Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Mateo 17:1-27

17  Innem nga aldaw kalpasanna inkuyog ni Jesus da Pedro ken Santiago ken Juan a kabsatna ket impanna ida iti maysa a nangato a bantay nga is-isuda.+  Ket nagbalbaliw ti langana iti sanguananda, ket ti rupana nagsilnag a kas iti init,+ ket dagiti makinruar a kawesna nagraniagda a kas iti lawag.+  Ket, adtoy! nagparang kadakuada da Moises ken Elias, a makisasao kenkuana.+  Kas panagtignay kinuna ni Pedro ken Jesus: “Apo, nasayaat no ditoytayon. No kayatmo, mangibangonak iti tallo a tolda ditoy, maysa ti maipaay kenka ket maysa ti maipaay ken Moises ket maysa ti maipaay ken Elias.”+  Bayat nga agsasao pay laeng, adtoy! maysa a naraniag nga ulep ti nanglinong kadakuada, ket, adtoy! adda timek a naggapu iti ulep, a kunkunana: “Daytoy ti Anakko, ti dungdungnguen, nga inanamongak;+ agimdengkayo kenkuana.”+  Idi mangngegda daytoy nagpakleb dagiti adalan ket nagbutengda iti kasta unay.+  Idin immasideg ni Jesus ket, idi sinagidna ida, kinunana: “Tumakderkayo ket dikay agbuteng.”+  Idi intangwada dagiti matada, awan ti nakitada no di laeng ni Jesus a mismo.+  Ket bayat a bumabbabada idi manipud iti bantay, binilin ida ni Jesus, a kunkunana: “Dikay ibaga ti sirmata iti asinoman agingga a ti Anak ti tao maibangon manipud kadagiti natay.”+ 10  Nupay kasta, insaludsod kenkuana dagiti adalan: “Apay, ngarud, a kuna dagiti eskriba a masapul nga umay nga umuna ni Elias?”+ 11  Kas sungbat kinunana: “Ni Elias, iti kinapudnona, umay ket isublinanto amin a bambanag.+ 12  Nupay kasta, kunak kadakayo a ni Elias immayen ket saanda a nailasin no di ket inaramidda kenkuana ti bambanag a kinayatda. Iti kastoy met a pamay-an naikeddeng ti Anak ti tao nga agsagaba iti im-imada.”+ 13  Idin dagiti adalan nailasinda a nagsao kadakuada maipapan ken Juan a Mammautisar.+ 14  Ket idi dimtengda iti bunggoy,+ immasideg kenkuana ti maysa a tao, a nagparintumeng kenkuana ken kunkunana: 15  “Apo, maasianka iti anakko a lalaki, agsipud ta adda kissiwna ken masakit, ta matnag a masansan iti apuy ken masansan iti danum;+ 16  ket inyegko kadagiti adalam, ngem saanda a kabaelan nga agasan.”+ 17  Kas sungbat kinuna ni Jesus: “O awanan pammati ken tiritir a kaputotan,+ kasano kabayag a masapul nga agtalinaedak kadakayo? Kasano kabayag a masapul nga aganusak kadakayo? Iyegyo kaniak ditoy.” 18  Idin ni Jesus binabalawna dayta, ket ti sairo rimmuar kenkuana;+ ket ti ubing a lalaki naagasan manipud iti dayta nga oras.+ 19  Kalpasanna dagiti adalan immasidegda ken Jesus nga is-isuda ket kinunada: “Apay a saanmi a kabaelan a paruaren dayta?”+ 20  Kinunana kadakuada: “Gapu iti bassit a pammatiyo. Ta pudno kunak kadakayo, No addaankayo iti pammati a kas iti kabassit ti bukel ti mustasa, kunaenyonto iti daytoy a bantay, ‘Umaliska manipud ditoy nga agturong sadiay,’ ket umalisto dayta, ket awanto ti di mabalin kadakayo.”+ 21  —— 22  Bayat ti pannakaummongda a sangsangkamaysa idi idiay Galilea a kinuna kadakuada ni Jesus: “Ti Anak ti tao naikeddeng a maliputan iti im-ima dagiti tattao,+ 23  ket papatayendanto, ket iti maikatlo nga aldaw maibangonto.”+ Gapu itoy nagleddaangda iti kasta unay.+ 24  Kalpasan a nakagtengda idiay Capernaum immasideg ken Pedro dagiti lallaki nga agsingsingir iti dua a drakma [a buis] ket kinunada: “Ti mannursuroyo saanna kadi a bayadan ti dua a drakma [a buis]?”+ 25  Kinunana: “Wen.” Nupay kasta, idi simrek iti balay isu inun-unaan ni Jesus babaen iti panagkunana: “Ania ti pagarupmo, Simon? Manipud kadagiti siasino a ti ar-ari ditoy daga umawatda kadagiti impuesto wenno panguluen a buis? Manipud iti annakda wenno manipud kadagiti ganggannaet?” 26  Idi a kinunana: “Manipud kadagiti ganggannaet,” kinuna kenkuana ni Jesus: “Pudno, ngarud ti annak saanda nga agbuis. 27  Ngem tapno saantay a maitibkol ida,+ mapanka idiay baybay, mangipuruakka iti banniit, ket alaem ti umuna nga ikan nga agparang ket, inton luktam ti ngiwatna, makasarakkanto iti estater a sinsilio. Alaem dayta ket itedmo kadakuada gapu kaniak ken gapu kenka.”+

Footnotes