Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Mateo 4:1-25

4  Idin ni Jesus naiturong idiay let-ang+ babaen ti espiritu tapno sulisogen+ ti Diablo.  Kalpasan a nakapagayunar iti uppat a pulo nga aldaw ken uppat a pulo a rabii,+ idin nagbisin.  Kasta met, immay ti Mannulisog+ ket kinunana kenkuana: “No sika ket anak ti Dios,+ ibagam kadagitoy a bato nga agbalinda a tinapay.”  Ngem kas sungbat kinunana: “Adda a naisurat, ‘Ti tao agbiag, saan nga iti tinapay laeng, no di ket iti tunggal sao a rumrummuar iti ngiwat ni Jehova.’”+  Idin impan ti Diablo iti nasantuan a siudad,+ ket insaadna iti pannakabaluarte ti templo  ket kinunana kenkuana: “No sika ket anak ti Dios, tumapuakka;+ ta adda a naisurat, ‘Mangtedto kadagiti anghelna iti bilin maipapan kenka, ket sakruyendakanto iti im-imada, tapno uray kaano saanmo a maidungpar ta sakam iti bato.’”+  Kinuna kenkuana ni Jesus: “Manen adda a naisurat, ‘Dika suboken ni Jehova a Diosmo.’”+  Manen impan ti Diablo iti maysa a bantay a nagpaiduma ti kangatona, ket imparangna kenkuana dagiti amin a pagarian ti lubong+ ken ti dayagda,  ket kinunana kenkuana: “Amin dagitoy a banag itedkonto kenka+ no agruknoyka ken mangaramidka iti maysa a tignay a panagdayaw kaniak.”+ 10  Idin kinuna kenkuana ni Jesus: “Pumanawka, Satanas! Ta adda a naisurat, ‘Ni Jehova a Diosmo ti masapul a daydayawem,+ ket kenkuana laeng+ ti masapul a pangipaayam ti sagrado a panagserbi.’”+ 11  Kalpasanna pinanawanen ti Diablo,+ ket, adtoy! immay dagiti anghel ket nangrugida nga agserbi kenkuana.+ 12  Itan idi nangngegna a ni Juan naareston,+ pimmanaw a napan idiay Galilea.+ 13  Kanayonanna, kalpasan a pinanawanna ti Nazaret, dimteng ket nagtaeng idiay Capernaum+ iti igid ti baybay kadagiti distrito ti Zabulon ken Neftali,+ 14  tapno matungpal ti naisao babaen ken Isaias a mammadto, a kunkunana: 15  “O daga ti Zabulon ken daga ti Neftali, nga adda iti denna ti dalan ti baybay, iti sabali a bangir ti Jordan, Galilea+ dagiti nasion! 16  dagiti umili nga agtugtugaw iti sipnget+ nakakitada iti dakkel a lawag,+ ket no maipapan kadagidiay agtugtugaw iti rehion ti anniniwan ti patay, timpuar+ kadakuada ti lawag.”+ 17  Manipuden iti dayta a tiempo rinugian ni Jesus ti nangaskasaba ket kunkunana: “Agbabawikayo,+ ta ti pagarian+ ti langlangit asidegen.” 18  Idi magmagna iti igid ti baybay ti Galilea nakitana ti dua nga agkabsat, ni Simon+ a maaw-awagan Pedro+ ken ni Andres a kabsatna, a mangitintinnag iti iket iti baybay, ta dumadaklisda. 19  Ket kinunana kadakuada: “Surotendak, ket pagbalinenkayto a dumadaklis iti tattao.”+ 20  Madagdagus nga idi binaybay-anda dagiti iket,+ simmurotda kenkuana. 21  Kasta met nga iti panagtultuloyna manipud sadiay nakakita iti dua a sabali pay+ nga agkabsat, ni Santiago nga anak ni Zebedeo+ ken ni Juan a kabsatna, iti barangay a kaduada ni Zebedeo nga amada, nga agay-ayumada kadagiti iketda, ket inayabanna ida. 22  Madagdagus nga idi pinanawanda ti barangay ken ti amada, simmurotda kenkuana. 23  Kalpasanna linikmutna+ ti intero a Galilea,+ a nangisursuro kadagiti sinagogada+ ken nangikaskasaba iti naimbag a damag ti pagarian ken nangag-agas iti tunggal kita ti sagubanit+ ken tunggal kita ti an-annayen kadagiti tattao. 24  Ket ti damag maipapan kenkuana nagwaras iti intero a Siria;+ ket inyegda kenkuana amin dagidiay nakaro ti kasasaadna,+ dagiti naparigatan iti nadumaduma a sagubanit ken tuok, dagiti nagunggan ti sairo ken dagiti agkissiw+ ken dagiti paralisado a tattao, ket inagasanna ida. 25  Gapu itoy simmurot kenkuana dagiti dadakkel a bunggoy manipud Galilea+ ken Decapolis ken Jerusalem+ ken Judea ken manipud iti sabali a bangir ti Jordan.

Footnotes