Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Nahum 1:1-15

1  Ti pammakdaar maibusor iti Nineve:+ Ti libro ti sirmata ni Nahum nga Elkosita:  Ni Jehova ket Dios a mangalikagum iti naipamaysa a debosion+ ken bumales; ni Jehova bumales+ ken agannayas nga agpungtot.+ Ni Jehova bumales kadagiti kalabanna,+ ket maluksaw kadagiti kabusorna.+  Ni Jehova nabannayat nga agunget+ ken dakkel iti pannakabalin,+ ket saanto a pulos medmedan ni Jehova ti panangdusa.+ Ti dalanna adda iti makadadael nga angin ken iti bagyo, ket ti aripuno dagiti ulep isu ti pulbos dagiti sakana.+  Babalawenna ti baybay,+ ket pagmagaenna; ket pudno a paatiananna amin dagiti karayan.+ Naglaylay ti Basan ken Carmelo,+ ket naglaylay ti mismo a sabong ti Libano.  Nagyugayog dagiti mismo a bantay gapu kenkuana, ket malunlunag dagiti mismo a turod.+ Ket mariribukto ti daga gapu iti rupana; kasta met ti nabunga a daga, ken amin dagidiay agnanaed iti dayta.+  Iti sanguanan ti panangkondenarna siasino ti makabalin nga agtakder?+ Ket siasino ti makabalin a tumakder maibusor iti bara ti ungetna?+ Ti mismo a pungtotna sigurado a maibuyatto a kasla apuy,+ ket pudno a marugponto dagiti mismo a bato gapu kenkuana.  Ni Jehova naimbag,+ maysa a salindeg+ iti aldaw ti rigat.+ Ket siaammo kadagidiay agkamkamang kenkuana.+  Ket babaen iti layus a lumaslasat mangaramidto iti nalawag a panangtalipupos iti lugarna,+ ket ti sipnget kamatennanto dagiti mismo a kabusorna.+  Ania ti panunotenyonto a maibusor ken Jehova?+ Isu mangparnuay iti nalawag a panangtalipupos. Ti rigat saanto a bumangon iti maikadua a daras.+ 10  Nupay malagalagada a kas met laeng iti sisiit+ ket nabartekda a kas babaen iti serbesada a trigo,+ sigurado a maalun-ondanto a kas iti naggapasan a naan-anay a nagango.+ 11  Manipud kenka pudno nga addanto rummuar a maysa a mangpampanunot iti dakes maibusor ken Jehova,+ a mangipatpatigmaan iti saan a makagunggona.+ 12  Daytoy ti kinuna ni Jehova: “Nupay naan-anay idi ti pormada ket adu ti adda iti dayta a kasasaad, uray iti dayta a kasasaad masapul a mapukanda;+ ket ti maysa masapul a lumasat. Ket sigurado a parigatenkanto, tapno saankanton a parigaten.+ 13  Ket ita tukkolekto ti pagawitna nga arimata manipud kenka,+ ket pugsatekto a guduaen dagiti galut nga adda kenka.+ 14  Ket no maipapan kenka imbilin ni Jehova, ‘Awanton iti naganmo ti maimula.+ Manipud iti balay ti didiosmo gessatekto ti kinitikitan a ladawan ken sinukog nga estatua.+ Iyaramidankanto iti lugar a pagitabonan,+ agsipud ta awan patpategmo.’ 15  “Adtoy! Adda iti rabaw dagiti bantay ti saksaka daydiay mangip-ipan iti naimbag a damag, daydiay mangipabpablaak iti talna.+ O Juda, rambakam dagiti piestam.+ Tungpalem dagiti karim;+ agsipud ta awanton ti lumasat manen kenka nga asinoman nga awan kaes-eskanna a tao.+ Sigurado a magessatto a naan-anay.”+

Footnotes