Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Nehemias 1:1-11

1  Ti sasao ni Nehemias+ nga anak ni Hacalias: Ita naaramid iti bulan a Kislev,+ iti maikaduapulo+ a tawen, a siak addaak idi idiay Susan+ a kastilio.  Idin ni Hanani,+ maysa iti kakabsatko, simrek, isu ken ti dadduma a lallaki manipud Juda, ket inimtuodko+ kadakuada ti maipapan kadagiti Judio,+ dagidiay a nakatalaw,+ a nabati iti pannakakautibo,+ ken kasta met ti maipapan iti Jerusalem.  Iti kasta kinunada kaniak: “Dagidiay nabati, a nabati iti pannakakautibo, sadiay masaksakupan a distrito,+ dakes unay ti sasaadenda+ ken maum-umsida;+ ket ti pader+ ti Jerusalem narba, ket dagiti mismo a ruanganna+ napuoran iti apuy.”  Ket naaramid nga, apaman a nangngegko dagitoy a sasao, nagtugawak ket nangrugiak nga agsangit ken agleddaang iti adu nga aldaw, ket nagtultuloyak a nagayunar+ ken nagkararag iti sanguanan ti Dios ti langlangit.+  Ket kinunak: “Ay, Jehova a Dios ti langlangit, ti Dios a naindaklan ken nakaam-amak,+ a mangsalsalimetmet iti tulag+ ken naayat a kinamanangngaasi kadagidiay mangay-ayat kenkuana+ ken mangsalsalimetmet kadagiti bilinna,+  pangngaasim, sititimud koma ta lapayagmo+ ken silulukat dagita matam, tapno imdengam ti kararag ti adipenmo,+ nga ikararagko iti sanguanam ita nga aldaw, aldaw ken rabii,+ maipapan iti annak ti Israel nga ad-adipenmo, a kabayatanna amin agipudpudnoak+ maipapan iti basbasol+ ti annak ti Israel a babaen kadagita nagbasolkami a maikaniwas kenka. Nagbasolkami, agpadpada a siak ken ti balay ni amak.+  Di pagduaduaan a rinuker ti panagtignaymi maibusor kenka+ ket saanmi a sinalimetmetan dagiti bilin+ ken dagiti alagaden+ ken dagiti hudisial a pangngeddeng+ nga intedmo kas bilin ken Moises nga adipenmo.+  “Lagipem,+ pangngaasim, ti sao nga imbilinmo ken Moises nga adipenmo, a kinunam, ‘No dakayo, iti biangyo, agtignaykayo a di simamatalek, siak, iti biangko, iwarawarakayto kadagiti ili.+  No nakapagsublikayton kaniak+ ket nasalimetmetanyon dagiti bilinko+ ken naaramidyon ida,+ nupay ti naiwarawara nga iliyo maaddanto iti ungto ti langlangit, manipud sadiay ummongek+ ida ket pudno unay nga iyegko ida+ iti lugar a pinilik tapno pagtaengek sadiay ti naganko.’+ 10  Ket isuda dagiti adipenmo+ ken ti ilim,+ a sinubbotmo babaen iti dakkel a pannakabalinmo+ ken babaen iti napigsa nga imam.+ 11  Ay, Jehova, pangngaasim, ta lapayagmo sititimud koma iti kararag ti adipenmo ken iti kararag+ dagiti adipenmo a maragsakan iti panagbuteng iti naganmo;+ ken, pangngaasim, pagballigiem ti adipenmo ita nga aldaw+ ket isu pagbalinem a makaasian iti sanguanan daytoy a lalaki.”+ Ita siak idi ti agaw-awit iti kopa+ ti ari.

Footnotes