Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Mikias 1:1-16

1  Ti sao ni Jehova a dimteng ken Mikias+ ti Moreset, idi kaaldawan da Jotam,+ Acaz,+ Ezekias,+ nga ar-ari ti Juda,+ a nasirmatana maipapan iti Samaria+ ken Jerusalem:+  “Dumngegkayo, O dakayo nga il-ili, dakayo amin; mangipangagka, O daga ken ti mangpunno kenka,+ ket ti Soberano nga Apo Jehova agserbi koma maibusor kadakayo a kas saksi,+ ni Jehova manipud nasantuan a templona.+  Ta, adtoy! ni Jehova rummuar manipud lugarna,+ ket sigurado a bumabanto ket bumaddek kadagiti nangato a disso ti daga.+  Ket dagiti bantay masapul a malunagda iti babana,+ ket agbisngayto a mismo dagiti nababa a tanap, kas iti allid gapu iti apuy,+ kas iti dandanum a maibukbukbok iti napasdok a lugar.  “Gapu iti iyaalsa ni Jacob nga adda amin daytoy, gapu a mismo kadagiti basol ti balay ti Israel.+ Ania ti iyaalsa ni Jacob? Saan aya a ti Samaria?+ Ket ania dagiti nangato a disso ti Juda?+ Saanda aya a ti Jerusalem?  Ket sigurado a pagbalinekto ti Samaria a bunton dagiti rebba iti tay-ak,+ dagiti pagmulaan a lugar ti maysa a kaubasan; ket dagiti batona ibukbokkonto iti ginget, ket dagiti pamuonna iduyayyatkonto.+  Ket marumekrumekto amin dagiti kinitikitan a ladawanna,+ ket amin dagiti sagut a naited kenkuana kas tangdanna maipuorto iti apuy;+ ket amin dagiti idolona pagbalinekto a langalang a rebbek. Ta manipud iti bambanag a naipaay a kas tangdan ti balangkantis inummongna ida, ket iti banag a naipaay a kas tangdan ti balangkantis agsublidanto.”+  Maigapu itoy agdung-aw ken aganug-ogakto;+ magnaakto a sakasaka ken lamolamo.+ Mangaramidakto iti panagdung-aw a kas kadagiti chacal, ken panagleddaang a kas kadagiti kabaian nga abestrus.  Ta ti pannaplit kenkuana awan pannakapaimbagna;+ ta dimteng agingga iti Juda,+ ti saplit agingga iti ruangan ti ilik, agingga iti Jerusalem.+ 10  “Idiay Gat dikay isarita dayta; dikay pulos agsangit.+ “Iti balay ni Afra agiladkayo iti mismo a tapok.+ 11  Bumallasiwka, O babai nga agnanaed iti Safir, buyogen ti nakababain a kinalabus.+ Ti babai nga agnanaed iti Zaanan saan a rimmuar. Ti panagdung-aw ti Bet-ezel alaennanto kadakayo ti nakaisaadanna a disso. 12  Ta ti babai nga agnanaed iti Marot inurayna ti naimbag,+ ngem ti dakes bimmaba manipud ken Jehova nga agturong iti ruangan ti Jerusalem.+ 13  Ikapetmo ti karuahe iti sangkakuyogan a kabkabalio, O babai nga agnanaed iti Laquis.+ Isu idi ti pangrugian ti basol iti anak a babai ti Sion,+ ta nasarakan kenka dagiti iyaalsa ti Israel.+ 14  Gapuna mangtedkanto kadagiti sagut iti panagsina iti Moreset-gat.+ Dagiti balay ti Aczib+ kaslada banag a makaallilaw iti ar-ari ti Israel. 15  Ti manangikkat iti sanikua iyegkonto pay laeng kenka,+ O babai nga agnanaed iti Maresah.+ Agingga idiay Adullam+ dumtengto ti dayag ti Israel. 16  Agpakalboka, ket pukisam ti buokmo maigapu iti annakmo ti napalalo a ragsak.+ Palawaem ti kinakalbom a kas iti kinakalbo ti agila, agsipud ta pimmanawda kenka a napan iti pannakaidestiero.”+

Footnotes