Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Nahum 3:1-19

3  Asi pay ti siudad ti panagibukbok iti dara.+ Sipupunno iti panangallilaw ken iti panagtakaw. Ti inanupan saan a pumanaw!  Adda ti uni ti baut+ ken ti uni ti panagkaradakad ti pilid, ken ti dumaruros a kabalio ken ti agsaltesaltek a karuahe.+  Ti nakasakay a kumakabalio, ken ti gil-ayab ti kampilan, ken ti kimat ti pika,+ ken ti umariwekwek dagidiay napapatay, ken ti rineprep a bangkay; ket awan patinggana dagiti natay a bagi. Maitibtibkolda kadagiti natay a bagida;  gapu iti kinaruay ti ar-aramid a panagbalangkantis ti balangkantis,+ a makakayaw ti pintasna, babai a nasigo kadagiti panagkulam, daydiay mangsilsilo kadagiti nasion babaen iti ar-aramidna a panagbalangkantis ken kadagiti pamilia babaen kadagiti panagkulamna.+  “Adtoy! Bumusorak kenka,”+ kuna ni Jehova ti buybuyot, “ket ilukaiskonto nga ikabil ita rupam ti pangabbong dagiti pandilingmo, ket ipakitakto kadagiti nasion ti kinalamolamom,+ ken kadagiti pagarian ti pannakaibabainmo.  Ket mangipuruakakto kenka iti makarimon a bambanag,+ ket pagbalinenkanto a makapasimron; ket isaadkanto a kas bubuyaen.+  Ket mapasamakto nga isuamin a makakita kenka agtalawdanto kenka+ ket sigurado a kunaendanto, ‘Ti Nineve naagawanen! Siasino ti makipagriknanto kenkuana?’ Sadino ti pangsapulakto kadagiti manangliwliwa maipaay kenka?  Nasaysayaatka kadi ngem iti No-amon,+ a naisaad iti igid dagiti kanal ti Nilo?+ Ti dandanum addada iti intero nga aglikmutna, a ti kinabaknangna isu ti baybay, a ti paderna ket manipud iti baybay.  Ti Etiopia isu ti naan-anay a pannakabalinna, kasta met ti Egipto;+ ket awan patinggana dayta. Ti met laeng Put ken dagiti taga Libya nakatulongda kenka.+ 10  Isu nairanta met iti pannakaidestiero; napan iti pannakakautibo.+ Dagiti bukodna nga annak nalasanglasangda met iti pamunganayan dagiti amin a kalsada;+ ket nagbibinnunotanda+ dagiti madaydayaw a lallakina, ket dagidiay naindaklanna naparautanda amin kadagiti grilios.+ 11  “Sika mabartekkanto met;+ agbalinkanto a nailemmeng a banag.+ Sika sumapulkanto met iti salindeg manipud iti kabusor.+ 12  Amin dagiti nasarikedkedan a lugarmo kaslada kaykayo a higos nga addaan kadagiti umuna a naluom a bunga, a, no mayugyogda, sigurado a matnagdanto iti ngiwat ti maysa a mangan.+ 13  “Adtoy! Ti ilim ket babbai iti tengngam.+ Kadagiti kabusormo di bumurong a maluktanto dagiti ruangan ti dagam. Ti apuy sigurado nga alun-onennanto dagiti balunetmo.+ 14  Isakduam ta bagim iti danum maipaay iti pananglakub.+ Patibkerem dagiti nasarikedkedan a lugarmo.+ Inka iti kapitakan, ket agpayatpayatka iti pila; iggamam ti sukogan ti ladrilio. 15  Uray sadiay alun-onennakanto ti apuy. Geppasennakanto ti kampilan.+ Alun-onennakanto a kas iti kakikita ti dudon.+ Paaduem ti bilangmo a kas iti kakikita ti dudon; paaduem ti bilangmo a kas iti dudon. 16  Pinaadum dagiti agtagtagilakom nga ad-adda ngem kadagiti bituen iti langlangit.+ “No maipapan iti kakikita ti dudon, pudno nga uksobenna ti kudilna; kalpasanna tumayab nga umadayo. 17  Dagiti guardiam kaslada iti dudon, ket dagiti opisialmo nga agal-ala iti tao kaslada iti pangen ti dudon. Agpakpakarsoda kadagiti kulongan a bato iti nalam-ek nga aldaw. Agsilnag laeng ti mismo nga init, ket sigurado nga agtalawda; ket pudno a di ammo ti lugar nga ayanda.+ 18  “Dagiti pastormo sagsaguyepyependa,+ O ari ti Asiria; dagidiay nadaegmo agtalinaedda kadagiti pagtaenganda.+ Ti ilim naiwarawara iti rabaw ti bambantay, ket awan asinoman a mangummong a sangsangkamaysa kadakuada.+ 19  Awan ti pannakapagin-awa iti didigram. Ti saplitmo nagbalin nga awan pannakapaimbagna.+ Amin dagidiay makangngeg iti damag maipapan kenka sigurado a pagtipatendanto kenka dagiti imada;+ agsipud ta siasino ti saan a patinayon a limmasatan ti kinadakesmo?”+

Footnotes