Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Numeros 14:1-45

14  Idin impigsa ti intero a gimong ti timekda, ket nagtultuloy dagiti umili a nangyesngaw iti timekda ken nagsangsangit+ iti intero dayta a rabii.  Ket nangrugi nga agtanabutob dagiti amin nga annak ti Israel maibusor kada Moises ken Aaron,+ ket rinugian a kunaen ti intero a gimong maibusor kadakuada: “Nataykami koma laengen idiay daga ti Egipto, wenno nataykami koma laengen iti daytoy a let-ang!  Ket apay nga iyegnakami ni Jehova iti daytoy a daga tapno mapasagkami babaen ti kampilan?+ Dagiti assawami ken dagiti ubbingmi agbalindanto a samsam.+ Saan aya a nasaysayaat nga agsublikami idiay Egipto?”+  Kinunkunada pay iti maysa ken maysa: “Mangdutoktayo iti pannakaulo, ket agsublitayo idiay Egipto!”+  Gapu itoy inrukob da Moises ken Aaron dagiti rupada+ iti sanguanan ti intero a kongregasion ti gimong ti annak ti Israel.  Ket ni Josue nga anak ni Nun+ ken ni Caleb nga anak ni Jefune,+ isuda a naikadua kadagidiay nangsimisim iti daga, rinay-abda dagiti kawesda,+  ket sinaoda daytoy iti intero a gimong ti annak ti Israel: “Ti daga a linasatmi a simisimen ket nakasaysayaat unay a daga.+  No naragsakan kadatayo+ ni Jehova, ngarud sigurado nga iyegnatayto iti daytoy a daga ket itedna kadatayo, maysa a daga a pagay-ayusan ti gatas ken diro.+  Isuna laeng ta dikay agrebelde ken Jehova;+ ket dakayo, dikay agbuteng kadagiti umili ti daga,+ ta tinapayda kadatayo. Ti pagsalinonganda pimmanaw iti ngatuenda,+ ket ni Jehova adda kadatayo.+ Dikay agbuteng kadakuada.”+ 10  Nupay kasta, nagsasaritaan ti intero a gimong nga uborenda ida iti batbato.+ Ket ti dayag ni Jehova nagparang iti tolda ti gimong iti amin nga annak ti Israel.+ 11  Kamaudiananna ni Jehova kinunana ken Moises: “Kasanonto kabayag+ a saannak a raemen daytoy nga ili,+ ket kasanonto kabayag nga awananda iti pammati kaniak kadagiti amin a pagilasinan nga inaramidko iti tengngada?+ 12  Bay-am a kabilek ida iti angol ken pagtalawek ida, ket bay-am a pagbalinenka a maysa a nasion a dakdakkel ken nabilbileg ngem isuda.”+ 13  Ngem ni Moises kinunana ken Jehova: “No kasta siguradonto a mangngeg dagiti Egipcio a sika babaen ti pannakabalinmo impanawmo daytoy nga ili iti tengngada.+ 14  Ket sigurado nga ibagadanto dayta kadagiti agnanaed itoy a daga. Nangngegda a sika ni Jehova iti tengnga daytoy nga ili,+ a nagparang a rupanrupa.+ Sika ni Jehova, ket ti ulepmo agtaltalinaed iti ngatuenda, ket mapanka iti sanguananda iti munmon nga ulep iti aldaw ken iti munmon nga apuy iti rabii.+ 15  No papatayem daytoy nga ili a kasla maymaysa a tao,+ ngarud dagiti nasion a nakangngeg iti panagdindinamagmo sigurado a kunaenda daytoy, 16  ‘Gapu ta saan a kabaelan ni Jehova nga ipan daytoy nga ili iti daga a maipapan iti dayta isu nagsapata kadakuada ginudasna ida iti let-ang.’+ 17  Ket ita, pangngaasim, agbalin koma a naindaklan ti pannakabalinmo,+ O Jehova, kas iti sinaom, a kinunam, 18  ‘Ni Jehova, nabannayat nga agunget+ ken naruay iti naayat a kinamanangngaasi,+ mamakawan iti biddut ken salungasing,+ ngem saan a pulos mangipaay iti panangilaksid iti pannakadusa,+ gapu iti biddut ti amma mangyeg iti pannusa iti annak, iti maikatlo a kaputotan ken iti maikapat a kaputotan.’+ 19  Pakawanem, pangngaasim, ti biddut daytoy nga ili maitunos iti kinadakkel ti naayat a kinamanangngaasim, ken kas iti panangpakawanmo itoy nga ili manipud Egipto nga agtultuloy agingga ita.”+ 20  Idin kinuna ni Jehova: “Pakawanek maitunos iti saom.+ 21  Ket, iti sabali a bangir, kas sibibiagak, ti intero a daga mapnonto iti dayag ni Jehova.+ 22  Ngem amin dagiti tattao a nakakita iti dayagko+ ken kadagiti pagilasinak+ nga inaramidko idiay Egipto ken iti let-ang ket kaskasdi a sinubsubokdak+ kadagitoy sangapulo a daras, ket saanda nga immimdeng iti timekko,+ 23  saandanto a pulos makita ti daga a maipapan iti dayta nagsapataak kadagiti ammada, wen, amin dagidiay saan a nangraem kaniak saandanto a makita dayta.+ 24  No maipapan ken adipenko a Caleb,+ agsipud ta naiduma nga espiritu ti adda kenkuana ken sinursurotnak a naan-anay,+ sigurado nga iyegkonto iti daga a napananna, ket tagikuaento dagiti putotna.+ 25  Bayat a dagiti Amalekita ken dagiti Canaanita+ agnanaedda iti nababa a tanap, agbaw-ingkayo inton bigat ket agluaskayo nga agmartsa nga agturong iti let-ang a dumalan iti Nalabaga a Baybay.”+ 26  Ket nagsao ni Jehova kada Moises ken Aaron, a kunkunana: 27  “Kasanonto kabayag daytoy ar-aramiden a panagtanabutob maibusor kaniak daytoy dakes a gimong?+ Nangngegko dagiti panagtanabutob ti annak ti Israel nga itantanabutobda maibusor kaniak.+ 28  Sawem kadakuada, ‘“Kas sibibiagak,” kuna ni Jehova, “no saankonto nga aramiden kadakayo kas iti wagas a sinaoyo kadagiti lapayagko!+ 29  Iti daytoy a let-ang mapasagto dagiti bangkayyo,+ wen, amin dagidiay naipasalista kadakayo iti isuamin a bilangyo manipud duapulo ti tawenna nga agpangato, dakayo a nagtanabutob maibusor kaniak.+ 30  No maipapan kadakayo, saankayto a sumrek iti daga a nangitag-ayak iti imak+ iti panagsapata a makipagtaengak kadakayo, malaksid ken Caleb nga anak ni Jefune ken ni Josue nga anak ni Nun.+ 31  “‘“Ket dagiti ubbingyo a kinunayo nga agbalin a samsam,+ dagitoy met sigurado nga iserrekkonto, ket pudno a maammuandanto ti daga a linaksidyo.+ 32  Ngem dagiti met laeng bangkayyo mapasagto itoy a let-ang.+ 33  Ket ti annakyo agbalinto a papastor iti let-ang+ iti uppat a pulo a tawen, ket kasapulan a manungsungbatdanto kadagiti aramidyo a pannakiabig,+ agingga a dagiti bangkayyo agngudoda iti let-ang.+ 34  Babaen ti bilang dagiti aldaw a panagsimisimyo iti daga, uppat a pulo nga aldaw,+ maysa nga aldaw maipaay iti maysa a tawen, maysa nga aldaw maipaay iti maysa a tawen,+ manungsungbatkayto kadagiti biddutyo iti uppat a pulo a tawen,+ ta masapul a maammuanyo no ania ti kaipapanan ti pannakaisinak.+ 35  “‘“Siak ni Jehova sinaok no saan a daytoy ti aramidek iti isuamin daytoy a dakes a gimong,+ dagidiay a naguurnong a sangsangkamaysa maibusor kaniak: Iti daytoy a let-ang agngudodanto, ket mataydanto sadiay.+ 36  Ket dagiti lallaki nga imbaon ni Moises a mangsimisim iti daga ken isuda nga, idi nagsublida, nangrugi a namagtanabutob iti intero a gimong maibusor kenkuana, babaen ti panangyegda iti dakes a damag maibusor iti daga,+ 37  wen, dagiti lallaki a nangyeg iti dakes a damag maipapan iti daga mataydanto babaen ti pannaplit iti sanguanan ni Jehova.+ 38  Ngem ni Josue nga anak ni Nun ken ni Caleb nga anak ni Jefune sigurado nga agtultuloydanto nga agbiag, kadagidiay lallaki a napan nangsimisim iti daga.”’”+ 39  Idi sinao ni Moises dagitoy a sasao iti amin nga annak ti Israel, idin nangrugi dagiti umili nga agleddaang iti kasta unay.+ 40  Mainayon pay, bimmangonda a nasapa iti bigat ket pinadasda ti sumang-at iti tapaw ti bantay, a kunkunada: “Adtoykami, ket kasapulan a sumang-atkami iti disso a dinakamat ni Jehova. Ta nagbasolkami.”+ 41  Ngem kinuna ni Moises: “Apay a lumbeskayo iti bilin ni Jehova?+ Idinto ta saanto nga agballigi dayta. 42  Dikay sumang-at, agsipud ta awan ni Jehova iti tengngayo, tapno saankayo a maabak iti sanguanan dagiti kabusoryo.+ 43  Ta dagiti Amalekita ken dagiti Canaanita addada dita sanguananyo;+ ket sigurado a mapasagkayo babaen ti kampilan, agsipud ta, iti rason a timmallikudkayo manipud isusurot ken Jehova, saanto nga agtalinaed kadakayo ni Jehova.”+ 44  Nupay kasta, nagdursokda a sumang-at iti tapaw ti bantay,+ ngem ti lakasa ti tulag ni Jehova ken ni Moises saan a pimmanaw iti tengnga ti pakarso.+ 45  Idin simmalog dagiti Amalekita+ ken dagiti Canaanita nga agnanaed idi iti dayta a bantay ket rinugianda a kinabil ida ket winarawarada ida agingga iti Horma.+

Footnotes