Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Nehemias 13:1-31

13  Iti dayta nga aldaw adda idi panagbasa+ manipud iti libro+ ni Moises kadagiti lapayag dagiti umili; ket nasarakan a naisurat iti dayta a ti Ammonita+ ken ti Moabita+ rebbeng a saan a sumrek iti kongregasion ti pudno a Dios agingga iti tiempo a di nakedngan,+  ta saanda nga insabtan ti annak ti Israel iti tinapay+ ken iti danum,+ no di ket tinangdananda maibusor kadakuada ni Balaam+ tapno idawdawatna ti pakadaksanda.+ Nupay kasta, ti Diosmi pinagbalinna ti lunod a maysa a bendision.+  Gapuna naaramid nga, apaman a nangngegda ti linteg,+ rinugianda nga isina+ iti Israel ti isuamin a naglalaok a bunggoy.  Ita sakbay daytoy, ni Eliasib+ a padi nga agay-aywan iti maysa a siled a panganan+ iti balay ti Diosmi maysa idi a kabagian ni Tobias;+  ket nangaramid maipaay kenkuana iti dakkel a siled a panganan,+ a sadiay iti napalabas patinayon nga ikabkabilda ti daton a bukbukel,+ ti olibano ken dagiti aruaten ken ti apagkapullo ti bukel, ti baro nga arak+ ken ti lana,+ a naikkan iti karbengan kadagita dagiti Levita+ ken dagiti kumakanta ken dagiti agay-aywan iti ruangan, ken ti kontribusion a maipaay iti papadi.  Ket kabayatan amin daytoy a tiempo awanak idi idiay Jerusalem, ta iti maikatallopulo ket dua+ a tawen ni Artaxerxes+ nga ari ti Babilonia immayak iti ari, ket sumagmamano a tiempo kalpasanna nagkiddawak iti ari iti pammalubos a lumangan.+  Kalpasanna immayak iti Jerusalem ket napaliiwko ti kinadakes nga inaramid ni Eliasib+ maipaay ken Tobias+ babaen iti panangaramidna maipaay kenkuana iti siled idiay paraangan ti balay+ ti pudno a Dios.  Ket dakes unay idi dayta kaniak.+ Gapuna ti isuamin nga alikamen ti balay ni Tobias impalladawko+ iti ruar ti siled a panganan.  Kalpasan dayta nagbilinak ket dinalusanda+ dagiti siled a panganan;+ ket insublik sadiay dagiti aruaten+ ti balay ti pudno a Dios, agraman ti daton a bukbukel ken ti olibano.+ 10  Ket naammuak a dagiti mismo a bingay+ dagiti Levita saan a naited kadakuada, iti kasta dagiti Levita ken dagiti kumakanta a mangar-aramid iti trabaho nagtalawda, tunggal maysa agturong iti bukodna a talon.+ 11  Ket rinugiak ti agsapul iti biddut+ kadagiti diputado nga agtuturay+ ket kinunak: “Apay a naliwayan ti balay ti pudno a Dios?”+ Gapuna inummongko ida a sangsangkamaysa ket insaadko ida iti disso a pagsaadanda. 12  Ket ti isuamin a Juda, iti biangda, inserrekda ti apagkapullo+ ti bukel+ ken ti baro nga arak+ ken ti lana+ kadagiti pagipempenan.+ 13  Kalpasanna insaadko da Selemias a padi ken Sadok a managkopia ken Pedaias kadagiti Levita nga agaywan kadagiti pagipempenan; ket iti sidong ti panangaywanda adda idi ni Hanan nga anak ni Zacur nga anak ni Matanias,+ ta naibilangda a matalek;+ ket naipabiang kadakuada nga aramidenda ti panagibunong+ iti kakabsatda. 14  Lagipennak,+ O Diosko, maipapan itoy, ket dika punasen+ dagiti aramidko a naayat a kinamanangngaasi nga inaramidko mainaig iti balay+ ti Diosko ken ti panagaywan iti dayta. 15  Kadagidi nga aldaw nakakitaak idiay Juda iti tattao nga agibadbaddek kadagiti pagpespesan iti ubas iti sabbath+ ken agiserserrek kadagiti bunton ti bukbukel ken mangipapaawit+ kadagita kadagiti asno,+ ken kasta met iti arak, kadagiti ubas ken kadagiti higos+ ken iti tunggal kita ti awit, ket iserserrekda dagita idiay Jerusalem iti aldaw ti sabbath;+ ket nangsaksiak maibusor kadakuada idi aldaw a panagilakoda kadagiti pagtaraon. 16  Ket dagiti met laeng taga Tiro+ nagnaedda iti siudad, nga agiserserrekda iti ikan ken tunggal kita ti tagilako+ ken aglaklakoda iti sabbath iti annak ti Juda ken idiay Jerusalem. 17  Gapuna rinugiak ti agsapul iti biddut kadagiti natan-ok+ ti Juda ket kinunak kadakuada: “Ania daytoy dakes a banag nga ar-aramidenyo, a tabtabbaawanyo pay ti aldaw ti sabbath? 18  Saan aya a kastoy ti inaramid dagidi ammayo,+ iti kasta ti Diostayo impagtengna kadatayo ti isuamin daytoy a didigra,+ ken kasta met iti daytoy a siudad? Kaskasdi a naynayonanyo ti sumsumged nga unget maibusor iti Israel babaen ti panangtabbaawyo iti sabbath.”+ 19  Ket naaramid nga, apaman a nagsipngeten dagiti ruangan ti Jerusalem sakbay ti sabbath, dagus a nagbilinak ket nangrugi a maserraan dagiti ruangan.+ Sinaok pay a rebbeng a saanda a luktan ida agingga iti kalpasan ti sabbath; ket ti sumagmamano kadagiti mismo a katulongak insaadko kadagiti ruangan tapno awan awit a maiserrek iti aldaw ti sabbath.+ 20  Gapuna dagiti agtagtagilako ken dagiti managlako iti tunggal kita ti tagilako binusbosda ti rabii iti ruar ti Jerusalem iti naminsan ken iti maikadua a daras. 21  Kalpasanna nangsaksiak+ maibusor kadakuada ket kinunak kadakuada: “Apay a busbusbosenyo ti rabii iti sango ti pader? No aramidenyo manen dayta, iyunnatkonto kadakayo ti maysa nga ima.”+ Manipuden iti dayta a tiempo saandan nga immay iti sabbath. 22  Ket kinunak kadagiti Levita+ a rebbeng a kankanayon a gugoranda+ ti bagbagida ken sumrekda, nga itultuloyda a bantayan dagiti ruangan+ tapno santipikarenda+ ti aldaw ti sabbath. Lagipem+ met daytoy maigapu kaniak, O Diosko, ket maasianka kaniak maitunos iti kinaruay ti naayat a kinamanangngaasim.+ 23  Kasta met, kadagidi nga aldaw nakitak dagiti Judio a nangted iti pagnaedan+ iti Asdodita,+ Ammonita ken Moabita+ nga assawa a babbai. 24  Ket no maipapan iti annakda, kagudua ti agsasao idi iti Asdodita, ket awan kadakuada ti makaammo no kasano ti agsao iti Judio,+ no di ket iti pagsasao dagiti nadumaduma nga ili. 25  Ket rinugiak ti agsapul iti biddut kadakuada ket mangidawdawat ti pakadaksanda+ ken mangkabil iti sumagmamano a lallaki kadakuada+ ken mangparut iti buokda ken mamagsapata kadakuada babaen iti Dios:+ “Rebbeng a saanyo nga ited ti annakyo a babbai iti annakda a lallaki, ket rebbeng a saanyo nga awaten ti asinoman iti annakda a babbai maipaay iti annakyo a lallaki wenno iti bagbagiyo.+ 26  Saan aya a gapu kadagitoy a nagbasol ni Solomon nga ari ti Israel?+ Ket kadagiti adu a nasion awan idi ti ari a kas kenkuana;+ ket isu inayat ti Diosna,+ iti kasta isu intuding ti Dios nga ari iti intero nga Israel. Uray isu pinagbasol ti ganggannaet nga assawa a babbai.+ 27  Ket saan aya a maysa a banag dayta a di nangngegan nga aramidenyo ti isuamin daytoy dakkel a kinadakes iti panagtignayyo a di simamatalek maibusor iti Diostayo babaen ti panangted iti pagnaedan iti ganggannaet nga assawa a babbai?”+ 28  Ket ti maysa iti annak ni Joiada+ nga anak ni Eliasib+ a nangato a padi manugang-a-lalaki ni Sanballat+ a Horonita.+ Gapuna isu pinagtalawko manipud kaniak.+ 29  Lagipem ida, O Diosko, maigapu iti pannakatulaw+ ti kinapadi ken ti tulag+ ti kinapadi ken dagiti Levita.+ 30  Ket ginugorak+ ida manipud isuamin a ganggannaet ket nangitudingak kadagiti annongen iti papadi ken kadagiti Levita, tunggal maysa iti bukodna a trabaho,+ 31  uray ti maipaay iti abasto ti kayo+ kadagiti naituding a tiempo ken maipaay iti umuna a naluom a bungbunga. Lagipennak,+ O Diosko, maipaay iti pagimbagan.+

Footnotes