Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Numeros 18:1-32

18  Ket ni Jehova kinunana ken Aaron: “Sika ken ti annakmo ken ti balay ni amam a maikuyog kenka manungsungbatkayto iti biddut maikaniwas iti santuario,+ ket sika ken ti annakmo a maikuyog kenka manungsungbatkayto iti biddut maikaniwas iti kinapadiyo.+  Ket iyasidegmo met kenka ti kakabsatmo iti tribu ni Levi, ti puli ni amam, tapno maitiponda kenka ken makapagserbida kenka,+ agpadpada kenka ken iti annakmo a kaduam, iti sanguanan ti tolda ti Pammaneknek.+  Ket masapul a salimetmetanda ti pagrebbenganda kenka ken ti pagrebbenganda iti intero a tolda.+ Isuna laeng ta saandanto nga umasideg kadagiti aruaten ti nasantuan a disso ken iti altar tapno saanda a matay,+ isuda wenno uray dakayo.  Ket masapul a maitiponda kenka ken masapul a salimetmetanda ti pagrebbenganda iti tolda ti gimong no maipapan iti isuamin a panagserbi ti tolda, ket awan koma ti sangsangaili nga umasideg kadakayo.+  Ket masapul a salimetmetanyo ti pagrebbenganyo iti nasantuan a disso+ ken ti pagrebbenganyo iti altar,+ tapno awan ti mapasamak a kanayonan a rurod+ maibusor iti annak ti Israel.  Ket siak, adtoy! innalak ti kakabsatyo, dagiti Levita, manipud iti annak ti Israel,+ kas maysa a sagut kadakayo,+ kas dagidiay naipaay ken Jehova a mangaramid ti panagserbi iti tolda ti gimong.+  Ket sika ken ti annakmo a kaduam rebbeng a saluadanyo ti kinapadiyo no maipapan ti tunggal adda pakainaiganna iti altar ken no maipapan ti adda iti uneg ti kortina;+ ket masapul a mangipaaykayo iti panagserbi.+ Kas maysa a panagserbi a sagut itedkonto ti kinapadiyo, ket ti sangsangaili nga umasideg rebbeng a mapapatay.”+  Ket ni Jehova nagsao pay ken Aaron: “No maipapan kaniak, adtoy! intedko kenka ti panangaywan kadagiti kontribusion a naipaay kaniak.+ Iti amin a nasantuan a bambanag ti annak ti Israel intedko ida kenka ken iti annakmo kas bingay, kas sustento agingga iti tiempo a di nakedngan.+  Rebbeng nga agbalin a kukuam daytoy manipud iti kasasantuan a bambanag, manipud iti naipuor a daton, tunggal datonda agraman ti tunggal datonda a bukbukel+ ken tunggal datonda gapu iti basol+ ken tunggal datonda gapu iti babak,+ nga isublidanto kaniak. Kasasantuan a banag dayta kenka ken iti annakmo. 10  Rebbeng a kanem dayta iti kasasantuan a disso.+ Tunggal lalaki rebbeng a kanenna dayta.+ Rebbeng nga agbalin a nasantuan a banag kenka.+ 11  Ket daytoy ti kukuam: ti kontribusion+ iti sagutda agraman amin dagiti mailili a daton+ ti annak ti Israel. Intedko ida kenka ken iti annakmo a lallaki ken iti annakmo a babbai a kaduam,+ kas sustento agingga iti tiempo a di nakedngan. Tunggal maysa a nadalus iti balaymo mabalinna a kanen dayta.+ 12  “Isuamin a kasayaatan ti lana ken isuamin a kasayaatan ti baro nga arak ken ti bukbukel, ti umuna a bungbungada,+ nga iteddanto ken Jehova, intedko ida kenka.+ 13  Dagiti umuna a naluom a bunga ti isuamin nga adda iti dagada, nga iyegdanto ken Jehova, rebbeng nga agbalin a kukuam.+ Tunggal maysa a nadalus iti balaymo mabalinna a kanen dayta. 14  “Tunggal naikeddengen a banag iti Israel rebbeng nga agbalin a kukuam.+ 15  “Isuamin a manglukat iti aanakan,+ ti tunggal kita ti lasag, nga idatagdanto ken Jehova, kadagiti tao ken kadagiti animal, rebbeng nga agbalin a kukuam. Nupay kasta, di bumurong a subbotem ti inauna ti sangatauan;+ ket ti inauna ti narugit nga animal rebbeng a subbotem.+ 16  Ket babaen ti gatad ti pannubbot iti dayta manipud maysa a bulanna nga agpatpatuloy rebbeng a subbotem dayta, babaen ti napattapatta a pateg, lima a siklo a pirak iti siklo ti nasantuan a disso.+ Duapulo a gera dayta.+ 17  Ti laeng inauna a toro wenno inauna a kalakian a kordero wenno inauna a kalding ti saanmo a subboten.+ Nasantuanda a banag. Ti darada+ rebbeng nga iwarsim iti rabaw ti altar, ket ti tabada rebbeng a pagasukem kas naipuor a daton a maipaay a makabang-ar a sayamusom ken Jehova.+ 18  Ket ti lasagda rebbeng nga agbalin a kukuam. Kas ti barukong ti daton a mailili ken kas ti makannawan a luppo, rebbeng nga agbalin a kukuam.+ 19  Amin dagiti nasantuan a kontribusion,+ nga ikontribusionto ken Jehova ti annak ti Israel, intedko kenka ken iti annakmo a lallaki ken iti annakmo a babbai a kaduam, kas sustento agingga iti tiempo a di nakedngan.+ Maysa dayta a tulag ti asin agingga iti tiempo a di nakedngan iti sanguanan ni Jehova maipaay kenka ken iti kaputotam a kaduam.”+ 20  Ket ni Jehova kinunana ken Aaron: “Iti dagada saankanto a maaddaan iti tawid, ket awanto ti binglay nga agbalin a kukuam iti tengngada.+ Siak ti binglaymo ken tawidmo iti tengnga ti annak ti Israel.+ 21  “Ket iti annak ni Levi, adtoy! intedko ti tunggal apagkapullo+ iti Israel kas tawid a supapak ti panagserbida nga ar-aramidenda, ti panagserbi iti tolda ti gimong. 22  Ket ti annak ti Israel saanda koma nga umasidegen iti tolda ti gimong tapno agaramidda iti basol iti kasta matayda.+ 23  Ket dagiti mismo a Levita masapul nga aramidenda ti panagserbi iti tolda ti gimong, ket isuda ti manungsungbat iti biddutda.+ Maysa a paglintegan agingga iti tiempo a di nakedngan bayat dagiti kaputotanyo a saanda nga agikut iti tawid iti tengnga ti annak ti Israel.+ 24  Ta ti apagkapullo ti annak ti Israel, nga ikontribusiondanto ken Jehova kas maysa a kontribusion, intedko kadagiti Levita kas tawid. Dayta ti makagapu a kinunak kadakuada, ‘Iti tengnga ti annak ti Israel saanda nga agikut iti tawid.’”+ 25  Kalpasanna ni Jehova nagsao ken Moises, a kunkunana: 26  “Ket rebbeng nga agsaoka kadagiti Levita, ket masapul a kunaem kadakuada, ‘Awatenyonto iti annak ti Israel ti apagkapullo nga intedko kadakayo manipud kadakuada a maipaay a tawidyo,+ ket masapul a mangikontribusionkayo manipud iti dayta kas kontribusion ken Jehova iti apagkapullo ti apagkapullo.+ 27  Ket maibilangto dayta kadakayo kas kontribusionyo, kasla iti bukel iti pagirikan+ ken kasla iti intero a napataud iti pagpespesan iti arak wenno lana. 28  Iti kastoy a wagas dakayo met mangikontribusionkayto iti kontribusion ken Jehova manipud kadagiti amin nga apagkapulloyo nga awatenyonto iti annak ti Israel, ket manipud kadakuada masapul nga itedyo ken Aaron a padi ti kontribusion ken Jehova. 29  Manipud iti amin a sagsagut kadakayo, mangikontribusionkayto iti tunggal kita ti kontribusion ken Jehova, iti kasayaatan iti dayta,+ kas maysa a nasantuan a banag manipud kadakuada.’ 30  “Ket masapul a kunaem kadakuada, ‘No ikontribusionyo ti kasayaatan kadakuada,+ ngarud sigurado a maibilangto kadagiti Levita kas napataud iti pagirikan ken kas napataud iti pagpespesan iti arak wenno lana. 31  Ket masapul a kanenyo dayta iti tunggal disso, dakayo ken ti sangakabbalayanyo, agsipud ta isu ti tangdanyo kas supapak ti panagserbiyo iti tolda ti gimong.+ 32  Ket dikay agaramid iti basol gapu iti dayta inton ikontribusionyo ti kasayaatan manipud kadakuada, ket dikay tabbaawan dagiti nasantuan a banag ti annak ti Israel, tapno saankayo a matay.’”+

Footnotes