Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Numeros 20:1-29

20  Ket ti annak ti Israel, ti intero a gimong, simrekda iti let-ang ti Zin+ iti umuna a bulan, ket nagnaed dagiti umili idiay Cades.+ Sadiay a natay ni Miriam+ ken sadiay a naitabon.  Ita awan idi ti danum a maipaay iti gimong,+ ket nangrugida nga aguummong a bumusor kada Moises ken Aaron.+  Ket dagiti umili nakiririda+ ken Moises ket kinunada: “Nauyos koma laengen ti biagmi idi nauyos ti biag dagiti kakabsatmi iti sanguanan ni Jehova!+  Ket apay nga inyegyo ti kongregasion ni Jehova iti daytoy a let-ang tapno dakami ken dagiti animalmi a pagtrabaho ket matay dita?+  Ken apay nga impanawdakami iti Egipto tapno iyegdakami iti daytoy dakes a lugar?+ Saan a lugar daytoy ti bin-i ken dagiti higos ken dagiti ubas ken dagiti granada,+ ket awan ti danum a mainum.”  Idin manipud sanguanan ti kongregasion immay da Moises ken Aaron iti pagserkan ti tolda ti gimong ket inruknoyda dagiti rupada,+ ket nangrugi nga agparang kadakuada ti dayag ni Jehova.+  Idin ni Jehova nagsao ken Moises, a kunkunana:  “Alaem ti sarukod+ ket ayabam nga agsangsangkamaysa ti gimong, sika ken ni Aaron a kabsatmo, ket agsaokayto iti napasdok a bato iti imatangda tapno pudno nga itedna koma ti danumna; ket mangparuarkanto iti danum maipaay kadakuada manipud napasdok a bato ket painumem ti gimong ken dagiti animalda a pagtrabaho.”+  Gapuna innala ni Moises ti sarukod manipud sanguanan ni Jehova,+ kas iti imbilinna kenkuana. 10  Kalpasan dayta da Moises ken Aaron inayabanda nga agsangsangkamaysa ti kongregasion iti sanguanan ti napasdok a bato, ket kinunana kadakuada: “Dumngegkayo, ita, dakayo a rebelde!+ Manipud kadi itoy a napasdok a bato a mangparuarkami iti danum maipaay kadakayo?”+ 11  Gapuna intag-ay ni Moises ti imana ket kinabilna iti mamindua ti napasdok a bato babaen ti sarukodna; ket nangrugi a rummuar ti adu a danum, ket nangrugi nga uminum ti gimong ken dagiti animalda a pagtrabaho.+ 12  Idi agangay kinuna ni Jehova kada Moises ken Aaron: “Gapu ta dikay nangiparangarang iti pammati kaniak tapno santipikarendak+ iti imatang ti annak ti Israel, gapuna saanyonto nga ipan daytoy a kongregasion iti daga a sigurado nga itedko kadakuada.”+ 13  Dagitoy ti dandanum ti Meriba,+ agsipud ta ti annak ti Israel nakiririda ken Jehova, iti kasta isu nasantipikar iti tengngada. 14  Kalpasanna nangibaon ni Moises kadagiti mensahero manipud Cades a mapan iti ari ti Edom:+ “Daytoy ti kinuna ti kabsatmo nga Israel,+ ‘Sika pagaammom unay ti isuamin a pakarigatan a dimteng kadakami.+ 15  Ket dagiti ammami simmalogda iti Egipto,+ ket nagtultuloykami nga agnaed idiay Egipto iti adu nga aldaw;+ ket dagiti Egipcio nangrugida a mangdangran kadakami ken kadagiti ammami.+ 16  Kamaudiananna imkiskami ken Jehova+ ket nangngegna ti timekmi ket nangibaon iti maysa nga anghel+ ket inruarnakami manipud Egipto; ket addakami ditoy Cades, maysa a siudad iti ungto ti teritoriam. 17  Bay-annakami a lumasat, pangngaasim, iti dagam. Saankamto a lumasat iti talon wenno iti kaubasan, ket saankamto nga uminum iti danum ti maysa a bubon. Lumasatkamto iti dalan ti ari.+ Saankamto a bumaw-ing iti makannawan wenno iti makannigid,+ agingga a makalasatkami iti teritoriam.’” 18  Nupay kasta, kinuna kenkuana ti Edom: “Dika lumasat kaniak, ta amangan no rummuarak a sikakampilan a sumabet kenka.” 19  Kinuna kenkuana ti annak ti Israel kalpasanna: “Sumang-atkamto a dumalan iti kangrunaan a kalsada; ket no siak ken dagiti dinguenko uminumkami iti danummo, pudno unay nga itedko met ti pategna.+ Awanen ti kayatko no di ti lumasatak kadagiti sakak.”+ 20  Kaskasdi kinunana: “Dika lumasat.”+ Gapuna rimmuar ti Edom+ a sumabat kenkuana buyogen ti nakaad-adu a tattao ken maysa a napigsa nga ima. 21  Ngarud nagkitakit ti Edom a mamalubos iti Israel a lumasat iti teritoriana.+ Ngarud immadayo kenkuana ti Israel.+ 22  Ket ti annak ti Israel, ti intero a gimong, nagluasda manipud Cades+ ket dimtengda iti Bantay Hor.+ 23  Idin sinao daytoy ni Jehova kada Moises ken Aaron idiay Bantay Hor iti abay ti ketegan ti daga ti Edom: 24  “Maitiponto ni Aaron kadagiti kailianna,+ ta saanto a sumrek iti daga a sigurado nga itedko iti annak ti Israel, iti daga a nagrebeldeanyo iti bilinko maipapan iti dandanum ti Meriba.+ 25  Alaem ni Aaron ken ni Eleazar nga anakna ket isang-atmo ida iti Bantay Hor. 26  Ket uksobam ni Aaron kadagiti kawesna,+ ket kawesamto kadagita ni Eleazar+ nga anakna; ket ni Aaron maitiponto ken masapul a matay sadiay.”+ 27  Gapuna inaramid ni Moises kas iti imbilin ni Jehova; ket iti imatang ti intero a gimong immulida iti Bantay Hor. 28  Kalpasanna ni Moises inuksobanna ni Aaron kadagiti kawesna ket kinawesanna kadagita ni Eleazar nga anakna, a kalpasan dayta natay ni Aaron sadiay iti tapaw ti bantay.+ Ket simmalog da Moises ken Eleazar iti bantay. 29  Ket nakita ti intero a gimong a nauyosen ti biag ni Aaron, ket ti intero a balay ti Israel nagtultuloy a nagsangit gapu ken Aaron iti tallopulo nga aldaw.+

Footnotes