Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Mikias 3:1-12

3  Ket kinunak: “Dumngegkayo, pangngaasiyo, dakayo a pannakaulo ni Jacob ken dakayo a komandante iti balay ti Israel.+ Saan aya a biangyo nga ammuen ti kinahustisia?+  Dakayo a mananggura iti naimbag+ ken managayat iti kinadakes,+ a manglaplapgis iti kudilda manipud kadagiti tattao ken iti lasagda manipud iti tultulangda;+  dakayo a nangan met iti lasag ti ilik,+ ken nanglalat iti mismo a kudilda manipud kadakuada, ken nangrumekrumek iti mismo a tultulangda, ken nangtumektumek kadakuada a kas iti adda iti nalawa ti ngarabna a banga ken kas iti lasag iti uneg ti paglutuan a banga.+  Iti dayta a tiempo umasugdanto ken Jehova maipaay ti tulong, ngem saannanto a sungbatan ida.+ Ket ilingednanto ti rupana manipud kadakuada iti dayta a tiempo,+ maitunos iti panagaramidda iti kinadakes kadagiti pannakilangenda.+  “Daytoy ti kinuna ni Jehova maibusor kadagiti mammadto a mamagallaalla iti ilik,+ a kumagkagat babaen kadagiti ngipenda+ ken pudno a mangipukkaw, ‘Talna!’+ a, no ti asinoman saan a mangikabil iti maysa a banag kadagiti ngiwatda, pudno a mangsantipikar met iti gubat maibusor kenkuana,+  ‘Gapuna maaddaankayto iti rabii,+ iti kasta awanto ti sirmata;+ ket maaddaankayto iti kinasipnget, tapno saankay nga agipadles. Ket ti init sigurado a lumnekto kadagiti mammadto, ket ti aldaw agsipngetto kadakuada.+  Ket kasapulanto a maibabain+ dagiti managsirmata,+ ket sigurado a maupayto dagiti mammadles.+ Ket kasapulanto nga abbonganda ti iming,+ isuda amin, ta awan sungbat manipud iti Dios.’”+  Ket, iti sabali a bangir, siak napnoak iti bileg, babaen ti espiritu ni Jehova, ken iti kinahustisia ken kinamannakabalin,+ tapno ibaga ken Jacob ti iyaalsana ken iti Israel ti basolna.+  Denggenyo daytoy, pangngaasiyo, dakayo a pannakaulo iti balay ni Jacob ken dakayo a komandante iti balay ti Israel,+ dagidiay marimon iti kinahustisia ken dagidiay mangkillo uray pay iti isuamin a nalinteg;+ 10  a mangibangbangon iti Sion babaen iti ar-aramid a panagibukbok iti dara ken iti Jerusalem babaen ti kinakillo.+ 11  Dagidiay mismo a pannakaulona mangukomda maipaay laeng iti pasuksok,+ ket ti mismo a papadina mangisuroda maipaay laeng iti maysa a gatad,+ ket dagiti mismo a mammadtona agipadlesda maipaay laeng iti kuarta;+ kaskasdi agsamsammakedda ken Jehova, a kunkunada: “Saan kadi nga adda ni Jehova iti tengngatayo?+ Awanto ti dumteng kadatayo a didigra.”+ 12  Gapuna maigapu kadakayo maaradonto ti Sion a kas maysa a talon laeng, ket ti mismo a Jerusalem agbalinto a bumbunton laeng dagiti rebba,+ ket ti bantay ti balay kaslanto kadagiti nangato a disso ti bakir.

Footnotes