Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Numeros 10:1-36

10  Ket ni Jehova nagsao ken Moises, a kunkunana:  “Mangaramidka maipaay kenka iti dua a trumpeta+ a pirak. Aramidem ida nga aramid a pinitpit, ket masapul a sidadaanda nga aramatem iti panangummong+ iti gimong ken iti panangrakrak kadagiti pakarso.  Ket masapul a puyotenda ida nga agpadpada, ket masapul a salimetmetan ti intero a gimong ti tulagan a pannakisinnarak kenka idiay pagserkan ti tolda ti gimong.+  Ket no maysa laeng ti puyotenda, masapul met a salimetmetan dagiti panguluen kas pannakaulo ti rinibu ti Israel ti tulagan a pannakisinnarak kenka.+  “Ket masapul a mangpuyotkayo iti agbaliwbaliw nga uni, ket masapul nga agluas dagiti pakarso dagidiay nakapakarso iti daya.+  Ket masapul a mangpuyotkayo iti agbaliwbaliw nga uni iti maikadua a daras, ket masapul nga agluas dagiti pakarso dagidiay sipapakarso iti abagatan.+ Rebbeng a mangpuyotda iti agbaliwbaliw nga uni kada agluas ti maysa kadakuada.  “Ita no ayabam a sangsangkamaysa ti kongregasion, rebbeng a mangpuyotkayo,+ ngem dikay mangpaguni iti agbaliwbaliw nga uni.  Ket ti annak ni Aaron, ti papadi, rebbeng a puyotenda dagiti trumpeta,+ ket ti panangusar kadakuada masapul nga agserbi kas paglintegan a maipaay kadakayo agingga iti tiempo a di nakedngan bayat dagiti kaputotanyo.  “Ket no kas pagarigan sumrekkayo iti gubat iti dagayo maibusor iti manangirurumen a mangrirriribuk kadakayo,+ masapul met a mangpagunikayo iti awag ti gubat kadagiti trumpeta,+ ket siguradonto a maipalagipkayo iti sanguanan ni Jehova a Diosyo ket maisalakankayo kadagiti kabusoryo.+ 10  “Ket iti aldaw ti panagrag-oyo+ ken kadagiti panawen ti piestayo+ ken kadagiti panangrugi ti bulbulanyo,+ masapul a puyotenyo dagiti trumpeta iti ngatuen dagiti mapuoran a datonyo+ ken dagiti pakikaykaysa a sakripisioyo;+ ket ti usarda masapul nga agserbi a pakalaglagipan maipaay kadakayo iti sanguanan ti Diosyo. Siak ni Jehova a Diosyo.”+ 11  Ita naaramid nga iti maikadua a tawen, iti maikadua a bulan, idi maikaduapulo nga aldaw ti bulan,+ ti ulep nagpangato manipud rabaw ti tabernakulo+ ti Pammaneknek. 12  Ket nangrugi nga agluas ti annak ti Israel iti pamay-an a kas kadagiti ipapanawda+ iti let-ang ti Sinai, ket ti ulep nagtaeng iti let-ang ti Paran.+ 13  Ket nagluasda iti umuna a gundaway, maitunos iti bilin ni Jehova babaen ken Moises.+ 14  Gapuna umuna iti amin a nagluas ti tallo a tribu a benneg ti pakarso ti annak ni Juda sigun kadagiti buyotda,+ ket ni Naason+ nga anak ni Aminadab isu idi ti mangay-aywan iti buyot dayta. 15  Ket kas mangaywan iti buyot ti tribu ti annak ni Isacar adda idi ni Netanel+ nga anak ni Zuar. 16  Ket kas mangaywan iti buyot ti tribu ti annak ni Zabulon adda idi ni Eliab nga anak ni Helon.+ 17  Ket naakas ti tabernakulo,+ ket nagluas ti annak ni Gerson+ ken ti annak ni Merari+ kas agaw-awit iti tabernakulo. 18  Ket nagluas ti tallo a tribu a benneg ti pakarso ni Ruben+ sigun kadagiti buyotda, ket ni Elizur+ nga anak ni Sedeur isu idi ti mangay-aywan iti buyot dayta. 19  Ket kas mangaywan iti buyot ti tribu ti annak ni Simeon+ adda idi ni Selumiel+ nga anak ni Zurisadai. 20  Ket kas mangaywan iti buyot ti tribu dagiti annak ni Gad adda idi ni Eliasaf+ nga anak ni Deuel. 21  Ket nagluas dagiti Cohatita kas agaw-awit iti santuario,+ ta naipasdekdanton ti tabernakulo iti tiempo ti idadatengda. 22  Ket nagluas ti tallo a tribu a benneg ti pakarso ti annak ni Efraim+ sigun kadagiti buyotda, ket ni Elisama+ nga anak ni Amihud isu idi ti mangay-aywan iti buyot dayta. 23  Ket kas mangaywan iti buyot ti tribu ti annak ni Manases+ adda idi ni Gamaliel+ nga anak ni Pedazur. 24  Ket kas mangaywan iti buyot ti tribu ti annak ni Benjamin+ adda idi ni Abidan+ nga anak ni Gideoni. 25  Ket nagluas ti tallo a tribu a benneg ti pakarso ti annak ni Dan+ kas mangbukel iti guardia iti likudan+ maipaay iti amin a pakarso sigun kadagiti buyotda, ket ni Ahiezer+ nga anak ni Amisadai isu idi ti mangay-aywan iti buyot dayta. 26  Ket kas mangaywan iti buyot ti tribu ti annak ni Aser+ adda idi ni Pagiel+ nga anak ni Ocran. 27  Ket kas mangaywan iti buyot ti tribu ti annak ni Neftali+ adda idi ni Ahira+ nga anak ni Enan. 28  Kastoy a pamay-an dagiti ipapanaw ti annak ti Israel sigun kadagiti buyotda no agluasda.+ 29  Kalpasanna ni Moises kinunana ken Hobab nga anak ni Reuel+ a Midianita, ti katugangan-a-lalaki ni Moises: “Agluaskami nga agturong iti disso a maipapan iti dayta kinuna ni Jehova, ‘Itdekto kadakayo dayta.’+ Kumuyogka kadakami, ket sigurado nga agaramidkamto iti naimbag kenka,+ agsipud ta ni Jehova nagsao iti naimbag maipapan iti Israel.”+ 30  Ngem kinunana kenkuana: “Saanakto a kumuyog, no di ket mapanakto iti bukodko a pagilian+ ken kadagiti kabagiak.” 31  Gapu itoy kinunana: “Pangngaasim, saannakami a panawan, agsipud ta, iti rason a pagaammom unay no sadino ti mabalinmi a pagpakarsuan iti let-ang, agserbikanto a pannakamatami. 32  Ket mapasamakto a no kas pagarigan kumuyogka kadakami,+ wen, mapasamakto a no ania a kinaimbag ti aramidento kadakami ni Jehova, dakami, aramidenminto met ti naimbag kenka.” 33  Gapuna nagmartsada manipud iti bantay ni Jehova+ iti panagbaniaga a tallo nga aldaw, ket ti lakasa ti tulag ni Jehova+ agmarmartsa idi iti sanguananda iti panagbaniaga a tallo nga aldaw tapno agbirok iti lugar a paginanaanda.+ 34  Ket ti ulep ni Jehova+ adda idi iti ngatuenda iti aldaw iti panagmartsada manipud iti pakarso. 35  Ket mapasamak a no agrubbuat ti Lakasa, kunaen ni Moises: “Tumakderka, O Jehova, ket maiwarawara koma dagiti kabusormo;+ ket agtalaw koma iti sanguanam dagidiay nakaro ti pananggurada kenka.”+ 36  Ket no agsardeng dayta, kunaenna: “Agsublika, O Jehova, iti linaklaksa a rinibu ti Israel.”+

Footnotes