Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Mikias 2:1-13

2  “Asi pay dagidiay agganggandat iti makadangran, ken dagidiay mangan-annurot iti dakes, iti rabaw dagiti pagiddaanda!+ Iti lawag ti bigat aramidenda dayta,+ agsipud ta adda iti pannakabalin dagiti imada.+  Ket nangtarigagayda kadagiti talon ket inagawda ida;+ kasta met iti balbalay, ket innalada ida; ket nangsaurda iti nabaneg a lalaki ken ti sangakabbalayanna,+ iti maysa a lalaki ken ti pagtatawidan a sanikuana.+  “Gapuna daytoy ti kinuna ni Jehova, ‘Adtoy mangpampanunotak iti didigra+ maibusor iti daytoy a pamilia+ nga iti dayta saanyonto a maikkat dagiti tengngedyo,+ tapno saankayto a magna a sitatangsit;+ agsipud ta dayta ket tiempo ti didigra.+  Iti dayta nga aldaw mangitag-ayto ti maysa maipapan kadakayo iti pagkukuna a proverbio+ ket sigurado a mangyunnoyto iti unnoy, ti unnoy a mismo.+ Kasapulanto a kunaen ti maysa: “Di bumurong a naagawantayo!+ Baliwanna ti mismo a bingay ti ilik.+ Anian ti panangikkatna iti dayta manipud kaniak! Iti daydiay di matalek bingaybingayenna dagiti bukodmi a talon.”  Gapuna saankanto a maaddaan iti asinoman a mangipalladaw iti singdan, babaen ti panagbibinnunot,+ iti kongregasion ni Jehova.  Dikay koma mangyebbat iti sasao.+ Nangyebbatda iti sasao. Saandanto a mangyebbat iti sasao maipapan kadagitoy a banag. Saanto a pumanaw dagiti pannakaipababa.+  “‘Maikunkuna aya, O balay ni Jacob:+ “Saan kadin a mapmapnek ti espiritu ni Jehova, wenno dagitoy kadi dagiti pannakilangenna?”+ Saan kadi a ti bukodko a sasao agaramid iti naimbag+ no maipapan iti daydiay magmagna a sililinteg?+  “‘Ket idi kalman timmakder ti bukodko nga ili a kas nalawag a kabusor.+ Manipud iti sango ti maysa a kawes uksobenyo ti nadaeg nga arkos, manipud kadagidiay lumaslasat a sitatalek, kas kadagidiay agsubsubli manipud iti gubat.  Dagiti babbai iti ilik paruarenyo ida iti balay a napalalo a pagragsakan ti maysa a babai. Manipud iti annakna alaenyo ti kinangayedko,+ agingga iti tiempo a di nakedngan.+ 10  Tumakderka ket mapanka,+ agsipud ta daytoy ket saan a lugar a paginanaan.+ Gapu iti kinapudno nga isu nagbalin a narugit,+ adda pannakarba; ket ti trabaho a panangrebba naut-ot.+ 11  No ti maysa a tao, a magmagna babaen iti angin ken kinatiri, imbagana ti kinaulbod+ a: “Mangyebbatakto kenka iti sasao maipapan iti arak ken maipapan iti makabartek nga inumen,” sigurado nga isu agbalinto met a maysa a mangyeb-ebbat iti sasao maipaay iti daytoy nga ili.+ 12  “‘Sigurado a tiponekto ni Jacob, dakayo amin;+ di bumurong nga ummongekto a sangsangkamaysa dagidiay nabatbati iti Israel.+ Sangsangkatunos nga isaadkonto ida, kas maysa nga arban iti kulongan, kas maysa a pangen iti tengnga ti pagarabanna;+ naariwawadanto gapu kadagiti tattao.’+ 13  “Daydiay manglukat sigurado a sumang-atto iti sanguananda:+ pudno a manglukatdanto. Ket lumasatdanto iti maysa a ruangan, ket rummuardanto iti dayta.+ Ket ti arida lumasatto iti sanguananda, a ni Jehova ti adda iti masanguananda.”+

Footnotes