Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Mikias 6:1-16

6  Denggenyo, pangngaasiyo, ti sawen ni Jehova.+ Tumakderka, mangtamingka iti legal a kaso iti saklang dagiti bantay, ket mangngeg koma dagiti turod ti timekmo.+  Denggenyo, O dakayo a bambantay, ti legal a kaso ni Jehova, kasta met dakayo a manayon a bambanag, dakayo a pamuon ti daga;+ ta ni Jehova addaan legal a kaso iti ilina, ket iti Israel ti pakirikiarannanto:+  “O ilik,+ ania ti inaramidko kenka? Ket iti ania a pamay-an a binannogka?+ Mangpaneknekka maibusor kaniak.+  Ta inaonka iti daga ti Egipto,+ ket manipud iti balay dagiti adipen sinubbotka;+ ket imbaonko iti sanguanam da Moises, Aaron ken Miriam.+  O ilik, lagipem,+ pangngaasim, no ania ti impatigmaan ni Balak nga ari ti Moab,+ ken no ania ti insungbat kenkuana ni Balaam nga anak ni Beor.+ Manipud idi iti Sittim,+ agingga iti Gilgal,+ iti panggep a maammuan koma dagiti nalinteg nga aramid ni Jehova.”+  Buyogen ti ania a sanguekto+ ni Jehova? Buyogen ti ania nga iruknoykonto ti bagik iti Dios iti ngato?+ Sanguekto aya buyogen dagiti sibubukel a daton a mapuoran,+ buyogen dagiti kigaw a baka nga agtawen iti maysa?  Maay-ayonto aya ni Jehova iti rinibu a kalakian a karnero, iti pinullo a ribu a karayan ti lana?+ Itdekto aya ti inauna nga anakko maipaay iti iyaalsak, ti bunga ti tianko maipaay iti basol ti kararuak?+  Imbagana kenka, O naindagaan a tao, no ania ti naimbag.+ Ket ania ti kidkiddawen kenka ni Jehova no di ti panangwatwat iti kinahustisia+ ken panangayat iti kinamanangngaasi+ ken panagbalin a naemma+ iti pannakipagna iti Diosmo?+  Ti mismo a timek ni Jehova agpukkaw iti siudad,+ ket ti tao nga addaan praktikal a kinasirib agbutengto iti naganmo.+ Denggenyo ti sarukod ken daydiay nangdutok iti dayta,+ O dakayo a tattao. 10  Adda kadi pay laeng dagiti gameng ti kinadangkes iti balay daydiay nadangkes,+ ken ti nakurang nga efa a sukat a makondenar? 11  Makapagbalinak kadi a nadalus iti moral no addaanak kadagiti nadangkes a timbangan ken no addaanak iti supot dagiti makaallilaw a bato a pagtimbang?+ 12  Ta dagiti mismo a nabaknang a tattaona napnoda iti kinaranggas, ket dagiti mismo nga agnanaed kenkuana nagsaoda iti kinaulbod,+ ket ti dilada manangallilaw iti ngiwatda.+ 13  “Ket siak met, iti biangko, sigurado a pagsakitenkanto babaen iti panangkabil kenka;+ addanto panamaglangalang kenka, maigapu kadagiti basolmo.+ 14  Sika, iti biangmo, mangankanto ngem saanka a mapnek, ket ti kinaongaongmo addanto iti tengngam.+ Ket mangikkatkanto iti bambanag, ngem saanmonto a maipanaw ida a sitatalged; ket aniaman nga ipanawmo a sitatalged, itedkonto iti mismo a kampilan.+ 15  Sika, iti biangmo, agimulakanto iti bin-i, ngem saankanto nga agapit. Sika, iti biangmo, agibaddekkanto kadagiti olibo, ngem saanmonto a sapsapuan ta bagim iti lana; kasta met iti nasam-it nga arak, ngem saankanto nga uminum iti arak.+ 16  Ket dagiti paglintegan ni Omri+ ken ti isuamin nga aramid iti balay ni Acab masalimetmetan,+ ket magnakayo kadagiti pammatigmaanda;+ iti panggep a pagbalinenkayo a banag a pagmalangaan ket dagiti agnanaed kenkuana banag a pagsagawisiwan;+ ket ti panangumsi dagiti ili awitenyonto.”+

Footnotes