagtaray ti maysa nga atap a toro.+ 23  Ta awan ti dakes a pagilabeg maibusor ken Jacob,+ Wenno uray aniaman a panagpadles maibusor iti Israel.+ Iti daytoy a tiempo maikuna maipapan ken Jacob ken iti Israel, ‘Anian ti inaramid ti Dios!’+ 24  Kitaem, ti maysa nga ili tumakderto a kas maysa a leon, Ket kas iti leon ipangatonanto ti bagina.+ Saanto nga agidda agingga a makapangan iti inanupan, Ket inumennanto ti dara dagidiay napapatay.”+ 25  Gapu itoy ni Balak kinunana ken Balaam: “No, iti maysa a bangir, saanmo a pulos kabaelan nga ilunod, ngarud, iti sabali a bangir, saanmo koma a pulos bendisionan.” 26  Simmungbat ni Balaam kalpasanna ket kinunana ken Balak: “Saan kadi a nagsaoak kenka, a kinunak, ‘Isuamin a sawento ni Jehova isu ti aramidekto’?”+ 27  Idin ni Balak kinunana ken Balaam: “Umayka, pangngaasim. Bay-am nga ipanka iti sabali pay a disso. Bareng umisonto kadagiti mata ti pudno a Dios iti kasta sigurado nga isu ilunodmonto manipud sadiay maipaay kaniak.”+ 28  Gapuna ni Balak impanna ni Balaam iti tapaw ti Peor, a tumannawag iti Jesimon.+ 29  Kalpasanna ni Balaam+ kinunana ken Balak: “Ibangonannak itoy a disso iti pito nga altar ket isaganaannak itoy a disso iti pito a toro ken pito a kalakian a karnero.”+ 30  Gapuna inaramid ni Balak kas iti sinao ni Balaam, ket nangidaton iti toro ken kalakian a karnero iti tunggal altar.+

Footnotes