Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Mikias 5:1-15

5  “Iti daytoy a tiempo sugatsugatem ta bagim,+ O anak a babai ti panangraut; maysa a pananglakub ti impatayna maibusor kadatayo.+ Babaen iti sarukod kabilendanto iti pingping ti ukom ti Israel.+  “Ket sika, O Betlehem Efrata,+ daydiay nakabasbassit tapno mairaman kadagiti rinibu ti Juda,+ manipud kenka+ rummuarto nga umay kaniak daydiay agbalin nga agturay iti Israel,+ a ti namunganayanna ket manipud kadagiti immuna a tiempo, manipud kadagiti aldaw ti tiempo a di nakedngan.+  “Gapuna iyawatnanto ida+ agingga iti tiempo a daydiay agpasngay pudno nga agpasngay.+ Ket ti natedda iti kakabsatna agsublidanto iti annak ti Israel.  “Ket isu sigurado nga agtakderto ket agipastor buyogen ti pigsa ni Jehova,+ buyogen ti kinatan-ok ti nagan ni Jehova a Diosna.+ Ket sigurado nga agtultuloydanto nga agnaed,+ ta ita isu naindaklanto agingga kadagiti ungto ti daga.+  Ket daytoy agbalinto a talna.+ No maipapan iti Asirio, inton umay iti dagatayo ken inton bumaddek kadagiti pagnaedantayo a torre,+ kasapulan a mangibangontayo met maibusor kenkuana iti pito a pastor, wen, walo a duke kadagiti tattao.  Ket pudno nga ipastorandanto ti daga ti Asiria babaen ti kampilan,+ ken ti daga ni Nimrod+ kadagiti pagserkanna. Ket sigurado a mangyegto iti pannakaispal manipud iti Asirio,+ inton umay iti dagatayo ken inton bumaddek iti teritoriatayo.  “Ket dagidiay nabatbati ken Jacob+ agbalindanto a kasla linnaaw manipud ken Jehova iti tengnga ti adu nga ili,+ kasla naruay nga arbis iti rabaw ti mulmula,+ a saan a manginanama iti tao wenno aguray iti annak ti naindagaan a tao.+  Ket dagidiay nabatbati ken Jacob agbalindanto kadagiti nasion, iti tengnga ti adu nga ili, a kasla leon kadagiti animal ti bakir, kasla burboran a bumaro a leon kadagiti pangen ti karnero, nga, inton lumasat, sigurado nga agpadpada a mangipayatpayat ken mangrangrangkay;+ ket awan ti manangispal.  Ti imam addanto iti ngatuen dagiti kalabanmo,+ ket amin dagiti kabusormo magessatdanto.”+ 10  “Ket mapasamakto iti dayta nga aldaw,” kuna ni Jehova, “a gessatekto dagiti kabaliom iti tengngam ket dadaelek dagiti karuahem.+ 11  Ket gessatekto dagiti siudad ti dagam ket rebbaek amin dagiti nasarikedkedan a lugarmo.+ 12  Ket gessatekto dagiti panagkulam manipud iti imam, ket saankanton nga agtultuloy a maaddaan kadagiti managsalamangka.+ 13  Ket gessatekto dagiti kinitikitan a ladawanmo ken dagiti adigim iti tengngam, ket saankanton nga agruknoy kadagiti aramid dagiti imam.+ 14  Ket parutekto dagiti sagrado a teddekmo+ iti tengngam ket talipuposek dagiti siudadmo. 15  Ket iti unget ken iti pungtot ipakatkonto ti pammales kadagiti nasion a saan a nagtulnog.”+

Footnotes