Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Mateo 20:1-34

20  “Ta ti pagarian ti langlangit umasping iti maysa a tao, maysa a bumalay, a rimmuar a nasapa iti bigat tapno manangdan kadagiti agtrabaho iti kaubasanna.+  Idi a nakianamong kadagiti trabahador iti maysa a denario iti maysa nga aldaw,+ imbaonna ida idiay kaubasanna.  Idi rimmuar met iti agarup maikatlo nga oras,+ nakitana ti dadduma nga agtaktakder idiay plasa+ nga awan pagsapulanda;  ket kadagidiay kinunana, ‘Dakayo met, inkayo idiay kaubasan, ket aniaman a nainkalintegan itedkonto kadakayo.’  Gapuna napanda. Manen isu rimmuar iti agarup maikanem+ ken maikasiam nga oras+ ket inaramidna ti kasta met laeng.  Kamaudiananna, iti agarup maikasangapulo ket maysa nga oras isu rimmuar ket nasarakanna ti dadduma nga agtaktakder, ket kinunana kadakuada, ‘Apay a nagtaktakderkayo ditoy nga agmalmalem nga awan pagsapulanyo?’  Kinunada kenkuana, ‘Agsipud ta awan asinoman a nanangdan kadakami.’ Kinunana kadakuada, ‘Inkayo met idiay kaubasan.’+  “Idi a rumabiin,+ ti apo ti kaubasan kinunana iti tao a pagay-aywanenna, ‘Ayabam dagiti trabahador ket bayadam ida kadagiti tangdanda,+ mangrugi iti naudi agingga iti immuna.’  Idi immay dagiti maikasangapulo ket maysa nga oras a tattao, immawatda tunggal maysa iti maysa a denario. 10  Gapuna, idi immay dagiti immuna, impapanda nga umawatda iti ad-adu; ngem immawatda met iti tangdan iti gatad a maysa a denario. 11  Idi maawatda dayta nangrugida nga agtanabutob maibusor iti bumalay+ 12  ket kinunada, ‘Dagitoy naudi nangbusbosda iti maysa nga oras a trabaho; kaskasdi nga impadam ida kadakami a nangibaklay iti babantot iti aldaw ken ti makakset a pudot!’ 13  Ngem kas sungbat iti maysa kadakuada kinunana, ‘Gayyem, awan ti dakes nga ar-aramidek kenka. Saan kadi a nakianamongka kaniak iti maysa a denario?+ 14  Alaem no ania ti kukuam ket inkan. Kayatko nga ited iti daytoy naudi ti isu met laeng kas kenka.+ 15  Saan aya a nainkalintegan kaniak nga aramidek no ania ti kayatko iti bambanag a kukuak? Wenno nadangkes aya ta matam+ agsipud ta naimbagak?’+ 16  Iti kastoy a pamay-an a dagiti maudi umunadanto, ket dagiti umuna maudida.”+ 17  Gapu ta nganngani itan sumang-at idiay Jerusalem, inlasin ni Jesus ti sangapulo ket dua nga adalan+ nga is-isuda ket kinunana kadakuada iti dalan: 18  “Adtoy! Sumang-attayo idiay Jerusalem, ket ti Anak ti tao mayawatto iti panguluen a papadi ken eskriba, ket kondenarendanto a matay,+ 19  ket iyawatdanto kadagiti tattao iti nasnasion tapno pagang-angawanda ken tapno saplitenda ken tapno ilansada,+ ket iti maikatlo nga aldaw maibangonto.”+ 20  Idin ti ina ti annak ni Zebedeo+ immasideg kenkuana agraman ti annakna, nga agrukruknoy ken dumawdawat kenkuana iti maysa a banag.+ 21  Kinunana kenkuana: “Ania ti kayatmo?” Kinunana kenkuana: “Itedmo ti bilin a dagitoy dua nga annakko agtugawda, maysa iti makannawanmo ken maysa iti makannigidmo, idiay pagariam.”+ 22  Kinuna ni Jesus kas sungbat: “Saanyo nga ammo no ania ti dawdawatenyo. Mabalinyo aya ti uminum iti kopa+ a ngannganik inuman?” Kinunada kenkuana: “Mabalinmi.” 23  Kinunana kadakuada: “Pudno nga uminumkayto iti kopak,+ ngem daytoy panagtugaw iti makannawanko ken iti makannigidko saanko a biang ti mangipaay, no di ket kukua dayta dagidiay nangisaganaan ni Amak.”+ 24  Idi a nangngeg daytoy ti sangapulo a sabsabali pay, nagrurodda iti dua nga agkabsat.+ 25  Ngem kinuna ni Jesus, idi inayabanna ida: “Ammoyo a dagiti agturay kadagiti nasion dominaranda ida ket dagiti naindaklan a tattao aramatenda ti autoridad kadakuada.+ 26  Saan a kastoy kadakayo;+ no di ket siasinoman a kayatna ti agbalin a naindaklan kadakayo masapul nga agserbi kadakayo,+ 27  ket siasinoman a kayatna ti agbalin nga umuna kadakayo masapul nga agbalin nga adipenyo.+ 28  A kas ti Anak ti tao immay, saan a tapno pagserbian, no di ket tapno agserbi+ ken tapno itedna ti kararuana kas subbot a kasukat dagiti adu.”+ 29  Itan bayat a rumrummuarda idi iti Jerico+ maysa a dakkel a bunggoy ti simmurot kenkuana. 30  Ket, adtoy! dua a bulsek a lallaki nga agtugtugaw iti igid ti dalan, idi mangngegda a lumablabas ni Jesus, nagikkisda, a kunkunada: “Apo, maasianka kadakami, Anak ni David!”+ 31  Ngem siiinget nga imbaga kadakuada ti bunggoy nga agulimekda; kaskasdi a nagikkisda iti napigpigsa pay, a kunkunada: “Apo, maasianka kadakami, Anak ni David!”+ 32  Gapuna nagsardeng ni Jesus, inayabanna ida ket kinunana: “Ania ti kayatyo nga aramidek kadakayo?” 33  Kinunada kenkuana: “Apo, maluktan koma dagiti matami.”+ 34  Idi simnek ti asina, sinagid ni Jesus dagiti matada,+ ket dagus a nakakitada, ket simmurotda kenkuana.+

Footnotes