Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Numeros 12:1-16

12  Ita nangrugi nga agsao da Miriam ken Aaron maibusor ken Moises maigapu iti Cusita nga asawa nga innalana, gapu ta Cusita nga asawa ti innalana.+  Ket kinunkunada: “Babaen laeng aya ken Moises a nagsao ni Jehova? Saan aya a babaen met kadata nga isu nagsao?”+ Ket agim-imdeng idi ni Jehova.+  Ket ti lalaki a ni Moises isu idi ti kaemmaan+ pay laeng iti amin a tattao nga adda iti rabaw ti daga.  Idin dagus a kinuna ni Jehova kada Moises ken Aaron ken Miriam: “Rummuarkayo, dakayo a tallo, a mapan iti tolda ti gimong.” Gapuna isuda a tallo rimmuarda.  Kalpasan dayta bimmaba ni Jehova iti munmon nga ulep+ ket nagtakder iti pagserkan ti tolda ket inayabanna da Aaron ken Miriam. Gapu itoy isuda a dua rimmuarda.  Ket kinunana: “Denggenyo ti sasaok, pangngaasiyo. No adda koma mammadtoyo a maipaay ken Jehova, iti sirmata+ ipakaammok kenkuana ti bagik. Iti tagtagainep+ agsaoak kenkuana.  Saan a kasta ken adipenko a Moises!+ Naitalek kenkuana ti intero a balayko.+  Makisaoak kenkuana iti ngiwanngiwat,+ iti kasta iparangarangko kenkuana, ket saan a babaen kadagiti burburtia;+ ket ti langa ni Jehova ti makitana.+ Apay, ngarud, a dikay nagbuteng nga agsao maibusor iti adipenko, maibusor ken Moises?”+  Ket bimmara ti unget ni Jehova kadakuada, ket isu pimmanaw. 10  Ket immadayo ti ulep manipud rabaw ti tolda, ket, adtoy! ni Miriam nagkukutel iti kapurpuraw ti niebe.+ Idin ni Aaron bimmaw-ing ken Miriam, ket, adtoy! agkukutelen.+ 11  Dagus a ni Aaron kinunana ken Moises: “Dispensarennak, apok! Pangngaasim, dika ipabiang kadakami ti basol a nagtignayanmi a simamaag ken inaramidmi!+ 12  Pangngaasim, dika bay-an nga isu agtultuloy a kas iti natay,+ a naibus ti kagudua ti lasagna iti tiempo ti iruruarna iti aanakan ti inana!” 13  Ket ni Moises nangrugi nga agpukkaw ken Jehova, a kunkunana: “O Dios, pangngaasim! Paimbagem, pangngaasim!”+ 14  Idin ni Jehova kinunana ken Moises: “No koma tinupraan+ ni amana ti mismo a rupana, saan kadi a maipababa iti pito nga aldaw? Makuarentinas+ koma iti pito nga aldaw iti ruar ti pakarso,+ ket kalpasanna mapastrek.”+ 15  Iti kasta nakuarentinas ni Miriam iti ruar ti pakarso iti pito nga aldaw,+ ket saan a nagluas dagiti umili agingga a napastrek ni Miriam. 16  Ket kalpasanna nagluas dagiti umili manipud Hazerot+ ket nagpakarsoda iti let-ang ti Paran.+

Footnotes