Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Mateo 28:1-20

28  Kalpasan ti sabbath, idi aglawagen iti umuna nga aldaw ti lawas, ni Maria Magdalena ken ti sabali pay a Maria immayda kitaen ti tanem.+  Ket, adtoy! maysa a dakkel a ginggined ti napasamak; ta ti anghel ni Jehova bimmaba manipud langit ket immasideg ket intulidna ti bato, ket situtugaw idi iti dayta.+  Ti makinruar a langana kasla iti kimat,+ ket ti pagan-anayna kas kapudaw ti niebe.+  Wen, gapu iti butengda kenkuana nagpigerger dagiti agbambantay ket nagbalinda a kas natay a tattao.  Ngem kas sungbat kinuna ti anghel+ kadagiti babbai: “Dikay agbuteng, ta ammok a sapsapulenyo ni Jesus+ a nailansa.  Awan ditoy, ta isu naibangonen,+ kas iti kinunana. Umaykayo, kitaenyo ti disso a nakaipaiddaanna idi.  Ket darasenyo ti mapan ket ibagayo kadagiti adalanna nga isu naibangonen+ manipud kadagiti natay, ket, adtoy! isu mapan nga umun-una ngem dakayo idiay Galilea;+ sadiay makitayonto. Adtoy! Imbagakon kadakayo.”+  Gapuna, idi sidadaras a pinanawanda ti pakalaglagipan a tanem, buyogen ti buteng ken dakkel a rag-o, timmarayda tapno ipadamagda kadagiti adalanna.+  Ket, adtoy! sinabet ida ni Jesus ket kinunana: “Naimbag nga aldawyo!” Immasidegda ket iniggamanda dagiti sakana ket nagruknoyda kenkuana. 10  Idin kinuna kadakuada ni Jesus: “Dikay agbuteng! Inkayo, ipadamagyo iti kakabsatko,+ tapno mapanda idiay Galilea; ket sadiay makitadakto.” 11  Bayat nga addada iti dalanda, adtoy! sumagmamano kadagiti guardia+ napanda iti siudad ket impadamagda iti panguluen a papadi ti amin a bambanag a napasamak. 12  Ket kalpasan a nakipaguurnong a sangsangkamaysa dagitoy kadagiti lallakay ket nagnunumoda, nangtedda iti umdas a bilang ti kapisi a pirak kadagiti soldado+ 13  ket kinunada: “Kunaenyo, ‘Immay dagiti adalanna+ iti rabii ket tinakawda bayat a matmaturogkami.’ 14  Ket no makagteng daytoy kadagiti lapayag ti gobernador, isu guyugoyenminto ket wayawayaandakayto iti panagdanag.” 15  Gapuna innalada dagiti kapisi a pirak ket inaramidda kas iti naisuro kadakuada; ket daytoy a sao nairakurak a sisasaknap kadagiti Judio agingga iti daytoy met laeng nga aldaw. 16  Nupay kasta, dagiti sangapulo ket maysa nga adalan napanda idiay Galilea+ iti bantay a sadiay ti inyurnos kadakuada ni Jesus, 17  ket idi isu nakitada nagruknoyda, ngem nagduadua ti dadduma.+ 18  Ket immasideg ni Jesus ket nagsao kadakuada, a kunkunana: “Isuamin nga autoridad+ naiteden kaniak idiay langit ken ditoy daga. 19  Inkayo ngarud ket mangaramidkayo iti ad-adalan+ kadagiti tattao iti amin a nasion,+ a bautisaranyo+ ida iti nagan ti Ama+ ken ti Anak+ ken ti nasantuan nga espiritu,+ 20  nga isuroyo+ kadakuada a tungpalenda+ ti amin a bambanag nga imbilinko kadakayo.+ Ket, adtoy! addaak kadakayo+ iti amin nga al-aldaw agingga iti panungpalan ti sistema ti bambanag.”+

Footnotes