Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Nehemias 10:1-39

10  Ita mangpatpatalged iti dayta babaen iti selio+ adda idi da: Nehemias+ a Tirsata,+ ti anak ni Hacalias,+ Ken Zedekias,  Seraias,+ Azarias, Jeremias,  Pasur, Amarias, Malkias,  Hattus, Sebanias, Malluc,  Harim,+ Meremot, Abdias,  Daniel,+ Ginneton, Baruc,  Mesullam, Abias, Mijamin,  Maazias, Bilgai ken Semaias, dagitoy ti papadi.  Kasta met dagiti Levita: ni Jesua+ nga anak ni Azanias, ni Binui iti annak ni Henadad,+ ni Cadmiel 10  ken ti kakabsatda a da Sebanias,+ Hodias, Quelita, Pelaias, Hanan, 11  Mica, Rehob, Hasabias, 12  Zacur, Serebias,+ Sebanias, 13  Hodias, Bani ken Beninu. 14  Dagiti pannakaulo dagiti umili: da Paros, Pahat-moab,+ Elam, Zattu, Bani, 15  Bunni, Azgad, Bebai, 16  Adonias, Bigvai, Adin, 17  Ater, Ezekias, Azur, 18  Hodias, Hasum, Bezai, 19  Harif, Anatot, Nebai, 20  Magpias, Mesullam, Hezir, 21  Mesezabel, Sadok, Jaddua, 22  Pelatias, Hanan, Anaias, 23  Hosea, Hananias, Hassub, 24  Halohes, Pilha, Sobec, 25  Rehum, Hasabna, Maasias, 26  ken Ahias, Hanan, Anan, 27  Malluc, Harim, Baanah. 28  No maipapan iti dadduma pay kadagiti umili, ti papadi,+ dagiti Levita,+ dagiti agay-aywan iti ruangan,+ dagiti kumakanta,+ dagiti Netineo+ ken tunggal maysa a mangisina iti bagina kadagiti ili ti dagdaga+ nga agturong iti linteg+ ti pudno a Dios, ti assawada a babbai, ti annakda a lallaki ken ti annakda a babbai, tunggal maysa nga addaan pannakaammo ken pannakaawat,+ 29  kimmapponda iti kakabsatda,+ kadagidiay nadaeg kadakuada,+ ket naipasangoda iti lunod+ ken iti sapata,+ tapno magnada iti linteg ti pudno a Dios, a naited babaen iti ima ni Moises nga adipen ti pudno a Dios,+ ken tapno salimetmetanda+ ken tapno tungpalenda dagiti amin a bilin ni Jehova nga Apotayo+ ken dagiti hudisial a pangngeddengna ken dagiti alagadenna;+ 30  ket saantay koma nga ited ti annaktayo a babbai kadagiti ili ti daga, ket ti annakda a babbai saantay koma nga alaen a maipaay iti annaktayo a lallaki.+ 31  No maipapan kadagiti ili ti daga+ a mangiserserrek kadagiti tagilako ken tunggal kita ti bukel iti aldaw ti sabbath tapno ilakoda, awan koma ti alaentayo kadakuada iti sabbath+ wenno iti maysa a nasantuan nga aldaw,+ ket palabsentayo koma ti maikapito a tawen+ ken ti utang ti tunggal ima.+ 32  Kasta met, nangipaannurottayo iti bagbagitayo kadagiti bilin a mangted, tunggal maysa kadatayo, iti kakatlo ti maysa a siklo iti tinawen maipaay iti panagserbi iti balay ti Diostayo,+ 33  maipaay iti agtutuon a tinapay+ ken iti kankanayon a daton a bukbukel+ ken iti kankanayon a daton a mapuoran kadagiti sabbath,+ kadagiti baro a bulan,+ maipaay iti naituding a pipiesta+ ken maipaay iti nasantuan+ a bambanag ken maipaay iti datdaton gapu iti basol+ tapno mangaramid iti panangabbong maipaay iti Israel ken iti isuamin a trabaho iti balay ti Diostayo.+ 34  Kasta met, dagiti panagbibinnunot+ nga aramidentayo maipapan iti abasto ti kayo+ a ti papadi, dagiti Levita ken dagiti umili rebbeng nga iyegda iti balay ti Diostayo, sigun iti balay dagidi ammatayo, kadagiti naituding a tiempo, iti tinawentawen, a pangpuor iti rabaw ti altar ni Jehova a Diostayo,+ maitunos iti adda a naisurat iti linteg;+ 35  ken tapno iyeg ti umuna a naluom a bungbunga ti dagatayo+ ken ti umuna a naluom a bungbunga ti isuamin a bunga ti tunggal kita ti kayo,+ iti tinawentawen, iti balay ni Jehova; 36  ken ti inauna+ iti annaktayo ken kadagiti naamo nga animaltayo,+ maitunos iti adda a naisurat iti linteg,+ ken ti inauna kadagiti pangentayo ken kadagiti arbantayo,+ tapno iyeg ida iti balay ti Diostayo, iti papadi nga agserserbi iti balay ti Diostayo.+ 37  Kasta met, ti umuna a bungbunga ti nagasal a ginilingtayo+ ken dagiti kontribusiontayo+ ken ti bunga ti tunggal kita ti kayo,+ baro nga arak+ ken lana+ rebbeng nga iyegtayo iti papadi kadagiti siled a panganan+ ti balay ti Diostayo, kasta met ti apagkapullo manipud dagatayo kadagiti Levita,+ yantangay isuda, dagiti Levita, dagidiay umaw-awat iti apagkapullo kadagiti amin a mataltalon a siudadtayo. 38  Ket ti padi, ti anak ni Aaron, masapul a kaduanto dagiti Levita no umawat dagiti Levita iti apagkapullo; ket dagiti met laeng Levita rebbeng a mangidatonda iti apagkapullo ti apagkapullo iti balay ti Diostayo+ kadagiti siled a panganan+ ti balay ti abasto. 39  Ta kadagiti siled a panganan ti rebbeng a pangyegan ti annak ti Israel ken ti annak dagiti Levita iti kontribusion+ ti bukel, iti baro nga arak+ ken iti lana, ket sadiay ti ayan dagiti aruaten ti santuario ken ti papadi nga agserserbi,+ ken dagiti agay-aywan iti ruangan+ ken dagiti kumakanta;+ ket rebbeng a saantay a liwayan ti balay ti Diostayo.+

Footnotes