Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Nehemias 8:1-18

8  Ket amin dagiti umili naguurnongda a kasla maymaysa a tao+ idiay publiko a plasa+ nga adda idi iti sango ti Ruangan ti Danum.+ Idin kinunada ken Esdras+ a managkopia nga iyegna ti libro+ ti linteg ni Moises,+ nga imbilin ni Jehova iti Israel.+  Gapuna ni Esdras a padi+ inyegna ti linteg iti sanguanan ti kongregasion+ dagiti lallaki kasta met dagiti babbai ken dagiti amin nga umdas ti kinasariritna nga umimdeng,+ iti umuna nga aldaw ti maikapito a bulan.+  Ket intuloyna ti agbasa+ a sipipigsa manipud iti dayta iti sanguanan ti publiko a plasa nga adda iti sango ti Ruangan ti Danum, manipud pumarbangon+ agingga iti tengnga ti aldaw, iti sanguanan dagiti lallaki ken dagiti babbai ken dagidiay sabsabali pay a nasaririt; ket ti laplapayag+ dagiti amin nga umili siiimdeng+ idi iti libro ti linteg.  Ket ni Esdras a managkopia nagtalinaed a sitatakder iti rabaw ti maysa a pulpito a kayo,+ nga inaramidda maipaay iti dayta a pasamak; ket sitatakder idi iti sibayna da Matitias ken Sema ken Anaias ken Urias ken Hilkias ken Maasias iti makannawanna, ket iti makannigidna da Pedaias ken Misael ken Malkias+ ken Hasum+ ken Has-baddana, Zacarias ken Mesullam.  Ket linuktan+ ni Esdras ti libro iti imatang dagiti amin nga umili, ta isu adda idi iti ngatuen dagiti amin nga umili; ket bayat a lukluktanna idi dayta timmakder dagiti amin nga umili.+  Idin ni Esdras binenditona ni Jehova+ a pudno a Dios, Daydiay naindaklan, nga iti dayta insungbat dagiti amin nga umili, “Amen! Amen!”+ buyogen ti panangingato iti im-imada.+ Nagrukobda+ kalpasanna ket inruknoyda ti bagbagida ken Jehova a dagiti rupada dumanon iti daga.+  Ket da Jesua ken Bani ken Serebias,+ Jamin, Accub, Sabetai, Hodias, Maasias, Quelita, Azarias, Jozabad,+ Hanan, Pelaias,+ dagiti mismo a Levita, inlawlawagda ti linteg kadagiti umili,+ bayat a sitatakder idi dagiti umili.+  Ket intuloyda ti nagbasa+ a sipipigsa manipud iti libro, manipud iti linteg ti pudno a Dios, a naibinsabinsa dayta, ken adda panangipaay iti kaipapananna; ket intuloyda ti nangipaay iti pannakaawat iti panangbasa.+  Ket ni Nehemias,+ awan sabali, ti Tirsata,+ ken ni Esdras+ a padi, ti managkopia, ken dagiti Levita a mangisursuro idi kadagiti umili kinunada kadagiti amin nga umili: “Daytoy met laeng nga aldaw nasantuan ken Jehova a Diosyo.+ Dikay agleddaang wenno agsangit.”+ Ta amin dagiti umili agsangsangitda idi bayat a dengdenggenda ti sasao ti linteg.+ 10  Ket kinunana kadakuada: “Mapankayo, kanenyo ti nataba a bambanag ket inumenyo ti nasam-it a bambanag, ket mangipatulodkayo kadagiti bingay+ iti daydiay saan a naisaganaan iti aniaman; ta daytoy nga aldaw nasantuan iti Apotayo, ket dikay masaktan, ta ti rag-o ni Jehova isu ti salindegyo.” 11  Ket dagiti Levita binilbilinda dagiti amin nga umili nga agulimekda, a kunkunada: “Agulimekkayo! ta daytoy nga aldaw nasantuan; ket dikay masaktan.” 12  Gapuna napan dagiti amin nga umili tapno mangan ken uminumda ken tapno mangipatulodda kadagiti bingay+ ken tapno itultuloyda ti dakkel a panagrag-o,+ ta naawatanda ti sasao a naipakaammo kadakuada.+ 13  Ket iti maikadua nga aldaw, dagiti pannakaulo ti amma dagiti amin nga umili, ti papadi ken dagiti Levita, naguurnongda a sangsangkamaysa ken Esdras a managkopia, tapno met laeng gumun-odda iti pannakatarus iti sasao ti linteg.+ 14  Idin nasarakanda a naisurat iti linteg nga imbilin ni Jehova babaen ken Moises+ a ti annak ti Israel rebbeng nga agnaedda kadagiti abong-abong+ bayat ti piesta iti maikapito a bulan,+ 15  ket rebbeng nga agiwaragawagda+ ken isaknapda ti maysa nga awag kadagiti amin a siudadda ken iti intero a Jerusalem,+ a kunaenda: “Mapankayo iti nakabambantay a rehion+ ket mangyegkayo iti bulbulong ti olibo+ ken iti bulbulong dagiti kayo a lana ken bulbulong ti arrayan ken bulbulong ti palma ken iti bulbulong dagiti nasanga a kayo a pagaramid kadagiti abong-abong, maitunos iti adda a naisurat.” 16  Ket dagiti umili rimmuarda ket inyegda ida ket nangaramidda kadagiti abong-abong maipaay iti bagbagida, tunggal maysa iti rabaw ti bukodna nga atep+ ken kadagiti paraanganda ken kadagiti paraangan+ ti balay ti pudno a Dios ken iti publiko a plasa+ ti Ruangan ti Danum+ ken iti publiko a plasa ti Ruangan ti Efraim.+ 17  Iti kasta ti intero a kongregasion dagidiay nakasubli manipud iti pannakakautibo nagaramidda kadagiti abong-abong ket nagnaedda kadagiti abong-abong; ta ti annak ti Israel saanda a naaramid ti kasta a wagas manipud idi kaaldawan ni Josue nga anak ni Nun+ agingga iti dayta nga aldaw, iti kasta naadda ti dakkel unay a panagrag-o.+ 18  Ket mabasa idi a sipipigsa iti libro ti linteg ti pudno a Dios iti inaldaw,+ manipud iti umuna nga aldaw agingga iti maudi nga aldaw; ket inangayda ti piesta iti pito nga aldaw, ket iti maikawalo nga aldaw adda idi ti maysa a nadaeg nga asamblea, maitunos iti pagannurotan.+

Footnotes