Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Mateo 18:1-35

18  Iti dayta nga oras immasideg ken Jesus dagiti adalan ket kinunada: “Asino a pudpudno ti kadakkelan iti pagarian ti langlangit?”+  Gapuna, idi inayabanna ti maysa nga ubing, inkabilna iti tengngada+  ket kinunana: “Pudno kunak kadakayo, Malaksid no agbaw-ingkayo ken agbalinkayo a kas ub-ubbing,+ saankayto a pulos makastrek iti pagarian ti langlangit.+  Gapuna, siasinoman a mangipakumbabanto+ iti bagina kas itoy nga ubing isu daydiay kadakkelan iti pagarian ti langlangit;+  ket siasinoman nga umawat iti maysa a kasta nga ubing maigapu iti naganko awatennak met.+  Ngem siasinoman a mangitibkol iti maysa kadagitoy babassit nga addaan pammati kaniak, naim-imbag kenkuana a maibitin iti tengngedna ti maysa a gilingan a bato+ a kas iti puspusiposen ti asno ket maipalned iti nalawa, nawayang a baybay.+  “Asi pay ti lubong gapu kadagiti pakaitibkolan! Siempre, kasapulan a dumteng dagiti pakaitibkolan,+ ngem asi pay ti tao a babaen kenkuana dumteng ti pakaitibkolan!+  No, ngarud, itibtibkolnaka ta imam wenno ta sakam, putdem ket ibellengmo manipud kenka;+ nasaysayaat a pawad wenno pilayka a sumrek iti biag ngem ti maitapuakka nga addaan dua nga ima wenno dua a saka iti agnanayon nga apuy.+  Kasta met, no itibtibkolnaka ta matam, suatem ket ibellengmo manipud kenka; nasaysayaat a buldingka a sumrek iti biag ngem ti maitapuakka nga addaan dua a mata iti umap-apuy a Gehenna.+ 10  Siguraduenyo a dikay umsien ti maysa kadagitoy a babassit; ta ibagak kadakayo a dagiti anghelda+ sadi langit kanayon a makitada ti rupa ni Amak nga adda sadi langit.+ 11  —— 12  “Ania ti pagarupyo? No ti maysa a tao addaan sangagasut a karnero ket maysa kadakuada ti maiwawa,+ saannanto aya a panawan ti siam a pulo ket siam iti bambantay ket mapanna biroken daydiay maiwawwawa?+ 13  Ket no mapasamak a masarakanna dayta, pudno unay nga ibagak kadakayo, pagrag-oanna nga ad-adda dayta ngem ti siam a pulo ket siam a di naiwawa.+ 14  Kasta met a di matarigagayan a banag ken ni Amak nga adda sadi langit a mapukaw ti maysa kadagitoy a babassit.+ 15  “Mainayon pay, no ni kabsatmo makaaramid ti basol, inka idatag ti basolna a dakdakayo.+ No dumngeg kenka, nagun-odmo ni kabsatmo.+ 16  Ngem no saan a dumngeg, mangikuyogka iti maysa wenno dua pay, tapno iti ngiwat ti dua wenno tallo a saksi mapatalgedan ti tunggal banag.+ 17  No di dumngeg kadakuada, agsaoka iti kongregasion. No di dumngeg uray iti kongregasion, agbalin koman kenka a kas maysa a tao dagiti nasion+ ken kas maysa nga agsingsingir iti buis.+ 18  “Pudno kunak kadakayo, Aniaman a bambanag a galutanyo ditoy daga isunto ti bambanag a nagalutan idiay langit, ket aniaman a bambanag a warwaranyo ditoy daga isunto ti bambanag a nawarwaran idiay langit.+ 19  Manen pudno kunak kadakayo, No dua kadakayo ditoy daga umanamong maipapan iti aniaman a nasken a banag a masapul a kiddawenda, maaramidto kadakuada gapu ken Amak sadi langit.+ 20  Ta no sadino nga adda dua wenno tallo a naguurnong iti naganko,+ sadiay addaak iti nagtengngaanda.”+ 21  Idin immasideg ni Pedro ket kinunana kenkuana: “Apo, mamin-ano nga agbasol kaniak ni kabsatko ket pakawanek?+ Agingga iti mamimpito?”+ 22  Kinuna kenkuana ni Jesus: “Kunak kenka, saan nga, Agingga iti mamimpito, no di ket, Agingga iti mamimpitopulo ket pito.+ 23  “Dayta ti makagapu a ti pagarian ti langlangit nagbalin a kas maysa a tao, maysa nga ari,+ a kinayatna ti makikuenta+ kadagiti adipenna. 24  Idi rinugianna a risuten dagita, naiserrek ti maysa a tao a nakautang kenkuana iti sangapulo ribu a talento [=60,000,000 a denario]. 25  Ngem agsipud ta awan mabalinna nga ibayad iti dayta, imbilin ni apona nga isu ken ti asawana ken ti annakna ken amin a bambanag nga adda kenkuana mailakoda ket iti kasta makabayad.+ 26  Gapuna nagkurno ti adipen ket nangrugi nga agruknoy kenkuana, a kunkunana: ‘Anusannak koma ket bayadakto kenka ti amin a banag.’ 27  Idi naasian iti daytoy, ti apo dayta nga adipen pinalubosanna+ ket winaswasna ti utangna.+ 28  Ngem rimmuar dayta nga adipen ket nasarakanna ti maysa kadagiti padana nga adipen a nakautang kenkuana iti sangagasut a denario;+ ket, idi nagammatanna, rinugianna a bekkelen, a kunkunana, ‘Bayadam ti aniaman nga utangmo.’ 29  Gapuna nagkurno ti padana nga adipen ket nangrugi nga agpakaasi kenkuana, a kunkunana, ‘Anusannak+ koma ket agbayadakto kenka.’ 30  Nupay kasta, saanna a kinayat, no di ket napan ket impisokna iti pagbaludan agingga a mabayadanna ti nautang. 31  Ngarud, idi a dagiti padana nga adipen nakitada ti bambanag a napasamak, nagleddaangda iti kasta unay, ket napanda ket imbatadda iti apoda ti amin a bambanag a napasamak.+ 32  Idin isu inayaban ti apona ket kinunana kenkuana, ‘Nadangkes nga adipen, winaswasko amin dayta nga utang maipaay kenka, idi a nagpakaasika kaniak. 33  Saan kadi a rebbeng, met, a maasianka+ iti padam nga adipen, a kas met iti panangngaasik+ kenka?’ 34  Gapu iti dayta ti apona, a nagargari nga agpungtot,+ inyawatna kadagiti manangibalud, agingga a mabayadanna ti isuamin a nautang. 35  Iti kasta met laeng a pamay-an+ makilangento kadakayo ti nailangitan nga Amak no saankayo a mangpakawan tunggal maysa iti kabsatna manipud iti puspusoyo.”+

Footnotes