Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Mateo 3:1-17

3  Kadagidi nga aldaw immay nangaskasaba ni Juan a Mammautisar+ idiay let-ang+ ti Judea,  a kunkunana: “Agbabawikayo,+ ta ti pagarian ti langlangit asidegen.”+  Daytoy, iti kinapudnona, daydiay naisao babaen ken Isaias a mammadto+ kadagitoy a sao: “Imdenganyo! Adda mangipukpukkaw idiay let-ang, ‘Isaganayo+ ti dalan ni Jehova! Palintegenyo dagiti danana.’”  Ngem daytoy met laeng a Juan adda pagan-anayna a dutdot ti kamelio+ ken barikes a lalat+ iti aglawlaw dagiti lomona; ti taraonna met ket insekto a dudon+ ken atap a diro.+  Idin ti Jerusalem ken ti intero a Judea ken ti intero a pagilian nga adda iti aglawlaw ti Jordan rimmuarda a napan kenkuana,  ket nabautisaran ti tattao babaen kenkuana idiay Karayan Jordan,+ a sipapanayag nga ipudpudnoda dagiti basolda.  Idi nakitana ti adu kadagiti Fariseo ken dagiti Saduceo+ nga um-umay iti bautismo, kinunana kadakuada: “Dakayo a putot dagiti karasaen,+ siasino ti nangiparipirip kadakayo a malisianyo ti um-umay a pungtot?+  No kasta ngarud mangpataudkayo iti bunga a maitutop iti panagbabawi;+  ket dikay ipapan a kunaenyo iti bagbagiyo, ‘Kas maysa nga ama adda kadakami ni Abraham.’+ Ta kunak kadakayo a kabaelan ti Dios ti mangpatanor iti annak ken Abraham+ manipud kadagitoy a bato. 10  Ti wasay+ nakadisson iti ramut dagiti kayo; tunggal kayo, ngarud, a saan a mangpataud iti nasayaat a bunga mapukan+ ket maibelleng iti apuy.+ 11  Siak, iti biangko, bautisarankayo iti danum+ gapu iti panagbabawiyo;+ ngem daydiay um-umay+ a sumaruno kaniak nabilbileg ngem siak, a kadagiti pallokana saanak a maikari a mangikkat.+ Bautisarannakayto dayta iti nasantuan nga espiritu+ ken iti apuy.+ 12  Ti suplad a pagtaepna adda iti imana, ket naan-anay a dalusannanto ti pagirikanna, ken urnongennanto ti trigona iti kamalig,+ ngem ti taep puorannanto+ iti apuy a saan a maiddep.” 13  Idin ni Jesus immay manipud Galilea+ nga agturong idiay Jordan ken ni Juan, tapno agpabautisar+ kenkuana. 14  Ngem pinadas a pawilan ti naud-udi a nadakamat, a kunkunana: “Siak ti agkasapulan iti panangbautisarmo, ket sika umayka kaniak?” 15  Kas sungbat kinuna kenkuana ni Jesus: “Bay-am a kasta, iti daytoy a tiempo, ta iti kasta a pamay-an maikanatad kadatayo nga itungpal ti isuamin a nalinteg.”+ Idin sinardengannan a pawilan. 16  Kalpasan a nabautisaran dagus a simmang-at ni Jesus manipud iti danum; ket, adtoy! naluktan ti langlangit,+ ket nakitana ti espiritu ti Dios a bumabbaba a kasla kalapati+ nga um-umay kenkuana.+ 17  Adtoy! Kasta met, adda timek+ manipud iti langlangit a nagkuna: “Daytoy ti Anakko,+ ti dungdungnguen,+ nga inanamongak.”+

Footnotes