Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Nehemias 9:1-38

9  Ket iti maikaduapulo ket uppat nga aldaw daytoy a bulan+ naguurnong a sangsangkamaysa ti annak ti Israel buyogen ti panagayunar+ ken buyogen ti tinakpil+ ken rugit+ iti bagbagida.  Ket ti bin-i ti Israel insinada+ ti bagbagida kadagiti amin a ganggannaet,+ ket nagtakderda ken impudnoda+ dagiti bukodda a basol+ ken dagiti biddut ti ammada.+  Kalpasanna timmakderda iti dissoda+ ket nagbasada a sipipigsa manipud iti libro ti linteg+ ni Jehova a Diosda iti maysa nga apagkapat ti aldaw;+ ket iti maysa nga apagkapat nagpudnoda+ ken nagruknoyda ken Jehova a Diosda.+  Ket da Jesua ken Bani, Cadmiel, Sebanias, Bunni, Serebias,+ Bani ken Kenani timmakderda iti plataporma+ dagiti Levita ket buyogen ti natbag a timek+ imkisda ken Jehova a Diosda.  Ket dagiti Levita a da Jesua ken Cadmiel, Bani, Hasabnias, Serebias, Hodias, Sebanias ken Petaias kinunada: “Tumakderkayo, bendituenyo+ ni Jehova a Diosyo manipud tiempo a di nakedngan agingga iti tiempo a di nakedngan.+ Ket bendituenda koma ti nadayag a naganmo,+ a naitan-ok iti ngatuen ti isuamin a bendision ken pannakaidaydayaw.  “Siksika ti Jehova;+ sika met laeng inaramidmo ti langlangit,+ ti mismo a langit ti langlangit, ken ti isuamin a buyotda,+ ti daga+ ken ti isuamin nga adda iti rabawna,+ dagiti baybay+ ken ti isuamin nga adda kadakuada;+ ket taginayonem amin ida a sibibiag; ket agruknoy kenka ti buyot+ ti langlangit.  Sika ni Jehova a pudno a Dios, a nangpili ken Abram+ ken nangiruar kenkuana manipud Ur dagiti Caldeo+ ken nangituding iti naganna nga Abraham.+  Ket nasarakam a matalek ti pusona iti sanguanam;+ gapuna adda idi ti panangbukel iti tulag+ kenkuana nga itdem kenkuana ti daga dagiti Canaanita, dagiti Heteo, dagiti Amoreo ken dagiti Perizeo ken dagiti Jebuseo ken dagiti Girgaseo, tapno itdem dayta iti bin-ina;+ ket intungpalmo dagiti saom, agsipud ta nalintegka.+  “Gapuna nakitam+ ti pannakaparigat dagidi ammami idiay Egipto, ket ti ikkisda idiay Nalabaga a Baybay nangngegmo.+ 10  Kalpasanna nangipaayka kadagiti pagilasinan ken milagro maibusor ken Faraon ken kadagiti amin nga adipenna ken kadagiti amin nga umili iti dagana,+ ta ammom a nagtignayda a sidudursok+ maibusor kadakuada; ket nangaramidka iti nagan+ maipaay kenka kas itoy nga aldaw. 11  Ket ti baybay binisngaymo+ iti sanguananda, iti kasta bimmallasiwda iti tengnga ti baybay iti namaga a daga;+ ket dagiti mangkamkamat kadakuada impalladawmo kadagiti kaadalman+ a kas iti maysa a bato+ iti nabileg a dandanum.+ 12  Ket babaen iti maysa a munmon nga ulep inturongmo ida iti aldaw,+ ken babaen iti maysa a munmon nga apuy iti rabii,+ tapno lawagam+ kadakuada ti dalan a rebbeng a papananda. 13  Ket iti rabaw ti Bantay Sinai bimmabaka+ ken nakisaoka kadakuada manipud langit+ ket nangtedka kadakuada kadagiti nalinteg a hudisial a pangngeddeng+ ken linlinteg ti kinapudno,+ naimbag nga al-alagaden+ ken bilbilin.+ 14  Ket ti nasantuan a sabbathmo+ impakaammom kadakuada, ket ti bilbilin ken al-alagaden ken maysa a linteg imbilinmo kadakuada babaen ken Moises nga adipenmo.+ 15  Ket nangtedka kadakuada iti tinapay manipud langit maipaay iti bisinda,+ ken nangpataudka maipaay kadakuada iti dandanum manipud iti napasdok a bato maipaay iti wawda,+ ket kinunam kadakuada a sumrekda+ ken tagikuaenda ti daga a nangitayagam ta imam iti maysa a sapata tapno itedmo kadakuada.+ 16  “Ket isuda, dagidi mismo nga ammami, nagtignayda a sidudursok+ ket pinatangkenda ti lengngesda,+ ket saanda nga immimdeng kadagiti bilinmo. 17  Gapuna nagkitakitda nga umimdeng,+ ket saanda a linagip+ ti nakaskasdaaw nga ar-aramidmo nga inaramidmo kadakuada, no di ket pinatangkenda ti lengngesda+ ket nangdutokda iti maysa a pannakaulo+ tapno agsublida iti panagpaadipenda idiay Egipto. Ngem maysaka a Dios ti ar-aramid ti panangpakawan,+ managparabur+ ken naasi,+ nabannayat nga agunget+ ken naruay+ iti naayat a kinamanangngaasi, ket saanmo a pinanawan ida.+ 18  Wen, idi inyaramidanda ti bagbagida iti sinukog nga estatua ti kigaw a baka+ ken rinugianda a kunaen, ‘Daytoy ti Diosmo a nangipanaw kenka idiay Egipto,’+ ket nagaramidda iti dadakkel nga ar-aramid ti kinaawan panagraem, 19  sika, sika a mismo, iti naruay nga asim saanmo a pinanawan+ ida idiay let-ang. Ti met laeng munmon nga ulep saan a simmina iti ngatuenda iti aldaw tapno iturongna ida iti dalan,+ wenno uray ti munmon nga apuy iti rabii tapno lawaganna kadakuada ti dalan a rebbeng a papananda.+ 20  Ket ti naimbag nga espiritum+ intedmo tapno pagbalinem ida a manakem, ket ti mannam saanmo nga inkedked iti ngiwatda,+ ken nangtedka kadakuada iti danum maipaay iti wawda.+ 21  Ket iti uppat a pulo+ a tawen impaayam ida iti taraon idiay let-ang. Saanda a nagkurang iti aniaman.+ Dagiti mismo a kawesda saan a narunot,+ ket dagiti met laeng sakada saan a limteg.+ 22  “Ket inikkam ida iti pagpagarian+ ken il-ili, ket biningaybingaymo dagita iti sagtunggal paset;+ iti kasta tinagikuada ti daga ti Sihon,+ uray ti daga ti ari ti Hesbon,+ ken ti daga ni Og+ nga ari ti Basan.+ 23  Ket ti annakda pinagbalinmo a kas iti kaadu dagiti bituen ti langlangit.+ Kalpasanna inyegmo ida iti daga+ nga inkarim kadagidi ammada+ tapno sumrekda koma a mangtagikua. 24  Gapuna simrek ti annakda+ ket tinagikuada ti daga,+ ket pinarukmam+ iti sanguananda dagiti agnanaed iti daga, dagiti Canaanita,+ ket inyawatmo ida iti imada, uray ti ar-arida+ ken ti il-ili ti daga,+ tapno aramidem kadakuada ti maitunos iti kayatda.+ 25  Ket nangkautiboda kadagiti nasarikedkedan a siudad+ ken iti nataba a daga+ ket nangtagikuada iti balbalay a napno iti amin a naimbag a bambanag,+ kadagiti nakutkoten a pagurnongan ti danum,+ kadagiti naruay a kaubasan ken kaolibuan+ ken kaykayo a maipaay a taraon, ket nangrugida a mangan ken mapnek+ ken lumukmeg+ ken bumaludbod iti naindaklan a kinaimbagmo.+ 26  “Nupay kasta, simmukirda+ ket nagrebeldeda kenka+ ket impalpalladawda ti lintegmo iti likudanda,+ ket pinapatayda dagiti bukodmo a mammadto,+ a nangsaksi maibusor kadakuada tapno isublida ida kenka;+ ket nagar-aramidda iti ar-aramid ti dakkel a kinaawan panagraem.+ 27  Gapu itoy inyawatmo ida iti ima dagiti kalabanda,+ a nangparparigat kadakuada;+ ngem iti tiempo ti rigatda umkisda kenka,+ ket sika met laeng dumngegka manipud iti mismo a langlangit;+ ket maitunos iti naruay nga asim+ ipaayam ida kadagiti manangisalakan+ a mangisalakan kadakuada iti ima dagiti kabusorda.+ 28  “Ngem apaman nga agin-inanadan, aramidenda manen no ania ti dakes iti sanguanam,+ ket baybay-am ida iti ima dagiti kabusorda, a mangibaddebaddek kadakuada.+ Kalpasanna agsublida ken umasugda kenka maipaay iti tulong,+ ket sika met laeng dumngegka manipud iti mismo a langlangit+ ket ispalem ida maitunos iti naruay nga asim, a maulit-ulit.+ 29  Nupay mangsaksika+ maibusor kadakuada tapno isublim ida iti lintegmo,+ isuda nagtignayda pay a sidudursok+ ket saanda nga immimdeng kadagiti bilinmo; ket nagbasolda+ a maikaniwas kadagiti bukodmo a hudisial a pangngeddeng,+ a, no aramidento ti maysa a tao, isu agbiagto met babaen kadakuada.+ Ket nangisarsarangda iti nasungit nga abaga,+ ket pinatangkenda ti lengngesda,+ ket saanda nga immimdeng.+ 30  Ngem pinalpalugodam ida iti adu a tawen+ ket nangsaksaksika+ maibusor kadakuada iti espiritum babaen kadagiti mammadtom, ket saanda nga immimdeng.+ Kamaudiananna intedmo ida iti ima dagiti ili ti dagdaga.+ 31  Ket iti naruay nga asim saanmo a tinalipupos ida+ wenno binaybay-an+ ida; ta maysaka a Dios a managparabur+ ken naasi.+ 32  “Ket ita, O Diosmi, ti Dios a naindaklan,+ mannakabalin+ ken nakaam-amak,+ mangsalsalimetmet iti tulag+ ken naayat a kinamanangngaasi,+ saanmo a bay-an a ti isuamin a pakarigatan a nakasarak kadakami,+ iti ar-arimi,+ piprinsipemi+ ken papadimi+ ken mammadtomi+ ken kadagidi ammami+ ken iti isuamin nga ilim manipud iti al-aldaw ti ar-ari ti Asiria agingga itoy nga aldaw,+ agparangda a kasla bassit iti sanguanam.+ 33  Ket nalintegka+ no maipapan iti isuamin a dimteng kadakami, ta nagtignayka a simamatalek,+ ngem dakami dagidiay nagaramid a sidadangkes.+ 34  No maipapan iti ar-arimi, piprinsipemi, papadimi ken kadagidi ammami,+ saanda a tinungpal ti lintegmo,+ saanda met nga impangag dagiti bilinmo+ wenno dagiti pammaneknekmo a babaen kadagita nangsaksika+ maibusor kadakuada. 35  Ket isuda—bayat ti pagarianda+ ken iti baet ti naruay a naimbag a bambanagmo+ nga intedmo kadakuada ken iti nalawa ken nataba a daga+ a pinagbalinmo a madadaan nga agpaay kadakuada, saanda a nagserbi kenka+ ket saanda a timmallikud iti dakes nga ar-aramidda.+ 36  Adtoy! Ad-adipenkami ita nga aldaw;+ ket no maipapan iti daga nga intedmo kadagidi ammami tapno kanenda ti bungana ken ti naimbag a bambanagna, adtoy! ad-adipenkami iti dayta,+ 37  ket ti apitna umad-adu+ maipaay iti ar-ari+ nga insaadmo kadakami gapu iti basbasolmi,+ ket iturturayanda ti bagbagimi ken dagiti naamo nga animalmi, maitunos iti pagayatanda, ket addakami iti dakkel a tuok.+ 38  “Ngarud maigapu iti isuamin daytoy buklenmi ti maysa a mapagpiaran nga urnos,+ agpadpada a babaen ti panagsurat ken pinatalgedan ti selio+ dagiti prinsipemi, dagiti Levitami ken ti papadimi.”+

Footnotes