Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Mikias 4:1-13

4  Ket mapasamakto iti kamaudianan a paset dagiti aldaw+ a ti bantay+ ti balay+ ni Jehova sititibkerto ti pannakaipasdekna a nangatngato ngem iti tapaw ti bambantay, ket sigurado a maipangatonto iti ngatuen dagiti turod;+ ket dagiti ili agayusdanto nga agturong iti dayta.+  Ket pudno unay a mapanto ti adu a nasion ket kunaenda: “Umaykayo,+ ket sumang-attayo iti bantay ni Jehova ken iti balay ti Dios ni Jacob;+ ket isuronatayto maipapan kadagiti dalanna,+ ket magnatayto kadagiti danana.”+ Ta manipud iti Sion rummuarto ti linteg, ken ti sao ni Jehova manipud Jerusalem.+  Ket pudno unay a mangukomto iti tengnga ti adu nga ili,+ ket ilintegna ti bambanag+ maipapan kadagiti nabileg a nasion iti adayo.+ Ket kasapulanto a pitpitenda dagiti kampilanda a pagbalinen a subsob ti arado ken dagiti pikada a pagbalinen a pangarbas a getgetteng.+ Saandanto a mangitag-ay iti kampilan, nasion maibusor iti nasion, saandanto met a sursuruenen ti pannakigubat.+  Ket pudno nga agtugawdanto, tunggal maysa iti sirok ti puon ti ubasna ken iti sirok ti kayona a higos,+ ket awanto ti asinoman a mamagpigerger kadakuada;+ ta ti mismo a ngiwat ni Jehova ti buybuyot sinaona dayta.+  Ta amin dagiti ili, iti biangda, magnadanto tunggal maysa iti nagan ti diosna;+ ngem datayo, iti biangtayo, magnatayto iti nagan ni Jehova a Diostayo+ agingga iti tiempo a di nakedngan, iti mismo nga agnanayon.+  “Iti dayta nga aldaw,” kuna ni Jehova, “tiponekto daydiay nagsagkisagking;+ ket daydiay naiwarawara ummongekto a sangsangkamaysa,+ uray daydiay trinatok iti dakes.  Ket daydiay nagsagkisagking sigurado a pagbalinekto a maysa a natda,+ ken daydiay naipanaw iti adayo maysa a nabileg a nasion;+ ket ni Jehova pudno nga agturayto kadakuada kas ari idiay Bantay Sion, manipuden ita ken agingga iti tiempo a di nakedngan.+  “Ket no maipapan kenka, O torre ti pangen, ti munturod ti anak a babai ti Sion,+ agingga kenka umayto dayta, wen, ti umuna a pagturayan sigurado nga umayto,+ ti pagarian a kukua ti anak a babai ti Jerusalem.+  “Ita apay nga agtultuloyka nga agpukkaw a sipipigsa?+ Awan kadi ti ari kenka, wenno napukaw kadin ti bukodmo a manangbalakad, iti kasta ginammatannaka dagiti ut-ot a kas kadagiti ut-ot ti babai nga agpaspasngay?+ 10  Agrigatka iti nakaro ket bumkaska, O anak a babai ti Sion, kas iti babai nga agpaspasngay,+ ta ita rummuarkanto manipud iti maysa nga ili, ket kasapulan nga agtaengkanto iti tay-ak.+ Ket kasapulan a dumtengkanto agingga idiay Babilonia.+ Sadiay a maispalkanto.+ Sadiay a gatangennakanto a bawyen ni Jehova manipud dakulap dagiti kabusormo.+ 11  “Ket ita sigurado nga addanto maurnong nga adu a nasion maibusor kenka, dagidiay agkunkuna, ‘Isu marugitan koma, ket dagiti matatayo kumitada koma iti Sion.’+ 12  Ngem no maipapan kadakuada, saanda a naammuan dagiti kapanunotan ni Jehova, ket saanda a naawatan ti pammatigmaanna;+ agsipud ta sigurado a kas iti maysa nga intar ti kagapgapas a binukel ummongennanto ida a sangsangkamaysa iti pagirikan.+ 13  “Bumangonka ket agirikka, O anak a babai ti Sion;+ ta ti saram pagbalinekto a landok, ket dagiti kukom pagbalinekto a gambang, ket sigurado a tumekemto ti adu nga ili;+ ket babaen iti panangiparit pudno nga ipaaymo ken Jehova ti nakillo a gunggonada,+ ken dagiti sanikuada iti pudno nga Apo ti intero a daga.”+

Footnotes