Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Numeros 17:1-13

17  Ni Jehova nagsao ita ken Moises, a kunkunana:  “Agsaoka iti annak ti Israel ket mangalaka kadakuada iti maysa a sarukod+ a maipaay iti tunggal balay dagiti amma manipud kadagiti amin a panguluenda,+ sigun iti balay dagiti ammada, sangapulo ket dua a sarukod. Isuratmonto ti nagan ti tunggal maysa iti sarukodna.  Ket ti nagan ni Aaron isuratmonto iti sarukod ni Levi, agsipud ta adda maysa a sarukod maipaay iti pannakaulo ti balay dagiti ammada.  Ket masapul nga idulinmo ida iti tolda ti gimong iti sanguanan ti Pammaneknek,+ a sadiay ti kanayon a pagparangak kadakayo.+  Ket mapasamakto a ti tao a piliek,+ agsaringitto ti sarukodna, ket pudno unay a pagtalnaekto iti ibubusor kaniak dagiti panagtanabutob+ ti annak ti Israel, nga itantanabutobda maibusor kadakayo.”+  Gapuna nagsao ni Moises iti annak ti Israel, ket amin dagiti panguluenda nagitedda kenkuana iti sarukod maipaay iti tunggal panguluen, maysa a sarukod maipaay iti tunggal panguluen, sigun iti balay dagiti ammada, sangapulo ket dua a sarukod;+ ket ti sarukod ni Aaron adda idi kadagiti sarukodda.+  Kalpasanna indulin ni Moises dagiti sarukod iti sanguanan ni Jehova iti tolda ti Pammaneknek.+  Ket naaramid iti sumaganad nga aldaw nga idi simrek ni Moises iti tolda ti Pammaneknek, adtoy! nagsaringit ti sarukod ni Aaron a maipaay iti balay ni Levi, ket agbusbusel idi ken agsabsabong ken agbungbunga kadagiti naluom nga almendro.  Idin inruar ni Moises dagiti amin a sarukod manipud iti sanguanan ni Jehova nga impanna iti amin nga annak ti Israel, ket kinitada ken innalada tunggal lalaki ti bukodna a sarukod. 10  Kalpasanna ni Jehova kinunana ken Moises: “Isublim ti sarukod ni Aaron+ iti sanguanan ti Pammaneknek kas maysa a banag a masalimetmetan a maipaay a pagilasinan+ iti annak ti kinarebelioso,+ tapno agsardeng ti panagtanabutobda a maibusor kaniak, iti kasta saanda a matay.” 11  Madagdagus nga inaramid ni Moises kas iti imbilin kenkuana ni Jehova. Inaramidna ti kasta met laeng. 12  Ket rinugian ti annak ti Israel a kunaen daytoy ken Moises: “Ita naikeddeng a mauyos ti biagmi, naikeddeng a madadaelkami, dakami amin naikeddeng a madadaelkami.+ 13  Asinoman nga umadani,+ nga umasideg iti tabernakulo ni Jehova, matayto!+ Masapul kadi a manungpalkami iti kasta a pannakauyos ti biag?”+

Footnotes